Exodo 10:1 - Ãcõrẽ Bed̶ea

^1-2 Maʌ̃be Ãcõrẽba Moisea jarasia: –Mʌ̃a Egiptod̶ebema borora, dji dromarã sid̶a so zarea b̶ʌsia ne ununacada ãdjirã tãẽna oi carea. Mãwãra bãrã warrarãa, bãrã wiuzaquerãa bid̶a nẽbʌrʌd̶ia sãwã maʌ̃ ne ununacad̶eba mʌ̃a unubisida egiptorãra siriẽ́ b̶eada. Mãwã bãrãba cawad̶ia mʌ̃drʌ Ãcõrẽda. Jãʌ̃be Egiptod̶ebema boromaa jarad̶e wãdua mʌ̃a ad̶ichichida zocãrã idji druad̶e b̶aebida.–

Exodo 10:1 Iomraidhean Croise

Exodo 10:20

Baribʌrʌ Ãcõrẽba Egiptod̶ebema borora so zarea b̶ʌd̶a bẽrã idjia israelerãra idu wãbiẽ́ basía.

Exodo 3:20

Maʌ̃ bẽrã mʌ̃ ʌb̶ʌada egiptorãa unubiya. Zocãrã ne ununaca waib̶ʌa b̶eada oya ãdjirãra cawa oi carea. Mãwãbʌrʌ Egiptod̶ebema boroba israelerãra idu wãbiya.

Exodo 4:21

Moise wãbʌrʌd̶e Ãcõrẽba idjía jarasia: –Egiptod̶e jũẽped̶a jũma ne ununaca mʌ̃a obi b̶ʌda Egiptod̶ebema boro quĩrãpita odua. Baribʌrʌ mʌ̃a idjira so zarea b̶ʌya israelerã ẽdrʌ b̶ʌrãmãrẽã.

Exodo 7:4

Baribʌrʌ bãrãba jara panʌra Egiptod̶ebema boroba ĩjãẽ́a. Maʌ̃ bẽrã mʌ̃ ʌb̶ʌad̶eba mʌ̃a ne ununaca waib̶ʌa b̶eada oya egiptorã cawa oi carea. Mãwã mʌ̃ puru Israelera Egipto druad̶eba ẽdrʌ edeya sordaorã djõne wãbada quĩrãca.

Exodo 9:12

Baribʌrʌ Ãcõrẽba Egiptod̶ebema borora so zarea b̶ʌsia. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía Ãcõrẽba jarad̶a quĩrãca.

Exodo 9:16

Baribʌrʌ mʌ̃a mãwã oẽ́ b̶ʌa. Mʌ̃a bʌra zocai b̶ʌsia bʌ mĩgabi b̶ʌd̶eba mʌ̃ ʌb̶ʌada unubi carea. Mãwã mʌ̃ra jũma naʌ̃ ẽjũãne trʌ̃ b̶ʌga b̶aya.

Exodo 9:27

Maʌ̃be Egiptod̶ebema boroba Moisera, Aaroʌ̃ sid̶a trʌ̃biped̶a ãdjía nãwã jarasia: –Id̶ibʌrʌ mʌ̃a cawasia biẽ́ o b̶ʌda. Ãcõrẽbʌrʌ jipa o b̶ʌa. Mʌ̃da, mʌ̃ puru sid̶a bed̶ead̶e panʌa.

Juaʌ̃ 12:40

Mʌ̃a ãdjirãra daub̶errea b̶ea quĩrãca b̶ʌsia idjab̶a so zarea b̶ʌsia ãdji dauba unu panʌmĩna cawarãnamãrẽã idjab̶a ũrĩ panʌmĩna sod̶eba cawarãnamãrẽã. Mãwã panʌ bẽrã mʌ̃maa zed̶acaa mʌ̃a biabimãrẽã.

Romano 9:17

Ãcõrẽ Bed̶ead̶e idjia Egiptod̶ebema boroa jarad̶ada nãwã b̶ʌ́ b̶ʌa: Mʌ̃a bʌra dji boroda b̶ʌsia bʌ mĩgabi b̶ʌd̶eba mʌ̃ ʌb̶ʌada unubi carea. Mãwã mʌ̃ra jũma naʌ̃ ẽjũãne trʌ̃ b̶ʌga b̶aya.

Romano 9:18

Maʌ̃ba cawabi b̶ʌa Ãcõrẽba ab̶aʌda quĩrã djuburia quĩrĩã b̶ʌbʌrʌ mãwã obarida idjab̶a ab̶aʌda cʌwʌrʌ zarea b̶ʌ quĩrĩã b̶ʌbʌrʌ mãwã b̶ʌbarida.

Josue 11:20

Wãrãda Ãcõrẽbʌrʌ maʌ̃ purud̶ebemarãra so zarea b̶ʌsia israelerã ume djõne wãnamãrẽã. Mãwã quĩrã djuburia neẽ́ israelerãba ãdjirãra jũma quenasid̶aa Ãcõrẽba Moisea jarad̶a quĩrãca.

1 Samuel 4:8

¡Ay, dadjirãra mĩã djuburi panʌa! ¿Caiba dadjirãra jãʌ̃ ãcõrẽ ʌb̶ʌa b̶ea jʌwaed̶abemada ẽdrʌ b̶ʌi? Ara maʌ̃ ãcõrẽ b̶eaba egiptorãra ẽjũã põãsa ewaraga b̶ʌd̶e ne quĩrãtanoaneba quinibisid̶aa.