Exodo 1:11 - Ãcõrẽ Bed̶ea

¹¹ Maʌ̃ carea egiptorãba israelerãa traju zareada õgo obid̶i carea dji bororãda b̶ʌcuasid̶aa. Maʌ̃gʌrãba israelerãa Egiptod̶ebema boro itea puruda umé obisid̶aa. Ab̶a Pitoʌ̃, ab̶a Ramese abadjid̶aa. Maʌ̃ puru umé panʌne dji boroba idji itea ewaped̶ad̶ara wagabadjia.

Exodo 1:11 Iomraidhean Croise

Genesi 15:13

Mãwã b̶ʌd̶e Ãcõrẽba Abraʌ̃a jarasia: –Bʌra drõã b̶ed̶acarea necai waraga jaid̶aped̶a tʌb̶arid̶ia. Baribʌrʌ cawa b̶adua bʌd̶eba yõi purura djãrã druad̶e b̶aida. Maʌ̃ druad̶ebemarãba ãdjirãra nezocarãda b̶ʌd̶aped̶a cuatrociento poa bia mĩga eropanania. Baribʌrʌ ãdjirã biẽ́ o panʌra mʌ̃a biẽ́ b̶ʌya. Maʌ̃be bʌd̶eba yõi purura mamaʌba ne bara ẽdrʌya.

Genesi 47:11

Ara maʌ̃da dji boroba jarad̶a quĩrãca Joseba idji zezaa, idji djabarãa bid̶a Egiptod̶ebema ẽjũã biara b̶ʌda diasia. Nocoarebema ewarid̶e maʌ̃ ẽjũãne Ramese puruda osid̶aa.

Exodo 1:14

Traju zarea obi panʌneba israelerãra bio bia mĩgabibadjid̶aa. Egoroda chiruad̶aa puerad̶aped̶a de obada mõgarara obibadjid̶aa. Idjab̶a jũma ãdji ẽjũãnebema trajuda obibadjid̶aa. Jũma maʌ̃gʌra ãdjirãba quĩrã djuburia neẽ́ israelerãa obibadjid̶aa.

Exodo 2:11

Moise drõã bad̶acarea ewari ab̶a idji ẽberãrã hebreorãda acʌd̶e wãsia. Maʌ̃ne unusia sãwã ãdjirãra bia mĩga traja panʌda. Idjab̶a unusia Egiptod̶ebemaba hebreoda ab̶a u erob̶ʌda.

Exodo 3:7

Ãcõrẽba jarasia: –Mʌ̃a unu b̶ʌa mʌ̃ purura Egipto druad̶e bio bia mĩga b̶ʌda. Idjab̶a mʌ̃a ũrĩ b̶ʌa ãdjirãba quĩrã djuburiada iwid̶i panʌda. Iwid̶i panʌa mʌ̃a ãdjirãra dji traju obibada bororã jʌwaed̶abemada ẽdrʌ b̶ʌmãrẽã. Mʌ̃a cawa b̶ʌa ãdjirãra wãrãda bia mĩga panʌda.

Exodo 5:10

Ara maʌ̃da dji traju obibada bororãra, dji traja panʌ bororã israelerã sid̶a Egiptod̶ebema boromaʌba ẽdrʌd̶aped̶a israelerãa nãwã jarad̶e wãsid̶aa: –Egiptod̶ebema boroba nãwã jara b̶ʌa: “Mʌ̃a waa chiruara diabiẽ́a de obada mõgara od̶amãrẽã.

Exodo 5:15

Maʌ̃ bẽrã dji traja panʌ bororã israelerãra Egiptod̶ebema boromaa wãnaped̶a nãwã jarasid̶aa: –Dairã bʌ nezocarãra bʌa jãwã oiẽ́ b̶ʌa.

Exodo 5:8

Baribʌrʌ wad̶ibid̶a ãdjia o panana quĩrãca obid̶adua. Ni ab̶a bid̶a ed̶aara od̶iẽ́ panʌa. Ãdjirãra coaid̶a tab̶ea bẽrã nãwã jara panʌa: “Dairãra idu wãbidua dai Ãcõrẽa animarãda babue diacuad̶i carea.”

Numero 20:15

Dairã drõã naẽnabemara Egiptod̶aa wãnaped̶a mama dãrã panasid̶aa. Maʌ̃ne egiptorãba ãdjirãra, dairã sid̶a biẽ́ o eropanasid̶aa.