२ टीमोठी 2:19 - पुर्वीय मगर

¹⁹ टर परमेश्‍वर मेखोलै न काच जग सधैँ बलीयो छानार ङुमङुले। इला इट डेम रीक्‍ङने, “प्रभुये लहो भर्मीकोलाक चीन्‍डीले” अनी “प्रभुओ म्यार्‌मीन लाचको जटी पट्‍ट न खराब कामको लकीङ अलग ङुकी न पर्‌ले।”

२ टीमोठी 2:19 Iomraidhean Croise

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

मत्ती 7:23

अनी होडीक बेला ङा होखुरीककी डेले, ‘ए दुष्‍ट काम जाट्‍चको, ङा नाखुरीककी माव्‍हार्‌ले, ङा लकीङ लोस नुङ्‍नी!’

मत्ती 7:25

अनी नामास राहा, भल राहा, नाम्‍सु क्‍योसा र होसे इमाङ ठोका, टर होसे इम माफुटा। हीजैडेनाङ होसे इम चट्‍टान मीटाक खास्‍नन्‍या।

मर्कूस 12:16

होटै होखुरीकै काट रोमी सीक्‍का राकार याहा। अनी येशूये होखुरीककी डेया, “इसे फोटो र म्‍यार्‌मीन सुओ हो?” होखुरीकै होसकोकी डेया, “कैसरौ हो।”

मर्कूस 13:22

हीजैडेनाङ झुटो ख्रीष्‍टको र झुटो अगमवक्‍ताको ख्‍योम्‍ह राल्‍हे। अनी परमेश्‍वरै चुन्‍डीच कोलाक ढाट्‍डीकी डेम य्‍होक्‍ठर होखुरीकै चीन्‍हको र अचम्‍मौ कामको जाट्‍ले।

लुका 13:27

टर होचे डेले, ‘ङा नाखुरीककी डेले, नाखुरीक सु आले र कुटै राछ, ङा माव्‍हार्‌ले। ए दुष्‍ट काम जाट्‍चको ङा लकीङ लोस नुङ्‍नी।’

लुका 6:48

होसे काट इम खास्‍च भर्मी ल्‍याक्‍च हो। काट भर्मी होच्‍ये लुप्‍म कोहार इमौ जग चट्‍टान मीटाक खासा। होटै नामास राहार भल राहा, होसे इमाङ ठोका टर होसे इमकी होयोक्‍की माय्‍होका। हीजैडेनाङ इमौ जग बलीयो खास्‍नन्‍या।

युहन्‍ना 10:14

“ङा असल गोठ्‍ला हो। ङा ङाल्‍हौ भेडाकोलाक सेम्‍हजा चीन्‍डीले र ङौ भेडाकै ङाकी र सेम्‍हजा चीन्‍डीले।

युहन्‍ना 13:18

“ङै नाखुरीक पट्‍टओ विषयाङ डेच होइन, ङै सु सुकी भाक्‍ङने होखुरीककी ङा चीन्‍डीले। टर ‘ङाखाटा रोटो ज्‍याच भर्मी न ङौ विरोधी छानार सोवा’ डेयार धर्मशास्‍त्राङ रीक्‍च कुरा पुरा छान्‍की न पर्‌ले।

युहन्‍ना 3:33

टर सुये होसकुङ गबाहीकी विश्‍वास जाट्‍नने, होचे परमेश्‍वर सत्‍य हो डेच कुरौ पर्‌मान याल्‍हे।

प्रेरित 11:26

होचे साउलकी डुपा र होसकी एन्‍टीओखीयाङ राका। होखुरीक काट वर्ष सम्‍म मण्‍डलीयुङ भर्मीकोखाटा सङ्‍गटी जाट्‍चै र वास्‍टै भर्मीकोलाक शिक्षा याहा। एन्‍टीओखीयाङ न पट्‍ट डेनाङ पहीला विश्‍वासी कोलाक ख्रीष्‍टीयान डेच हो।

प्रेरित 15:17

होटबाटै ङै लहो खास्‍की आर्‌घाच अरु अन्‍यजाति भर्मीको ङा लेठाङ राल्‍हे,

प्रेरित 9:14

नाकुङ म्‍यार्‌मीन लाच पट्‍टकी घोच अधिकार मुख्‍य पुजाहारीको लकीङ होचे इला र डुप्‍मने।”

१ टीमोठी 3:15

इडीक ङा नाकोलेठाङ राखी ढीलो छाना डेनाङ र परमेश्‍वरौ परीवाराङ भर्मीकै कुङ्‍च व्‍यवहार जाट्‍की पर्च हो, होसे कुराको इसे चीठी लकीङ न वार्‌न्‍ह डानी। परमेश्‍वरौ परीवार चहीँ जीउँडो परमेश्‍वरौ मण्डली हो। इसे परमेश्‍वरौ मण्‍डली, सत्‍यौ जग र बलीयो खाँबा हो।

१ टीमोठी 6:19

इट जाट्‍नाङ होखुरीकै पीहीन राछ लहो जीवनाङ काम लग्‍डीस्‍च धन सम्‍पत्ति जगौ रुपाङ जम्‍मा जाट्‍ख्‍यौ, अनी होखुरीकै साँचो जीवन डुप्‍की य्‍होक्‍ले।

२ पट्‍रुस 3:14

होटबाटै ङौ विश्‍वासी डाजेभाइको र डै बहीनीको, नाखुरीक होसे डीनकी लेन्‍चको लेच बाटै परमेश्‍वरौ म्‍याहासाङ शुद्ध र निर्दोष छानार परमेश्‍वरखाटा शान्‍तियाङ ङुकी य्‍होक्‍ठर कोसीस जाट्‍नी।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।