२ टीमोठी 1:6 - पुर्वीय मगर

⁶ होटबाटै ङा नाकोकी फेरी आर्मीटाक्‍ले, ङै नाको मीटाक मीहुट डानाङ परमेश्‍वरै याछ वरदानकी नीये क्‍योट्‍चै नुङ्‍की।

२ टीमोठी 1:6 Iomraidhean Croise

लुका 19:13

होटै लहो डस जना नोकर कोलाक आर्‌घार होखुरीककी डस वटा सुनौ सीक्‍का याहार डेया, ‘ङा ल्‍हेस्‍न मार्‍हाठर इसे सीक्‍का लकीङ ब्यापार जाट्‍नी।’

प्रेरित 19:6

जब पावलै होखुरीक मीटाक नीस न मीहुट डा र पवित्र आत्‍मा होखुरीक मीटाक राहा। अनी होखुरीक अन्‍य भासाङ ङाका र अगमवाणी जाटा।

प्रेरित 6:6

अनी होखुरीकै होसे भाक्‍च भर्मीकोलाक प्रेरितकुङ अगाडी राका र प्रेरितकै प्रार्थना जाटार होखुरीक मीटाक लहो मीहुट डा।

१ ठेसलोनीकी 5:19

पवित्र आत्‍माकी काम जाट्‍की मारोकडीनी।

१ टीमोठी 4:14

नाकै डुप्‍च वरदानकी हीर काम मालक्‍डीच माआर्‌मीट्‌की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्‍नाङ अगमवाणी लकीङ नाकै डुप्‍च हो।

१ टीमोठी 4:6

इडीक नाकै इसे कुराको भाइ बहीनीकोलाक बुझडीम याहा डेनाङ, नाको विश्‍वास र सत्‍य बचनाङ होर्‌च र ठीक शिक्षा डुट्‍च ख्रीष्‍ट येशूओ सेछ सेवा जाट्‍च छान्‍ने।

२ टीमोठी 2:14

मण्डलीयुङ पट्‍ट न भर्मीकोलाक इसे कुरा सम्‍झडीम यान्‍ही, र परमेश्‍वरौ म्‍याहासाङ कडा आज्ञा यान्‍ही। होखुरीकै शब्‍दकुङ बारेयाङ वाद विवाद माजाट्‍ख्‍यौ, होचे हीर फाइडा माजाट्‍ले। सेचकोलाक हानी मट्‍टै जाट्‍ले।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।

२ पट्‍रुस 1:12

होटबाटै ङा नाखुरीककी इसे कुराको सधैँ न आर्मीटाक्‍ले, लेकीयौ लागी च नाखुरीककी इसे पट्‍ट न कुरा ठाहा ले, अनी नाखुरीकै डुप्‍च सत्‍यताङ बलीयो र छान्‍न ने।

२ पट्‍रुस 3:1

ङौ विश्‍वासी डाजेभाइको र डै बहीनीको, नाखुरीककी रीक्‍च इसे ङौ डोस्‍रो चीठी हो। इसे नीस चीठीयाङ न इसे कुराकुङ बारेयाङ आर्‌मीटाकार नाखुरीकुङ मीमनाङ शुद्ध बीचार छान्‍ख्‍यौ डेयार उट्‍साह याखीयो लागी हो।

यहुडा 1:5

नाखुरीककी पट्‍ट न कुराको थाहा लेनाङ र ङा इसे कुरा नाखुरीककी आर्मीटाक्‍ले। प्रभुये लहो भर्मीकोलाक मिश्र देशलकीङ डोनार राका, टर होखुरीक मढ्‍याङ कुडीक जना विश्‍वास माजाट्‍चकोलाक चहीँ न्‍हुइङ पट्‍ट न नास जाटा।