२ टीमोठी 3:5 - पुर्वीय मगर

⁵ होखुरीक धर्मी च छान्‍च ल्‍हेस्‍ले टर साँचो शक्‍तिकी चहीँ इन्‍कार जाट्‍ले। याङ्‍च भर्मीकोलकीङ र नाको लोस ङुकी।

२ टीमोठी 3:5 Iomraidhean Croise

मत्ती 7:15

“झुटा अगमवक्‍ताको लकीङ होसीयार छान्‍नी। होखुरीक चहीँ भेडै ल्‍याक्‍च न रुप लार राल्‍हे, टर भीत्री चहीँ बीर्‍हीमसेच सीलाको ल्‍याक्‍च न छान्‍ले।

२ ठेसलोनीकी 3:14

नाखुरीक मढ्‍याङ सुयेर कानै इसे चीठीयाङ रीक्‍च कुरा इडीक मन्‍डीकी इन्‍कार जाट्‍ले डेनाङ, होसे भर्मीकी चीन्‍डीम डाकी र होसे खाटा हीर सङ्‍गट माजाट्‍की, र होसे मेल्‍हा न काराम सेकी पर्‌ले।

२ ठेसलोनीकी 3:6

ङौ डाजेभाइको र डै बहीनीको, कानुङ प्रभु येशू ख्रीष्‍टौ म्‍यार्‌मीनाङ कान नाखुरीककी आज्ञा याल्‍हे, अल्‍छी विश्‍वासीको र कानै याछ शिक्षा मामन्‍डीच विश्‍वासीको लकीङ लोस ङुनी।

१ टीमोठी 4:7

परमेश्‍वरकी मामन्‍डीच र अर्थ मालेच दन्‍त्‍य कठाको लकीङ जोगोडीस्‍नी। टर परमेश्‍वरकी सेवा जाट्‍च जीवन जीवाकी लाहाकी टालीम यान्‍ही।

१ टीमोठी 4:8

हीजैडेनाङ शरीरौ टालीमाङ लक्‍डीसा डेनाङ च ठोरै कुराङ मट्‍टै फाइडा छान्‍ले। टर आत्‍मौ टालीम जाटा डेनाङ चहीँ वास्‍टै कुराङ फाइडा छान्‍ले, होला चहुँङ र न्‍हुइङ राछ जीवन नीसौ न फाइडौ लागी प्रतिज्ञा ले।

१ टीमोठी 5:8

टर सुयेर लहो भर्मीकोलाक र खास जाट्‍न लहो न परीवारकी माङोस्‍ले डेनाङ होचे सत्‍य विश्‍वासकी इन्‍कार जाट्‍ले, र होसे अविश्‍वासीको डेनाङ र खराब छान्‍ले।

१ टीमोठी 6:5

याङ्‍च भर्मीकै च एकोहोरो खाटा गन गन जाट्‍न ङुले। होखुरीकुङ बुद्धि बीगारीस्‍च छान्‍ले। होखुरीकै सत्‍य न गुमडीच छान्‍ले। अनी होखुरीकै परमेश्‍वरकी भक्‍ति जाट्‍की चहीँ धनि छान्‍च टरीका डेम आर्‌मीट्‍ले।

२ टीमोठी 2:16

संसारुङ मुर्‌ख बोलीकोलकीङ लोस ङुनी। इचे च भर्मीकोलाक परमेश्‍वरलकीङ झन लोस आल्‍हे।

२ टीमोठी 2:23

टर वार्‌र्‍ह मावार्‌छ मुर्‌ख वाद विवाद लकीङ लोस ङुकी। नाकोकी ठाहा न ले, इखुरीक लकीङ च झगडा मट्‍टै छान्‍ले।

टीटस 1:16

होखुरीकै परमेश्‍वरकी चीन्‍डीले डेम डाबी च जाट्‍ले, टर होखुरीकुङ कामलकीङ चहीँ परमेश्‍वरकी इन्‍कार जाट्‍च टान्‍हाक्‍ले। होखुरीक झीर्‌न सेच, अटेरीको ले र कुसेर असल काम जाट्‍की ज्‍योस्‍च माले।

टीटस 3:10

फाटो राक्‍च भर्मीकी काखेप नीसखेप चेटावनी याखी, होट जाट्‍नाङ र माछाना डेनाङ होसेखाटा हीर सम्‍बन्‍ध माडाकी।