२ टीमोठी 3:6 - पुर्वीय मगर

⁶ हीजैडेनाङ होखुरीक मढ्‌याङ कुडीकै च कुडीक इमकोवाङ नुङार पापकै फेट्‍चको र पट्‍ट खाल्‍या दुष्‍ट इच्‍छा जाट्‍च कम्‍जोर मास्‍टो भर्मीकोलाक लहो अढीनाङ राक्‍ले।

२ टीमोठी 3:6 Iomraidhean Croise

मत्ती 11:28

“ए म्हुङ्चको र लीस्‍च भारीये फेट्‍चको, ङा लेठाङ रान्‍ही, ङा नाखुरीककी शान्‍तिये म्‍हुङ बाटाक्‍ले।

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

मत्ती 23:14

[“धिक्‍कार नाखुरीककी, धर्मगुरुको र फरीसीको, कपटीको! नाखुरीकै बीढुवाकुङ इम स्‍याट्‍न याल्‍हे र लहाकी धर्मी हो डेम टान्‍हाक्‍कीयो लागी लोलोट्‍च प्रार्थना जाट्‍ले। होटबाटै अरुये डेनाङ नाखुरीकै वास्‍टै दन्‍ड डुप्‍ले।]

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

मर्कूस 4:19

अनी इसे संसाराङ कुटजाट्‍न जीवाकी डेम चीन्‍टा, धन सम्‍पत्तियो लोभ होटै अरु ठोकुङ लालचा जाटार परमेश्‍वरौ बचनकी म्‍य्‍हाक्‍ले र काट हीर मीस्‍या मास्‍याटाक्‍ले।

१ टीमोठी 5:6

टर मोज-मज्‍जा जाटार ङुच बीढुवा चहीँ जीवनाङ र होच्‍यो आत्‍मा चहीँ सीच लेखा न हो।

१ टीमोठी 6:9

टर धनि छान्‍च मीमन जाट्‍च भर्मीको चहीँ परिक्षाङ फसडीस्‍ले। होखुरीक मुर्‌ख र हानी जाट्‍च इच्‍छाकुङ पासोवाङ पर्‌ले। अनी होसे खराब इच्‍छाकै जाट्‍नाङ होसकी बीर्‍हीमसेच नास छान्‍च ठावाङ टाहाक्‍ले।

टीटस 1:11

होखुरीकुङ मेङेर ठुन्‍न याखी पर्‌ले, हीजैडेनाङ होखुरीकै पाहाक्‍की न माछान्‍च कुराको पाहाकार पट्‍ट न परीवारकोलाक न माखाटाक्‍ङ याम्‍हने। होखुरीकै पैसा कमडीकीयो लागी मट्‍टै इट जाट्‍च हो।

टीटस 3:3

हीजैडेनाङ कान र पहीला होङ्‍च न मुर्‌ख, डेच मागन्‍डीच र बरालीस्‍च लेया। मासेछ बीचारकै र पट्‍ट खालुङ मोज मज्‍जाकै कानकी कमारा खास्‍नन्‍या। कानकी र फोको भर्मीकै झीर्‌नन्‍या र कान र होखुरीककी झीर्‌च जाट्‍नन्‍या।

२ पट्‍रुस 2:18

होखुरीकै घमन्‍डी र मुर्‌ख कुराको जाट्‍ले अनी व्‍यभिचारौ काम जाट्‍की छान्‍ने डेयार चाम-चाम मास्‍च काम लकीङ ल्‍हेस्‍च कोलाक फँसडीले।

२ पट्‍रुस 3:17

ङौ विश्‍वासी डाजेभाइको र डै बहीनीको, नाखुरीकै इसे पट्‍ट न कुराको अगाडी न वार्‌न्‍ह भ्‍यामने। होटबाटै दुष्‍ट भर्मीकै नाखुरीककी अलमलडीकी माय्‍होक्ख्‍यो डेयार होसीयार छान्‍नी अनी लहे टेक्‍डीच ठाउँ लकीङ नाखुरीक माकुर्‍हुले।

यहुडा 1:16

इसे भर्मीको सेन्‍र सन्‍टोस माछान्‍च, सढैँ अरुकुङ डोस पार छ्‍युक्‍च र लहो न मास्‍च इच्‍छाङ व्‍हाच, लहो बारेयाङ घमन्‍डी कुरा ङाक्‍चको अनी लहो फाइडौ लागी अरुकोलाक सीडी मोल्‍छको छान्‍ने।

यहुडा 1:18

होखुरीकै डेमन्‍या, “अन्‍टीमुङ डीनाङ ठट्‍टा जाट्‍चको छान्‍ले। होखुरीक परमेश्‍वरकी मामन्‍डीम लहो न इच्‍छाकोवाङ व्‍हाले।”

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।