२ टीमोठी 3:10 - पुर्वीय मगर

¹⁰ टर नाकै चहीँ ङौ शिक्षा, ङौ चालचलन, ङौ जीवनौ लक्ष्‍य, ङौ विश्‍वास, ङौ धैर्यता, ङौ प्रेम, ङौ सहनसीलटा डाङ्‍ने।

२ टीमोठी 3:10 Iomraidhean Croise

लुका 1:3

होटै ङै र सुरुलकीङ न सेम्‍ह खाटा पट्‍ट कुराकी पा, र मीङारै खाटा होसे बारेयाङ रीक्‍की ङाकी सेम्‍ह सेया।

प्रेरित 11:23

होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

प्रेरित 2:42

होखुरीक प्रेरितकुङ शिक्षा, सङ्‍गटी, भोजाङ र प्रार्थनाङ लगाटार लक्‍डीस्‍न न ङुमन्‍या।

प्रेरित 20:18

जब होखुरीक होला टाराहा टब पावलै होखुरीककी डेया, “ङा एसीयाङ पाइला टेक्‍डीच नीक लकीङ न नाखुरीकुङ मीघ्‍याङ कुटजाट्‍न डीन बीटडीया होसे नाखुरीकै वार्‌न्‍हने।

प्रेरित 26:4

“ङा लहो देश र यरूशलेम सहराङ यहूदी जातिको मीघ्‍याङ होरा। होटबाटै पट्‍ट न यहूदीकोलाक ङौ जजालकीयुङ बानी बेहोरा थाहा ले।

१ ठेसलोनीकी 1:5

हीजैडेनाङ कानै नाखुरीककी सेटाक्‍च सेछ समाचार कुराङ मट्‍टै मालेया। टर पवित्र आत्‍मा र शक्‍तिखाटा सेटाक्‍च एकदम साँचो कुरा लेया। नाखुरीक खाटा लेनाङ नाखुरीकुङ फाइदौ लागी कान कुङ्‍च भर्मीको लेया नाखुरीक न वार्‌ल्‍हे।

१ टीमोठी 1:3

ङा माकेडोनीया नुङ्नाङ नाकोकी एफीससाङ ङुनी डेयार ङै कर लैडीमन्‍या, होला कुडीक जनै झुटो शिक्षा पाहाक्‍ङन ले, होखुरीककी मापाहाक्‍की डेयार रोकडीकी नाको होला न ङुनी।

१ टीमोठी 4:6

इडीक नाकै इसे कुराको भाइ बहीनीकोलाक बुझडीम याहा डेनाङ, नाको विश्‍वास र सत्‍य बचनाङ होर्‌च र ठीक शिक्षा डुट्‍च ख्रीष्‍ट येशूओ सेछ सेवा जाट्‍च छान्‍ने।

१ टीमोठी 6:11

टर तिमोथी, नाको परमेश्‍वरौ भर्मी छान्‍च बाटै, इसे मास्‍च कुराकोलकीङ लोस ङुनी। अनी नाकै परमेश्‍वरौ म्‍याहासाङ ठीक ठहरीस्‍च कुरा, भक्‍ति, विश्‍वास, माया, सहडीकी र नरम छान्‍च कुराकोवाङ लहो मीमन लैडीकी।

२ टीमोठी 2:22

होटबाटै रेन्‍जा-आर्‌नामौ बेलाङ राछ मासेछ इच्‍छाकोलाक डासार शुद्ध मीमनै प्रभुओ म्‍यार्‌मीन लाच भर्मीकोखाटा धार्मिकता, विश्‍वास, प्रेम र शान्‍तियाङ व्‍हाकी।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।

२ टीमोठी 4:3

हीजैडेनाङ याङ्‍च समय राम्‍हन ले, भर्मीकै साँचो शिक्षाकी सहडीकी माय्‍होक्‍ले। टर होखुरीक लहे जाक्‍ङ सेच कुराको मट्‍टै सेकी इच्‍छा जाट्‍ले होटबाटै लाहाकी मज्‍जा सेच कुराको सेटाक्‍च शिक्षकको भेला जाट्‍ले।

२ टीमोठी 4:7

ङै पट्‍ट डेनाङ सेछ विश्‍वासौ लडाइ जाट्‍न भ्‍यामने। ङै खेर्‌च काम भ्‍यामने, र ङौ विश्‍वासकी ङै ढान्‍न डामने।

टीटस 2:7

नाकै न पट्‍ट ठोकाङ सेछ काम जाटार होखुरीककी नमुना छानार टान्‍हाक्‍नी। अनी नाखुरीकै पाहाक्‍नाङ इमान्‍दारी खाटा गम्‍भीर छानार,

२ पट्‍रुस 3:11

इटजाट्‍न पट्‍ट न कुराको नास छानार नुङ्‍च बाटै नाखुरीक कुङ्‍च खालुङ भर्मी छान्‍की पर्च हो? नाखुरीकुङ जीवन पवित्र र परमेश्‍वरकी चढडीच छान्‍की पर्‌ले।