Apocalipsi 15:3 - Ãcõrẽ Bed̶ea

³ Arpa zabʌdad̶e Ãcõrẽ nezoca Moise trʌ̃ãbida, Oveja Zaque trʌ̃ãbi sid̶a nãwã trʌ̃ã panasid̶aa: Dairã Boro Ãcõrẽ jũma poya b̶ʌ, bʌa o b̶ʌra waib̶ʌa b̶ʌa. Bʌa o b̶ʌ carea ẽberãrãba cawa crĩchad̶aẽ́ panabadaa. Jũmarã Boro, bʌa o b̶ʌra jipa b̶ʌa idjab̶a arid̶e b̶ʌa.

Apocalipsi 15:3 Iomraidhean Croise

Genesi 17:1

Abraʌ̃ 99 poa b̶asid̶e Ãcõrẽra idjima odjaped̶a nãwã jarasia: –Mʌ̃ra ne jũma poya obari Ãcõrẽa. Bʌra mʌ̃ quĩrãpita jipa nĩbadua.

Deuteronomio 34:5

Mãwãnacarea Ãcõrẽ nezoca Moisera Moab druad̶e jaid̶asia Ãcõrẽba jarad̶a quĩrãca.

1 Timoteo 1:17

Ãcõrẽda ewariza jũmarã Boroa. Idjira beucaa. Dadjirãba ununacaa. Ab̶abe idjidrʌ b̶ʌa. Idjíabʌrʌ dadjirãba ewariza bia bed̶ead̶ida panʌa idjab̶a wayad̶ida panʌa. Bia b̶ʌa mãwã b̶aida.

Hebreo 3:5

Moisera Ãcõrẽ nezoca bẽrã Ãcõrẽ ẽberãrã ume jũma arid̶e osia. Maʌ̃ne idjia cawabisia Ãcõrẽba nocoarebema ewarid̶e cãrẽda jaraida.

Josue 22:5

Baribʌrʌ Ãcõrẽ nezoca Moiseba ley diad̶ara quĩrãcuita jũma ĩjã od̶adua. Maʌ̃ leyba nãwã jara b̶ʌa: dadji Ãcõrẽra quĩrĩãnadua. Idji quĩrãpita jipa nĩbad̶adua. Idjia obi b̶ʌra ĩjã od̶adua. Ewariza idjira ẽpẽnadua. Jũma bãrã sod̶eba, jũma bãrã jaured̶eba bid̶a idjia jara b̶ʌra od̶adua.–

Apocalipsi 1:8

Dadjirã Boroba jarasia: “Mʌ̃ra ne jũma poya o b̶ʌ Ãcõrẽa. Mʌ̃ra dji Alpaa idjab̶a dji Omegaa. Maʌ̃ba jara b̶ʌa mʌ̃ra dji naãrãbemada idjab̶a dji jĩrũarebemada. Mʌ̃ra b̶ʌa, naẽna b̶asia, idjab̶a ewariza b̶aya.”

Apocalipsi 11:17

Nãwã jarasid̶aa: Dairã Boro Ãcõrẽ jũma poya b̶ʌ, bʌra naãrãed̶a b̶asia idjab̶a wad̶ibid̶a b̶ʌa. Bʌ ʌb̶ʌa waib̶ʌa b̶ʌda unubi b̶ʌ bẽrã idjab̶a jũmarã Boroda b̶ed̶a bẽrã daiba bia b̶ʌad̶a a panʌa.

Apocalipsi 14:3

Maʌ̃ne Ãcõrẽ bugue biya quiru quĩrãpita, animarã zaca zocai b̶ea quĩmãrẽ panʌ quĩrãpita, veinticuatro drõãrã quĩrãpita bid̶a trʌ̃ãbi djiwid̶ida trʌ̃ã duanasid̶aa. Ni ab̶aʌba maʌ̃ trʌ̃ãbira poya trʌ̃ã cawad̶aẽ́ basía. Ab̶abe maʌ̃ 144 mil ẽberãrã Ãcõrẽba naʌ̃ ẽjũãnebema ẽdrʌ edad̶aba trʌ̃ã cawasid̶aa.

Apocalipsi 14:8

Maʌ̃ bajãnebema nezoca caid̶u dewarada zeped̶a nãwã jarasia: “Babilonia puru dromara jũma ãrĩsia. Wãrãda jũma ãrĩsia. Maʌ̃ purud̶ebemarãba aud̶ua o duanʌba druazabemarãa ab̶arica cadjiruada obisid̶aa itua õgo diabʌda quĩrãca.”

Apocalipsi 17:14

Maʌ̃ne ãdjirãra Oveja Zaque ume djõnia. Baribʌrʌ Oveja Zaqueba ãdjirãra poyaya idjida jũma dji droma b̶ea Boro bẽrã idjab̶a jũma bororã cãyãbara dji dromaara b̶ʌ bẽrã. Poyabʌrʌd̶e idji bio ĩjã panʌra idji ume panania. Ãdjirãra trʌ̃sia idjab̶a edasia.”

Apocalipsi 19:16

Idjia ʌ̃rʌ̃ jʌ̃ b̶ʌd̶e idji b̶acara ʌ̃rʌ̃ naʌ̃ trʌ̃da b̶ʌ́ erob̶ʌa: “Jũmarã bororã cãyãbara dji dromaara b̶ʌ, idjab̶a jũma dji droma b̶ea Boro.”

Apocalipsi 19:2

Idjia jipa arid̶e cawa obaria. Wẽrã aud̶ua trʌ̃ b̶ʌga b̶ad̶ara cawa osia maʌ̃ wẽrãba cadjirua o b̶ʌd̶eba jũma naʌ̃ ẽjũãnebemarãa ab̶arica cadjiruada obid̶a bẽrã. Ãcõrẽba maʌ̃ wẽrãra biẽ́ b̶ʌsia idji nezocarãda quenana bẽrã.

Apocalipsi 4:8

Maʌ̃ quĩmãrẽbema zocai panʌba ida sei eropanasid̶aa. Ãdji cacuara jũma dauba bira panasid̶aa. I edre bid̶a dauba bira panasid̶aa. Ãsa, diamasi bid̶a ãdjirãba ʌ̃nãũnaẽ́ nãwã jarabadaa: Bio bia quirua, bio bia quirua, bio bia quirua dadjirã Boro Ãcõrẽra. Idjia jũma poya o b̶ʌa. Idjira b̶asia, id̶i b̶ʌa, idjab̶a ewariza b̶aya.