Apocalipsi 10:6 - Ãcõrẽ Bed̶ea

⁶ Mãwã b̶ʌd̶e idjira naʌ̃ ẽjũãnebema, bajãnebema, pusad̶ebema jũma od̶a Ãcõrẽ trʌ̃neba bed̶easia. Nãwã jarasia Ãcõrẽ ewariza zocai b̶ʌ trʌ̃neba: “Ãcõrẽba jarad̶ara dãrãẽ́ne jũma mãwãya.

Apocalipsi 10:6 Iomraidhean Croise

Genesi 14:22

Maʌ̃ne Abraʌ̃ba Sodomanebema boroa jarasia: –Edaẽ́a. Mʌ̃a wãrã arada Ãcõrẽ dji Dromaara b̶ʌ, naʌ̃ ẽjũã idjab̶a bajã od̶a ume nãwã bed̶ea b̶ʌsia: mʌ̃a bʌrera edaẽ́a. Ni maãrĩara quiru sid̶a edaẽ́a. Bʌ jĩrũne jʌ̃bari jʌ̃cara sid̶a edaẽ́a. Mãwã edaẽ́a bʌa jararãmãrẽã mʌ̃ra ne bara b̶ʌsida.

Exodo 20:11

Mʌ̃a bajãda, ẽjũãda, pusada, jũma ãdjid̶e b̶ea sid̶a sei ewarid̶e jũma oped̶a sietebema ewarid̶e ʌ̃nãũna bẽrã, maʌ̃ ewarira dji biara b̶ʌda b̶ʌsia idjab̶a mʌ̃ itea wagad̶amãrẽã b̶ʌsia.

Exodo 6:8

Bãrãra mʌ̃a diai jarad̶a ẽjũãnaa edeya. Maʌ̃ ẽjũãra mʌ̃a Abrahaʌ̃a, Isaa, idjab̶a Jacoboa bid̶a wãrãneba diai jarasia. Mʌ̃ra Ãcõrẽ bẽrã maʌ̃ ẽjũãra diaya bãrãne bamãrẽã.”–

Numero 14:30

Bãrãnebema ni ab̶aʌda mʌ̃a wãrãneba bãrãa diai jarad̶a ẽjũãnaa jũẽne wãnaẽ́a. Ab̶abe Jepone warra Caledrʌ, Nuʌ̃ warra Josue sid̶a maʌ̃ ẽjũãne jũẽne wãnia.

Apocalipsi 1:18

Mʌ̃ra dji Zocai B̸ʌa. Mʌ̃ra beud̶amĩna acʌdua zocai b̶ʌda, idjab̶a ewariza zocai b̶aya. Mʌ̃abʌrʌ beud̶arãra ʌ̃rẽbabida b̶ʌa.

Apocalipsi 12:12

¡Maʌ̃ bẽrã jũma bajãne b̶eara b̶ʌsrid̶ad̶adua! Baribʌrʌ naʌ̃ ẽjũãne b̶eara, pusad̶e b̶ea sid̶a mĩã djuburi b̶ead̶ia diaurura bãrãmaa zed̶a bẽrã. Idjira dãrã b̶aẽ́da cawa b̶ʌ bẽrã bio quĩrũ b̶ʌa.

Apocalipsi 16:17

Mãwãnacarea jĩrũarebema nezocaba idji eped̶ecod̶e b̶ʌda naʌ̃ ded̶aad̶e weabuesia. Maʌ̃ne Ãcõrẽ de bajãne b̶ʌd̶eba idji bugue biya quirumaʌba bed̶eaba nãwã jĩgua jarasia: “Ya jõsia. Waaẽ́a.”

Apocalipsi 21:6

Mãwãnacarea idjia mʌ̃́a nãwã jarasia: “Mʌ̃a oida b̶ad̶ara jũma osia. Mʌ̃ra dji Alpaa idjab̶a dji Omegaa. Maʌ̃ba jara b̶ʌa mʌ̃ra dji naãrãbemada idjab̶a dji jĩrũarebemada. Bariduada opichia b̶ʌbʌrʌ, mʌ̃a baido bogadrʌ b̶ʌda bari dobiya. Maʌ̃ baidoba zocai b̶aida diabaria.

Apocalipsi 4:11

Dairã Boro Ãcõrẽ, bʌdrʌ bia b̶ʌa jũmarãba bio biya quiruad̶a ad̶ida, wayad̶ida, idjab̶a bʌa jũma poya erob̶aida bia b̶ʌad̶a ad̶ida. Bʌa ne jũmada od̶a bẽrã bia b̶ʌa jũmarãba mãwã jarad̶ida. Wãrãda bʌa quĩrĩãna bẽrã ne jũmada osia idjab̶a ne jũmada bʌd̶eba b̶ʌa.

Apocalipsi 4:9

Ãcõrẽ ewariza zocai b̶ʌra idji bugue biya quirud̶e chũmabaria. Maʌ̃ne dji animarã zaca zocai b̶eaba idjía bio bia quiruad̶a abadaa, bia bed̶eabadaa, idjab̶a bia b̶ʌad̶a abadaa. Mãwã jarabʌdaza veinticuatro drõãrãda Ãcõrẽ ewariza zocai b̶ʌ quĩrãpita chĩrãborod̶e copanenaped̶a bia bed̶eabadaa. Maʌ̃be ãdji nepeda dji bugued̶e chũmʌ quĩrãpita b̶ʌd̶aped̶a nãwã jarabadaa:

Apocalipsi 6:11

Ãcõrẽba ãdjiza wua torroda jʌ̃namãrẽã diasia. Maʌ̃be nãwã panusia: “Wad̶i necai jʌ̃ãnadua ab̶a ẽberãrãba bãrã beaped̶ad̶a quĩrãca bãrã djabarã Crito nezocarãda jũma daucha beabʌdad̶aa.”