२ टीमोठी 3:12 - पुर्वीय मगर

¹² सुये ख्रीष्‍ट येशूवाङ विश्‍वास जाटार सेछ जीवन जीवाच इच्‍छा जाट्‍ले होखुरीक पट्‍ट न सटावटाङ पर्‌ले।

२ टीमोठी 3:12 Iomraidhean Croise

मत्ती 16:24

होटै न्‍हुइङ येशूये लहो चेलाकोलाक डेया, “इडीक सुर ङाकी डुट्‍च मीमन जाट्‍ले डेनाङ, होचे लाहाकी इन्‍कार जाट्‍ख्‍यौ र लोहो क्रूस सोटार ङाकी डुट्‍ख्‍यौ।

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

मर्कूस 10:30

होखुरीकै इसे न समयाङ सय गुना बढी इम, मोइ बोइ, डाजेभाइ, डै बहीनी, मीजाको र जग्‍गा जमीन डुप्‍ले होटै सतावट र राल्‍हे टर राछ युगाङ सेन्‍र मासीच जीवन डुप्‍ले।

युहन्‍ना 16:2

होखुरीकै नाखुरीककी यहूदी सभाङुच इमलकीङ छ्‍युक्‍ङ याल्‍हे। अनी याङ्‍च समय र राल्‍हे, जब नाखुरीककी साट्‍चकै परमेश्‍वरौ सेवा जाट्‍न न ले डेम आर्‌मीट्‍ले।

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

युहन्‍ना 17:14

ङै होखुरीककी नाकुङ बचन याहा, टर संसारुङ भर्मीकै होखुरीककी घृणा जाटा, हीजैडेनाङ होखुरीक संसारुङ होइन, होटजाट्‍न न ङा र इसे संसारुङ होइन।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

१ टीमोठी 2:2

राजाको र पट्‍ट न बाड्‍को पडाङ लेच सरकारी अधिकारीकुङ लागी र प्रार्थना जाट्‍च जाट्‍नी। होट जाट्‍नाङ कानै सुख शान्‍तिखाटा पट्‍ट समय परमेश्‍वरौ न भक्‍ति र ढ्‍यानाङ लग्‍डीसार आदरौ जीवन जीवाकी य्‍होक्‍ले।

१ टीमोठी 3:16

कान इसे कुरा स्‍वीकार जाट्‍ले, कानुङ विश्‍वासौ रहस्‍य कुडीक बाड्‍को ले: ख्रीष्‍ट भर्मीयो शरीरङ राहा, पवित्र आत्‍मै होसकोकी धर्मी टान्‍हाका, होसकोकी स्‍वर्गदूतकै डाङा, जात जातियुङ भर्मीकुङ मीघ्‍याङ होसकुङ सेछ-समचार फैलडीसा, संसारुङ वास्‍टै भर्मीकै होसकोकी विश्‍वास जाटा, होसको स्‍वर्गाङ गाराङ्‍ङ आल्‍हा।

१ टीमोठी 6:3

सुये बेग्‍लै शिक्षाको पाहाक्‍ले, र कानुङ प्रभु येशू ख्रीष्‍टौ सत्‍य शिक्षा र कानै जाट्‍की पर्च भक्‍तियो शिक्षा मामन्‍डीले डेनाङ,

टीटस 1:1

ङा पावल परमेश्‍वरौ डास र येशू ख्रीष्‍टौ प्रेरितै इसे चीठी रीक्‍ङन ले। परमेश्‍वरकी मन पर्च जीवन जीवाख्‍यौ डेयार परमेश्‍वर लहे न भाक्‍चकोलाक विश्‍वास र सत्‍यौ ज्ञान बड्‌डीसाक्‍ङ याखी ङाकी बीर्‌न्‍हकाच हो।

टीटस 2:12

इसे अनुग्रहये सुये लाहाकी अढीनाङ डार, परमेश्‍वरकी आदर माजाट्‍च होसे मास्‍च जीवन र संसारुङ चाहनाकी डासार इटै आलाक परमेश्‍वरौ म्‍याहासाङ होसकोकी आदर जाट्‍च भक्तिपुर्ण जीवन जीवाकी पाहाक्‍ले।

१ पट्‍रुस 3:14

टर इडीक सेछ काम जाट्‍नाङ र डुख भोग्‍डीकी पर्‌या डेनाङ नाखुरीककी कुडीक आसीस याल्‍हे। होटबाटै सुखाटा र माबीर्‍हीनी र चीन्‍टा माजाट्‍नी।

२ पट्‍रुस 3:11

इटजाट्‍न पट्‍ट न कुराको नास छानार नुङ्‍च बाटै नाखुरीक कुङ्‍च खालुङ भर्मी छान्‍की पर्च हो? नाखुरीकुङ जीवन पवित्र र परमेश्‍वरकी चढडीच छान्‍की पर्‌ले।