२ टीमोठी 3:16 - पुर्वीय मगर

¹⁶ पट्‍ट न धर्मशास्‍त्र परमेश्‍वरौ प्ररणा लकीङ रीक्‍च हो, र इसे पाहाक्‍की, दुष्‍ट कामलकीङ ल्‍हेसाक्‍की हप्‍कडीकी, सचडीकी, र धार्मिकताङ टालीम याखी सेम्‍ह छान्‍ने।

२ टीमोठी 3:16 Iomraidhean Croise

मत्ती 13:52

येशूये फेरी डेया, “होटबाटै स्‍वर्गौ राज्‍यौ बारेयाङ शिक्षा डुप्‍च पट्‍ट न धर्मगुरुको चहीँ इमुङ काट जना मीमुरुङ ल्‍याक्‍च न हो। होचे लहो ढुकुटीलकीङ नयाँ र पुरानो मुल्‍यवान सामानको बाहीर डोन्‍ले।”

मत्ती 21:42

येशूये होखुरीककी डेया, “ही नाखुरीकै धर्मशास्‍त्राङ रीक्‍च कुरा सेन्‍र मापरेस्‍न ने? ‘कुसे ल्‍हुङ्‍की इम खास्‍च कर्मीकै रद्द जाटा, होसे ल्‍हुङ चहीँ इमौ गारो सोट्‍च सुर ल्‍हुङ छाना। इसे परमप्रभु लकीङ न छान्‍च हो, अनी इसे कानुङ लागी अचम्‍मौ ले।’

मत्ती 22:43

येशूये होखुरीककी डेया, “होटडेनाङ दाउदै परमेश्‍वरौ आत्‍मा लकीङ पेरेरना डुपार होसकोकी कुटजाट्‍न ‘प्रभु’ डेकी लैडीया? हीजैडेनाङ दाउदै डेमने,

मत्ती 26:54

टर इडीक ङै ङ्‍याहा डेनाङ च इसे छान्‍की न पर्‌ले डेयार धर्मशास्‍त्राङ रीक्‍च कुरा कुटजाट्‍न पुरा छान्‍की य्‍होक्‍ले?”

मत्ती 26:56

टर अगमवक्‍ताकै धर्मशास्‍त्राङ रीक्‍च कुराको पुरा छान्‍ख्‍यो डेम इसे पट्‍ट न छान्‍न राछ हो।” टब होडीक न बेला पट्‍ट न चेलाको येशूकी डासार भोग्‍डीसा।

मर्कूस 12:24

येशूये होखुरीककी डेया, “नाखुरीक बाड्‍को भुलाङ पर्‌नने हीजैडेनाङ नाखुरीकै न ट धर्मशास्‍त्र वार्‌न्‍हने न ट परमेश्‍वरौ शक्‍तिकी वार्‌न्‍हने।

मर्कूस 12:36

हीजैडेनाङ दाउद लहे न पवित्र आत्‍मा लकीङ डेमने, ‘परमप्रभुये ङौ प्रभुकी डेया, नाको ङौ डोर मीहुट पट्‍टी ङुनी, जब सम्‍म ङा नाकुङ शत्रुकोलाक नाकुङ पैटला म्‍हकी माडाले।’

युहन्‍ना 10:35

होटबाटै परमेश्‍वरौ बचन सु लेठाङ राहा, होखुरीककी होसकै देवताको डेया, अनी धर्मशास्‍त्र सेन्‍र झुटो माछान्‍ले।

युहन्‍ना 3:20

दुष्‍ट काम जाट्‍च पट्‍टये ज्‍योतिकी माजाक्‍ले, र ज्‍योतियाङ होखुरीकै जाट्‍च दुष्‍ट कामको डाङ्‍ले डेम बीर्‍हीयार होखुरीक ज्‍योतियाङ मार्‍हाले।

प्रेरित 1:16

“ए भाइको, धर्मशास्‍त्रओ बचन ओल्‍खी पर्च लेया। कुसे बचन येशूकी घोचकुङ अगुवा यहूदासौ बारेयाङ दाउदौ मेङेरीङ अगाडी लकीङ न पवित्र आत्‍मै ङाक्‍ङन्‍या।

प्रेरित 18:25

होचे मुक्‍ति याछ प्रभुओ बारेयाङ शिक्षा डुप्‍मन्‍या र आत्‍माङ जोसीलो छानार येशूओ बारेयाङ ठीकखाटा ङाक्‍च र पाहाक्‍च जाट्‍न्‍या। टर पनी होसकी युहन्‍नौ बप्‍तिस्‍मा मट्‍टै थाहा लेया।

प्रेरित 20:20

नाखुरीककी भलाइ छान्‍च कुरा नाखुरीकुङ न म्‍याहासाङ सेटाक्‍की र इम-इमाङ नुङार नाखुरीककी र अरु भर्मीकी शिक्षा याखी ङा सेन्‍र न्‍हुङ्‍लाक माहटडीसा।

प्रेरित 20:27

हीजैडेनाङ परमेश्‍वरौ पट्‌ट न इच्‍छा नाखुरीककी डेकी ङा न्‍हुङ्‍लाक माहटडीसा।

प्रेरित 28:25

होखुरीक लाहा लहाङ न माखाटार भाकी पाच बेलाङ पावलै डेया, “नाखुरीकुङ बोइ बाज्‍युकोलाक यशैया अगमवक्‍तालकीङ पवित्र आत्‍मै डेच बचन ठीक न लेया। आसकै डेया,

२ टीमोठी 2:25

होचे लहो विरोधीकोलाक नम्र छानार सम्‍झडीकी य्‍होक्‍च छान्‍की पर्‌ले। होटजाट्‍न सायद परमेश्‍वरै होखुरीककी पश्‍चात्ताप जाट्‍च र सत्‍यताकी चीन्‍डीकी य्‍होक्‍च मीमन याल्‍हे।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।