२ टीमोठी 3:8 - पुर्वीय मगर

⁸ यान्‍नेस र याम्‍बेरेसै मोशौ विरोध जाट्‍नन्‍या, होटजाट्‍न न इसे भर्मीकै र साँचो सत्‍यकी विरोध जाट्‍ले। इखुरीकुङ बुढ्‍डी न बीगारीस्‍च र नक्‍कली विश्‍वासीको हो।

२ टीमोठी 3:8 Iomraidhean Croise

प्रेरित 15:24

कानुङ मीघीङ नुङार सु-सु भर्मीकै कानुङ आदेश बीना न उल्‍टो शिक्षा पाहाकार नाखुरीकुङ मीमन बीगारीम डुख याम्‍हने डेच कुरा कानै सेमने।

१ टीमोठी 1:19

नाकै लहो विश्‍वास र सेछ बीबेककी माडास्‍की। हीजैडेनाङ बीबेकै डेच कुरा मागन्‍डीनाङ कुडीक जनौ विश्‍वास न नस्‍ट छानार नुङा।

१ टीमोठी 4:2

याङ्‍च शिक्षाको चहीँ झुटो ङाक्‍च र कपटी भर्मीकोलकीङ राल्‍हे, होखुरीकुङ बीबेक खान्‍छ फालामै नाप्‍च ल्‍याक्‍च हीर ठाहा माडीन्‍छ छान्‍ले।

१ टीमोठी 6:5

याङ्‍च भर्मीकै च एकोहोरो खाटा गन गन जाट्‍न ङुले। होखुरीकुङ बुद्धि बीगारीस्‍च छान्‍ले। होखुरीकै सत्‍य न गुमडीच छान्‍ले। अनी होखुरीकै परमेश्‍वरकी भक्‍ति जाट्‍की चहीँ धनि छान्‍च टरीका डेम आर्‌मीट्‍ले।

२ टीमोठी 4:15

होचे काल्‍हौ कुरौ एकडम विरोध जाट्‍ले। होटबाटै नाको र होसीयार छानार ङुनी।

टीटस 1:10

हीजैडेनाङ वास्‍टै भर्मीको अरुकुङ अढीनाङ माङुच, व्‍यार्थौ कुरा जाट्‍च, ढाट्‍डीचको छान्‍ले। होखुरीक मढ्‍याङ, कुडीक जनै चहीँ ँ इट डेले, की मुक्‍ति डुप्‍की खतना जाट्‍की पर्‌ले।

टीटस 1:16

होखुरीकै परमेश्‍वरकी चीन्‍डीले डेम डाबी च जाट्‍ले, टर होखुरीकुङ कामलकीङ चहीँ परमेश्‍वरकी इन्‍कार जाट्‍च टान्‍हाक्‍ले। होखुरीक झीर्‌न सेच, अटेरीको ले र कुसेर असल काम जाट्‍की ज्‍योस्‍च माले।

२ पट्‍रुस 2:14

होखुरीकुङ मीमीक सधैँ व्‍यभिचारी मास्‍टोको मीटाक मट्‍टै पर्‌ले र कुडीक पाप जाट्‍नाङ र होखुरीकुङ इच्‍छा पुरा माछान्‍ले। होखुरीकै विश्‍वासाङ कमजोर भर्मीकोलाक फँसडीले। होखुरीकुङ मीमनै लोभ जाट्‍कीयाङ न बानी जाटाक्‍च छान्‍ले। होटबाटै परमेश्‍वरौ सराप होखुरीक मीटाक न पर्‌ले।

१ युहन्‍ना 2:18

ङौ मार्‌जा बालखको, इसे अन्‍टीम समय हो। ख्रीष्‍टौ विरोधी राम्‍हन ले डेच कुरा नाखुरीकै सेमने। ख्रीष्‍टौ धेरै विरोधीको च अघी न राम्‍हने। होटबाटै इटै न कान वार्‌ल्‍हे, की इसे अन्‍टीम समय हो।

१ युहन्‍ना 4:1

ङौ जाक्‍च लाफाको, ङा खाटा पवित्र आत्‍मा ले डेच पट्‍ट न भर्मीकोलाक नाखुरीकै विश्‍वास माजाट्‍की, टर होखुरीक खाटा लेच आत्‍मा परमेश्‍वर लकीङ राछ हो की होइन डेयार जाँच्‍डीकी। हीजैडेनाङ धेरै झुटो अगमवक्‍ताको इसे संसाराङ ख्‍योम्‍ह राम्‍हने।