२ टीमोठी 4:1 - पुर्वीय मगर

¹ परमेश्‍वरौ म्‍याहासाङ र जीउँडो र सीचकुङ न्‍याय जाट्‍की राछ ख्रीष्‍ट येशूओ म्‍याहासाङ, अनी होसको राहार राज्‍य जाट्‍ले डेच कुराकी जोड याहार ङा नाकोकी कडा आज्ञा याल्‍हे,

२ टीमोठी 4:1 Iomraidhean Croise

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

लुका 19:12

होसकै डेया, “सुर काट जना धनी भर्मी लोस देशाङ नुङार राजा छानार ल्‍हेस्‍न राछ बीचार जाटा।

लुका 19:15

“होसे राजा छानार राहार लहे पैसा याछ नोकर कोलाक लाहा लेठाङ आर्‌घाकी लैडीया। होटै ब्यापार जाटार होखुरीकै कुडीक नाफा छ्‍युका डेम वार्‌खी मीमन जाटा।

लुका 23:42

होटै होचे डेया, “ए येशू, नाको लहो राज्‍याङ रान्‍हाङ ङाकी र आर्मीट्‍नी है।”

प्रेरित 10:42

होसकै कानकी भर्मीकोलाक प्रचार जाट्‍की र होसको जीवाचकुङ र सीचकुङ न्‍याय जाट्‍च छान्‍कीयो लागी परमेश्‍वर लकीङ न चुन्‍डीच व्‍यक्‍ति हो डेच गबाही याखी आज्ञा याम्‍हने।

प्रेरित 17:31

हीजैडेनाङ होसकै कायाक टोक्‍डीम याम्‍हने, होसनीक होसकै लहे भाक्‍च काट जना भर्मीलकीङ धार्मिकताङ संसारौ न्‍याय जाट्‍ले। होसे न भाक्‍च भर्मीकी सीच लकीङ जीवाटाकार होसकै पट्‍ट न भर्मीकोलाक इच्यौ प्रमाण याम्‍हने।”

२ ठेसलोनीकी 2:8

होटै होसे व्‍यवस्‍था भङ्‍ग जाट्‍च भर्मी डाङ्‍ले। प्रभु येशू रान्‍हाङ होसकुङ ज्‍योटीयो शक्‍तिये होसकुङ मेङ्‍गेरुङ सासै होसकी नास जाट्‍ले।

१ टीमोठी 5:21

ङा नाकोकी परमेश्‍वर, ख्रीष्‍ट येशूओ म्‍याहासाङ र पवित्र स्‍वर्गदूतकुङ म्‍याहासाङ इसे शिक्षा मन्‍डीकी आज्ञा याल्‍हे। हीर पक्षपात माजाट्‍न इसे नीयमको मन्‍डीकी।

२ टीमोठी 1:10

अनी होसे अनुग्रह चाहा कानकी मुक्‍ति याछ ख्रीष्‍ट येशू राहार टान्‍हाक्‍ङने। होसकै मृत्‍युओ शक्‍तिकी नास जाटा र सेछ समाचार लकीङ सेन्‍र मासीच जीवन टान्‍हाका।

२ टीमोठी 2:14

मण्डलीयुङ पट्‍ट न भर्मीकोलाक इसे कुरा सम्‍झडीम यान्‍ही, र परमेश्‍वरौ म्‍याहासाङ कडा आज्ञा यान्‍ही। होखुरीकै शब्‍दकुङ बारेयाङ वाद विवाद माजाट्‍ख्‍यौ, होचे हीर फाइडा माजाट्‍ले। सेचकोलाक हानी मट्‍टै जाट्‍ले।

२ टीमोठी 4:18

प्रभुये न ङाकी पट्‍ट खालुङ खराबीको लकीङ जोगडीले। होसकै न ङाकी जोगडीयार लहो स्‍वर्गौ राज्‍याङ आल्‍हे। होसकुङ सधैँभरी प्रशंसा छान्‍न ङुख्‍यो। आमेन।

२ टीमोठी 4:8

अब ङौ लागी धार्मिकतौ मुकुट डामने, होसे चहीँ धार्मिकतौ ठीकखाटा न्‍याय जाट्‍च प्रभुये न होसको राछ नीक ङाकी याल्‍हे। ङाकी मट्‍टै होइन, होसको फेरी राछ लाम ङोस्‍च पट्‌टकोलाक न याल्‍हे।

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

१ पट्‍रुस 1:7

नाखुरीकुङ विश्‍वासौ इसे जाँच चहीँ, होसे म्‍हेयाङ खारीयार जाँच्‍डीच टर कायाक नास छानार नुङ्‍च सुन डेनाङ र वास्‍टै मुल्‍यवान ले। होटबाटै इडीक नाखुरीकुङ विश्‍वास साँचो ले डेनाङ जब येशू ख्रीष्‍ट राल्‍हे टब होडीक बेला नाखुरीक प्रशंसा, महीमा र आदरौ योग्‍य छान्‍ले।

१ पट्‍रुस 4:5

टर होसे भर्मीकै जीवाच र सीचकुङ न्‍याय जाट्‍की टयार छान्‍च परमेश्‍वरौ म्‍याहासाङ बयान याखी पर्‌ले।

१ पट्‍रुस 5:4

अनी जब मुख्‍य गोठ्‍ला राल्‍हे, टब नाखुरीकै सेन्‍र माओइलडीस्‍च सधैँभरी चम्‍कडीस्‍न ङुच महीमौ मुकुट डुप्‍ले।

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।

२ पट्‍रुस 1:17

परमेश्‍वर बोये होसकोकी आडर र महीमा जाट्‍नाङ अनी “इसे ङौ प्‍यारो जाक्‍ङ सेच मीजा हो, इसे खाटा ङा साप्‍फी मार्‍हाङ्‍ने” डेयार बाड्‍को शक्‍तिसाली महीमा लकीङ होसकोकी सोर रान्‍हाङ कान होला लेया।

१ युहन्‍ना 2:28

अब मार्‌जा बालखको, होसको खाटा ङुनी टा की होसकोकी डाङ्‍नाङ कानै हीम्‍मट डुप्‍ले, अनी होसको रान्‍हाङ होसकुङ म्‍याहासाङ कानै काराम सेकी मापार्‌ले।