हीजैडेनाङ कानै नाखुरीककी सेटाक्च सेछ समाचार कुराङ मट्टै मालेया। टर पवित्र आत्मा र शक्तिखाटा सेटाक्च एकदम साँचो कुरा लेया। नाखुरीक खाटा लेनाङ नाखुरीकुङ फाइदौ लागी कान कुङ्च भर्मीको लेया नाखुरीक न वार्ल्हे।
कानै नाखुरीककी परमेश्वरौ शिक्षा पाहाक्नाङ भर्मीयो शिक्षाकी लेखा होइन, साँच्ची न परमेश्वरौ न शिक्षा हो डेम नाखुरीकै ला र इसे परमेश्वरौ शिक्षा न लेया। इटबाटै कान परमेश्वरकी धन्यवाद याल्हे। इसे शिक्षाये चाहाँ र नाखुरीक विश्वासीकुङ मीघ्याङ काम जाट्न न ङुमने।
नाको कुजाट्न जीवामन ले होच्यो बारेयाङ र लहे याछ शिक्षौ बारेयाङ होसीयार छान्की। ठीक जीवन जीवाचै र शिक्षा याछै नुङ्की। इट जाट्नाङ नाकै लाहाकी अनी नाकुङ शिक्षा सेचकोलाक समेट परमेश्वरै जीवाक्ले।
नाकै च मार्जा लेनाङ लकीङ न पवित्र धर्मशास्त्रौ कुराको सेम्हजा वार्न्हने। इसे न कुराको लकीङ ख्रीष्ट येशूवाङ विश्वास जाट्नाङ डुप्च मुक्तियो बारेयाङ बुझडीस्की ग्यान डुप्ले।