Exodo 10:17 - Ãcõrẽ Bed̶ea

¹⁷ Maʌ̃ bẽrã mʌ̃a bãrãa bed̶ea djuburiaya mʌ̃a biẽ́ od̶ada quĩrãdoad̶amãrẽã. Idjab̶a bãrã Ãcõrẽa iwid̶id̶adua naʌ̃ ad̶ichichira mʌ̃ druad̶e jõbimãrẽã. Mãwã od̶aẽ́bʌrʌ dairãra jarrababa quininia.–

Exodo 10:17 Iomraidhean Croise

2 Reye 4:40

Wid̶acarea maʌ̃ djicora jed̶ecasia. Baribʌrʌ cobʌdad̶e ãdjirãba b̶ia jarasid̶aa: –¡Ãcõrẽneba bed̶eabari Eliseo, naʌ̃ djicora dadji beabari bara b̶ʌa!– Maʌ̃ carea ãdjirãba cod̶aẽ́ basía.

Exodo 8:28

Maʌ̃be Egiptod̶ebema boroba jarasia: –Mãẽteara bia b̶ʌa. Mʌ̃a bãrãra ẽjũã põãsa ewaraga b̶ʌd̶aa idu wãbiya bãrã Ãcõrẽa animarãda babue diacuad̶amãrẽã. Baribʌrʌ bãrãra tʌmʌ wãcara panʌa. Idjab̶a mʌ̃ carea bid̶a Ãcõrẽa iwid̶id̶adua.–

Exodo 8:4

Bʌ ʌ̃rʌ̃, dji dromarã ʌ̃rʌ̃, bʌ druad̶ebemarã ʌ̃rʌ̃ bid̶a baujĩãra jʌ̃drʌcuad̶ia.”–

Exodo 8:8

Maʌ̃be Egiptod̶ebema boroba Moisera Aaroʌ̃ sid̶a trʌ̃biped̶a ãdjía nãwã jarasia: –Ãcõrẽa iwid̶id̶adua naʌ̃ baujĩãra mʌ̃nebemada idjab̶a mʌ̃ purud̶ebemada ãyã wãbimãrẽã. Maʌ̃bebʌrʌ mʌ̃a bãrã israelerãra idu wãbiya Ãcõrẽa animarã babue diacuad̶amãrẽã.–

Exodo 9:27

Maʌ̃be Egiptod̶ebema boroba Moisera, Aaroʌ̃ sid̶a trʌ̃biped̶a ãdjía nãwã jarasia: –Id̶ibʌrʌ mʌ̃a cawasia biẽ́ o b̶ʌda. Ãcõrẽbʌrʌ jipa o b̶ʌa. Mʌ̃da, mʌ̃ puru sid̶a bed̶ead̶e panʌa.

Exodo 9:28

Maʌ̃ bẽrã Ãcõrẽa iwid̶id̶adua naʌ̃ hielo jurru nũmʌra, baa sid̶a jõbimãrẽã. Maʌ̃be mʌ̃a israelerãra idu wãbiya. Waa ãdjirãra Egiptod̶e b̶ebiẽ́a.–

Numero 21:7

Maʌ̃ bẽrã israelerãra Moisemaa wãnaped̶a jarasid̶aa: –Dairãba cadjiruada osid̶aa Ãcõrẽda, bʌ sid̶a biẽ́ jarasid̶a bẽrã. Dai quĩrã djuburia Ãcõrẽa iwid̶idua naʌ̃ damara ãyã wãbicuamãrẽã.– Ara maʌ̃da Moiseba ãdjirã carea Ãcõrẽa bed̶ea djuburiasia.

Hecho 8:24

Maʌ̃ne Simoʌ̃ba jarasia: –Mʌ̃ carea dadjirã Boroa iwid̶id̶adua bãrãba jaraped̶ad̶ara mãwãrãmãrẽã.–

Romano 15:30

Djabarã, Ãcõrẽ Jaured̶eba dadjirãra dji quĩrĩã panʌa. Maʌ̃ bẽrã dadjirã Boro Jesucritod̶eba mʌ̃a bãrãa bed̶ea djuburiaya mʌ̃ careba Ãcõrẽa iwid̶id̶amãrẽã.

2 Corinto 1:10

Idjia dai bead̶id̶ebemada ẽdrʌ b̶ʌsia idjab̶a wayacusa bead̶ida crĩchasid̶ara ẽdrʌ b̶ʌya. Daiba wãrãda ĩjã panʌa idjia dai bead̶id̶ebemada ẽdrʌ b̶ʌ b̶aida.

1 Samuel 15:25

Baribʌrʌ mʌ̃ quĩrã djuburia mʌ̃ cadjiruara quĩrãdoadua. Sordaorã panʌmaa wãna mʌ̃a Ãcõrẽa bia bed̶eai carea.–