२ टीमोठी 2:26 - पुर्वीय मगर

²⁶ इटजाट्‍न होखुरीक लाहा होसाङ राहार शैतानौ फन्‍डालकीङ भीस्‍की डुप्‍ले हीजैडेनाङ होखुरीककी शैतानै लहो कामौ लागी घोवार डामने।

२ टीमोठी 2:26 Iomraidhean Croise

लुका 11:21

काट बलीयो भर्मीये हटीयार भेरीसार मेनो इम रुङा डेनाङ माल मट्‌टाको माम्‍हाट्‍ले।

लुका 15:17

“होडीक बेला होच्‍यौ बल्‍ल चेट राहा होटै होचे मेल्‍है-मेल्‍हाकी इट डेया, ‘ङौ बोयो काम जाट्‍च वास्‍टै नोकरकै र्‍हास्‍ठर ज्‍याम र ओबारीले टर ङा चहीँ इला मीटुक रन्‍छीम सीकी पाम ङुमे’

लुका 5:10

होटै न्‍हुइङ सीमोन खाटा काम जाट्‍च जब्‍दियो मीजाको याकुब, युहन्‍ना र छक्‍क पर्‌या। येशूये सीमोनकी डेया, “माबीर्‍हीनी! अब लकीङ आलाक भर्मीकोलाक घोले।”

युहन्‍ना 13:2

येशू लहो चेलाकोखाटा नाबीलुङ ज्‍यामा ज्‍याच बेलाङ शैतानै सीमोन इस्‍करीयोटौ मीजा यहूदास इस्‍करीयोटौ मीमनाङ येशूकी घोवाक्‍ङ याछ बीचार अघीलकीङ न काम भ्‍यामन्‍या।

युहन्‍ना 13:27

अनी यहूदासै रोटो लाच बीट्‍टीकै होसे भीत्री शैतान पर्‌या र येशूये होसकी डेया, “नाकै ही जाट्‍की पाच हो होसे छीटो जाट्‍की क्‍योट्‍नी।”

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

प्रेरित 5:3

पत्रुसै डेया, “ए हननीया, पवित्र आत्‍माकी ढाँट्‍डीच र य्‍हा आर्‌लाच पैसा चेक्‍जा लाहा खाटा डाच कुरा शैतानै कुटजाट्‍न नाकुङ मीमनाङ काम याहा?

१ टीमोठी 1:20

होखुरीक मढ्‍याङ हुमेनीयस र अलेक्‍जेन्‍डर हो। परमेश्‍वरौ विरोधाङ ङाक्‍की माछान्‍च लेसा डेच कुरा अटपहे डेयार ङै होखुरीक नीसकी शैतानौ मीहुटाङ जीम्‍मा याम्‍हने।

१ टीमोठी 3:7

होटबाटै होसे भर्मी मण्‍डली भीत्री मट्‍टै होइन, बाहीरुङ अरु भर्मीकुङ म्‍याहासाङ र असल ठहरीस्‍च छान्‍की पर्‌ले। होसकी नभा च भर्मीकै निन्‍दा जाट्‍ले र होसे शैतानौ पासोवाङ पर्‌ले।