२ टीमोठी 3:2 - पुर्वीय मगर

² होडीक बेलुङ भर्मीको लाहाकी मट्‍टै माया जाट्‍च, पैसौ लोभ जाट्‍च, लाहा मट्‍टै बाड्‍को हो डेम आर्‌मीट्‍च, घमण्‍डी, अरुओ बडनाम जाट्‍चको छान्‍ले। होखुरीक लहो मोइ बोयो आज्ञा मामन्‍डीच, बैगुनी र अपवित्र छान्‍ले।

२ टीमोठी 3:2 Iomraidhean Croise

मत्ती 15:6

होचे लहो मोइ-बोइकी सेवा जाट्‍की मापर्‌ले। इटजाट्‍न नाखुरीकै लहो रीटीठीटीयो खाटीर परमेश्‍वरौ वचनकी काम मालक्‍डीस्‍च खास्‍ले।

लुका 12:15

होटै न्‍हुइङ होला लेच भर्मीकोलाक होसकै डेया, “होस जाट्‍नी! पट्‍ट खाल्‍या लोभ जाट्‍की लकीङ जोगडीस्‍नी। हीजैडेनाङ धन सम्‍पत्ति कुडीक न वास्‍टै लेनाङ र होचे भर्मीकी जीवन चहीँ मायाल्‍हे।”

लुका 16:14

होटै इसे पट्‍ट कुरा सेरखीङ फरीसीकै येशूओ गील्‍ला जाटा। हीजैडेनाङ होखुरीकै पैसाकी साफ्‍फी माया जाट्‍नन्‍या।

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

प्रेरित 5:36

हीर समय अघी काट जना ठुडास डेच भर्मी लाहाकी ङा बाड्‍को हो डेम राहा। बुलीसय टडीक भर्मीको होच्‍यौ न्‍हुङ-न्‍हुङ व्‍हा टर होसे भर्मीकी साटा र होसे पट्‍ट न भर्मीको छरपस्‍ट छानार ही न ही छाना।

२ ठेसलोनीकी 2:4

होचे लाहाकी न बाड्‍को खासार भर्मीकै परमेश्‍वर डेम आरमीट्‍च पट्‍ट न कुराकोलाक र पुजा जाट्‍च पट्‍ट न ठोकौ विरोध जाट्‍ले। होचे याङ्‍च सम्‍म जाट्‍ले की परमेश्‍वरौ मन्‍दिराङ पर्‍यार लहे लाहाकी न परमेश्‍वर डेले।

१ टीमोठी 1:20

होखुरीक मढ्‍याङ हुमेनीयस र अलेक्‍जेन्‍डर हो। परमेश्‍वरौ विरोधाङ ङाक्‍की माछान्‍च लेसा डेच कुरा अटपहे डेयार ङै होखुरीक नीसकी शैतानौ मीहुटाङ जीम्‍मा याम्‍हने।

१ टीमोठी 1:9

होटबाटै कानकी ठाहा ले, व्‍यवस्‍था सेछ भर्मीयो लागी खास्‍च होइन। टर व्‍यवस्‍था उलङ्‍घन जाट्‍च, अपराधि, परमेश्‍वरकी मामन्‍डीच, पापी, अपवित्र र दुष्‍ट भर्मीको, मोइ-बोइकी साट्‍च अठबा भर्मी साट्‍चकुङ लागी,

१ टीमोठी 3:3

हान रक्‍सी गार म्‍होर्‌च र झगडीया छान्‍की माछान्‍ले। टर होसे सहडीकी य्‍होक्‍च र नम्र, वाद विवाद माजाट्‍च, पैसौ लोभ माजाट्‍च छान्‍की पर्‌ले।

१ टीमोठी 6:10

हीजैडेनाङ पट्‍ट खाल्‍या खराबौ जरा न पैसाकी माया जाट्‍की हो। कुडीक भर्मीको पैसा कमडीच लोभाङ लक्‍डीसार विश्‍वास जाट्‍की डास्‍नने, अनी होटबाटै न होखुरीक लहे लाहाकी न डुखवाङ पार्‌यार होखुरीकुङ मीमन बीक्‍ङने।

१ टीमोठी 6:4

होसे भर्मी हीर माव्‍हार्‌न होटन घमण्‍डये सोक्‍ले। होचे व्‍यार्थौ वाद विवाद जाट्‍ले, काट काट कुराङ झगडा जाट्‍न ङुले। इसे कुराकै डाहा, झगडा, बडनाम र मासेछ सङ्‍खाको मट्‍टै राक्‍ले।

२ टीमोठी 3:4

होखुरीकै अरुकी ढोका याहार, मनपरी जाट्‍चै, घमण्‍ड जाटार व्‍हाले अनी परमेश्‍वरकी डेनाङ मोज मज्‍जाकी न जाक्‍ले।

याकुब 2:8

इडीक “लहौ छीमेकीकी लाहाकी लेखा न प्रेम जाट्‍नी” डेच धर्मशास्‍त्राङ रीक्‍च परमेश्‍वरौ राज्‍यौ नीयमकी साँची न मन्‍डीले डेनाङ नाखुरीकै ठीक काम जाट्‍ले।

याकुब 4:16

टर चाहाँ नाखुरीक लाहा लहौ सेखीयाङ घमन्‍ड जाट्‍ले। इटजाट्‍न सेखी जाट्‍की सेछ होइन।

याकुब 4:6

टर कानकी परमेश्‍वरै अझै वास्‍टै अनुग्रह याल्‍हे। होटबाटै धर्मशास्‍त्राङ इट डेयार रीक्‍ङने, “परमेश्‍वरै घमन्‍डीकुङ विरोध जाट्‍ले टर नम्रकोमीटाक प्रसस्‍त खाटा अनुग्रह जाट्‍ले।”

१ पट्‍रुस 5:5

मण्‍डलीयुङ अगुवाकुङ अधिनाङ ङुनी। अनी नम्‍र छानार नाखुरीक पट्‍टकै काटै-काटौ सेवा जाट्‍नी। हीजैडेनाङ धर्मशास्‍त्राङ रीक्‍ङ ने, “परमेश्‍वरै घमन्‍डीकोलाक विरोध जाट्‍ले, टर नम्रकोलाक अनुग्रह जाट्‍ले।”

२ पट्‍रुस 2:10

बीसेस जाट्‍न परमेश्‍वरौ अधिकारकी हेला जाट्‍च अनी झीर्‌न सेम छाडा छानार व्‍हाचकोलाक होसकै न्‍याय जाट्‍च डीनसम्‍मौ लागी डाम डाले। याङ्‍च झुटो शिक्षा याछको अट्‍टेरी र घमन्‍डी छान्‍ले अनी स्‍वर्गुङ परानीकुङ निन्‍दा जाट्‍की र माबीर्‍हीले।

२ पट्‍रुस 2:12

टर इसे भर्मीको मास्‍च स्‍वभावै काम जाट्‍ले। होखुरीक घोवार साट्‍की पर्च जङ्‍गलुङ पसुको ल्‍याक्‍च न ले। होखुरीकै लहे माबुझडीस्‍च कुराकुङ निन्‍दा जाट्‍ले। होटबाटै होखुरीककी र जङ्‍गलुङ जनावर कोलाक लेखा न नास जाट्‍ले।

२ पट्‍रुस 2:18

होखुरीकै घमन्‍डी र मुर्‌ख कुराको जाट्‍ले अनी व्‍यभिचारौ काम जाट्‍की छान्‍ने डेयार चाम-चाम मास्‍च काम लकीङ ल्‍हेस्‍च कोलाक फँसडीले।

२ पट्‍रुस 2:3

लोभाङ पर्‌यार होसे झुटो शिक्षकै कुरा खासार नाखुरीक लकीङ फाइडा लाले। पहीला न होखुरीकुङ न्‍याय छान्‍न भ्‍यामने र होखुरीक साच्‍चीँ न नास छान्‍की न पर्‌ले।

यहुडा 1:16

इसे भर्मीको सेन्‍र सन्‍टोस माछान्‍च, सढैँ अरुकुङ डोस पार छ्‍युक्‍च र लहो न मास्‍च इच्‍छाङ व्‍हाच, लहो बारेयाङ घमन्‍डी कुरा ङाक्‍चको अनी लहो फाइडौ लागी अरुकोलाक सीडी मोल्‍छको छान्‍ने।