Exodo 1:7 - Ãcõrẽ Bed̶ea

⁷ Baribʌrʌ ãdjirãza warrarã zocãrã unubadjid̶a bẽrã isabe yõnaped̶a bio cãbana panesid̶aa. Maʌ̃ bẽrã dji druara ãdjirãba birasid̶aa.

Exodo 1:7 Iomraidhean Croise

Genesi 1:20

Maʌ̃be Ãcõrẽba jarasia: –Dojãne ne jũma zocai b̶eada baraa baya. Idjab̶a ʌ̃tʌ wãb̶aribada sid̶a baraa baya.–

Genesi 1:28

Maʌ̃be Ãcõrẽba ãdjira nãwã bia jarasia: –Warra zocãrã ununadua. Naʌ̃ ẽjũãra birad̶adua idjab̶a jũma naʌ̃ ẽjũãne b̶eara bãrã jʌwaed̶a erob̶ead̶adua. B̸eda b̶eara, ĩbana b̶eara, druabema animarã sid̶a jũma poya erob̶ead̶adua.–

Genesi 12:2

Bʌd̶eba puru dromada mʌ̃a yõbiya, bʌra bia b̶ʌya, trʌ̃ b̶ʌga b̶ʌya, idjab̶a bʌd̶eba dewararãda bia duanania.

Genesi 13:16

Mʌ̃a bʌ warrarãra zocãrã yõbiya. Egoro pora poya juachad̶aca quĩrãca bʌ warrarã sid̶a poya juachad̶aca baya.

Genesi 15:5

Maʌ̃be dajadaa edeped̶a Ãcõrẽba jarasia: –Bajãnaa acʌdua, maʌ̃be chĩdauda jũma poya juachaibʌrʌ, juachadua. Jãʌ̃ chĩdau zocãrã b̶ʌ quĩrãca bʌd̶eba yõbʌdarã sid̶a zocãrã duanania.–

Genesi 26:22

Maʌ̃be Isara mamabemada ãyã b̶ad̶e wãsia. Mama dewara baido juebada uriada corosia. Maʌ̃ baido carea ijarad̶aẽ́ basía. Maʌ̃ne Isaba jarasia: –Ʌ̃rãbʌrʌ Ãcõrẽba dadjirãra bia b̶ʌsia naʌ̃gʌ ẽjũãne ne bara paneni carea.– Mãwã dji baido juebada uriara trʌ̃ b̶ʌsia Rehobo.

Genesi 26:4

Mʌ̃a bʌ warrarãra zocãrã yõbiya bajãne chĩdau zocãrã panʌ quĩrãca. Mʌ̃a jũma naʌ̃ druara bʌd̶eba yõbʌdarãa diaya idjab̶a mʌ̃a bʌd̶eba yõbʌrʌd̶eba naʌ̃ ẽjũãne b̶ea purura jũma carebaya.

Genesi 28:14

Bʌ warrarãra zocãrã yõnia egoro pora quĩrãca. Ãdjirãra wãbʌrʌd̶ia ʌ̃mãdau odjabariare, ʌ̃mãdau b̶aebariare, jʌwa araare, jʌwa acʌare bid̶a. Idjab̶a bʌd̶eba, bʌd̶eba yõbʌrʌd̶eba bid̶a mʌ̃a jũma naʌ̃ ẽjũãne b̶ea purura carebaya.

Genesi 35:11

Ãcõrẽba mãwã trʌ̃ b̶ʌped̶a jarasia: –Mʌ̃ra ne jũma poya b̶ʌ Ãcõrẽa. Warrada zocãrã yõdua. Bʌd̶eba puruda zocãrã yõnia. Idjab̶a bʌd̶eba ẽberãrã bororãda yõnia.

Genesi 46:3

Ãcõrẽba jarasia: –Mʌ̃ra bʌ zezaba ĩjã b̶ad̶a Ãcõrẽa. Wayarãdua Egiptod̶aa wãi carea. Jãma mʌ̃a puru waib̶ʌada bʌd̶eba yõbiya.

Genesi 47:27

Maʌ̃ ewarid̶e Jose ẽberãrã israelerã abadara Egipto druad̶e duanesid̶aa. Goseʌ̃ ẽjũãra eropanesid̶aa. Ãdjirãra zocãrã yõsid̶aa.

Genesi 48:16

Idjia jũma mʌ̃ bia mĩga b̶ʌd̶ebemada ẽdrʌ edabaria. Maʌ̃gʌ Ãcõrẽba naʌ̃ warrarãra carebaya. Mʌ̃a quĩrĩã b̶ʌa ãdjid̶eba naʌ̃ ẽjũãne zocãrã yõnida. Mãwã naʌ̃ warrarãneba mʌ̃ trʌ̃ra, mʌ̃ zezadrõã Abrahaʌ̃ trʌ̃ra, mʌ̃ zeza Isa trʌ̃ sid̶a jũmarãba quĩrãneba panania.

Genesi 48:4

“Mʌ̃a bʌd̶eba ẽberãrã zocãrã yõbiya. Idjab̶a bʌd̶eba puruda zocãrã yõbiya. Maʌ̃ awara mʌ̃a bʌ ẽberãrãa naʌ̃ Canaaʌ̃ druara diaya ewariza ãdjid̶e bamãrẽã.”

Genesi 9:1

Maʌ̃be Ãcõrẽba Noéa, dji warrarãa bid̶a nãwã bia jarasia: –Warra zocãrã yõnadua. Naʌ̃ ẽjũãra jũma birad̶adua.

Exodo 1:12

Egiptorãba wetara mĩgabibadjid̶amĩna israelerãra aud̶uara yõ wãsid̶aa. Maʌ̃ bẽrã egiptorãba israelerãra waya panesid̶aa.

Exodo 12:37

Egiptod̶eba ẽdrʌsid̶ad̶e israelerãra Ramese purud̶eba Suco purud̶aa wãsid̶aa. Seisciento mil drõãrãda jĩrũba wãsid̶aa wẽrãrã, warrarã sid̶a juachad̶aẽ́.

Hecho 13:17

Israel Ãcõrẽba dadji drõã naẽnabemarãda edasia. Ãdjirã Egipto druad̶e ãĩbemarã quĩrãca panasid̶ad̶e Ãcõrẽba puru dromada yõbisia. Maʌ̃be idji ʌb̶ʌaba ãdjirãra Egipto druad̶ebemada ẽdrʌ enesia.