२ टीमोठी 4:18 - पुर्वीय मगर

¹⁸ प्रभुये न ङाकी पट्‍ट खालुङ खराबीको लकीङ जोगडीले। होसकै न ङाकी जोगडीयार लहो स्‍वर्गौ राज्‍याङ आल्‍हे। होसकुङ सधैँभरी प्रशंसा छान्‍न ङुख्‍यो। आमेन।

२ टीमोठी 4:18 Iomraidhean Croise

मत्ती 13:43

टब धर्मी जनको लहो बोयो राज्‍याङ नाखान लेखा न चम्‍कडीस्‍ले। सुओ सेच मेनेकेप ले, होचे सेख्‍यो!

मत्ती 25:34

टब राजै लहो डोरमीहुट पटीयुङ कोलाक डेले, ‘रान्‍ही, होसकुङ बोइ लकीङ आसीस डुप्‍च भर्मीको! संसारौ सृष्‍टि लकीङ न नाखुरीकुङ लागी तयार जाट्‍च राज्‍यकी अधिकार जाट्‍नी।

मत्ती 6:13

कानकी परिक्षाङ पर्‌की माय्‍हानी, टर कानकी शैतानलकीङ जोगडीनी। [हीजैडेनाङ राज्‍य, शक्‍ति र महीमा सढैयो लागी नाकुङ न हो, आमेन।]’

लुका 11:4

कानुङ पाप क्षमा जाट्‍न यान्‍ही, हीजैडेनाङ कान र कानकी मासेछ जाट्‍चकोलाक क्षमा याल्‍हे। कानकी पाप जाट्‍की लकीङ जोगडीनी।”

लुका 12:32

येशूये चेलाकोलाक डेया, “ए मार्‌जा बगाल, माबीर्‍हीनी! हीजैडेनाङ परमेश्‍वर बोये मेखोल्‍हौ राज्‍यौ अधिकार नाखुरीककी याखी डेम मार्‍हाङ्‍नने।

लुका 22:29

कुटजाट्‍न ङौ बोये ङाकी काट राज्‍य याम्‍हने, ङा र नाखुरीककी याल्‍हे।

युहन्‍ना 17:15

नाकै होखुरीककी इसे संसारीङ आल्‍न्‍ही डेयार ङा प्रार्थना माजाट्‍ले, टर नाकै होखुरीककी शैतानलकीङ जोगडीनी डेयार ङा प्रार्थना जाट्‍ले।

१ ठेसलोनीकी 5:23

शान्‍तियो परमेश्‍वर लहे न नाखुरीककी पवित्र डाख्‍यौ। कानुङ प्रभु येशू ख्रीष्‍ट फेरी रान्‍हाङ नाखुरीकुङ आत्‍मा, प्राण र शरीर निर्दोष छान्‍ख्‍यौ।

२ ठेसलोनीकी 3:3

टर प्रभु च विश्‍वास योग्‍य ले, होसकै न नाखुरीककी बलीयो खास्‍ले र होसे शैतानलकीङ जोगडीयार डाले।

१ टीमोठी 1:17

अब सधैँभरीयुङ राजा, सधैँभरी जीवाम ङुच अनी जुन की कानै डाङ्‍की माय्‍होक्‍ले होसकोकी न आदर र महीमा सधैँभरी छान्‍ख्‍यो। होसको काट मट्‍टै परमेश्‍वर हो! आमेन।

१ टीमोठी 6:16

होसको खाटा मट्‍टै सधैँभरी जीवाम ङुच जीवन ले, र होसको ज्‍योतियाङ ङुले अनी होला सुर खेरेप नुङ्‍की माय्‍होक्‍ले। होसकोकी चाहाँ सम्‍म सुयेर माडाङ्‌ने र डाङ्‍की र माय्‍होक्‍ले। सधैँभरी ङुच शक्‍ति र आदर होसकोखाटा न ङुख्‍यौ। आमेन।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 4:1

परमेश्‍वरौ म्‍याहासाङ र जीउँडो र सीचकुङ न्‍याय जाट्‍की राछ ख्रीष्‍ट येशूओ म्‍याहासाङ, अनी होसको राहार राज्‍य जाट्‍ले डेच कुराकी जोड याहार ङा नाकोकी कडा आज्ञा याल्‍हे,

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?

१ पट्‍रुस 1:5

विश्‍वास जाट्‍च बाटै नाखुरीककी परमेश्‍वरौ शक्‍तिये जब सम्‍म मुक्‍ति माडुप्‍ले होडीक बेला सम्‍म जोगडीम डाले। होसे मुक्‍ति नाखुरीकुङ लागी टयार जाट्‍नने र समयौ अन्‍टीमाङ होसे डाङ्‍ले।

१ पट्‍रुस 5:11

होसकोकी न शक्‍ति सधैँभरी छान्‍न ङुख्‍यौ। आमेन।

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।