२ टीमोठी 1:5 - पुर्वीय मगर

⁵ ङाकी नाको खाटा लेच होसे सोझो विश्‍वासौ सम्‍झना ले। नाकुङ बज्‍ये लोइस र मोइ युनीसमा खाटा र होसे सोझो विश्‍वास लेया। अझै र नाको खाटा होङ्‍च न विश्‍वास ले डेच ङौ विश्‍वास ले।

२ टीमोठी 1:5 Iomraidhean Croise

युहन्‍ना 1:47

येशूये नथानेलकी लाहा पट्‍टी राछै जाट्‍च डाङार होच्‍यौ बारेयाङ डेया, “काट जना पक्‍का इस्राएलीकी ङोस्‍नी, होसेखाटा हीर छलकपट माले।”

प्रेरित 16:1

पावल डर्बी सहर छान्‍चै लुस्‍त्रा सहराङ टाराहा। होला तिमोथी म्‍यार्‌मीन जाट्‍च काट जना विश्‍वासी ङुमन्‍या। होसे काट जना विश्‍वासी यहूदी मास्‍टौ लेन्‍जा मीजा लेया टर होच्‍यौ बोइ चहीँ ग्रीक लेया।

प्रेरित 26:26

हीजैडेनाङ अग्रिपास राजा मेखोलै र इसे कुरा वार्‌ल्‍हे, होसकोकी ङा इसे कुराको साहास खाटा डेकी य्‍होक्‍ले। होसकै अवस्‍य इसे कुराकोवाङ सेम्‍ह ढ्‍यान याम्‍हने, हीजैडेनाङ इसे कुराको सुयेर थाहा माढीन्‍न जाट्‍च होइन।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 4:6

इडीक नाकै इसे कुराको भाइ बहीनीकोलाक बुझडीम याहा डेनाङ, नाको विश्‍वास र सत्‍य बचनाङ होर्‌च र ठीक शिक्षा डुट्‍च ख्रीष्‍ट येशूओ सेछ सेवा जाट्‍च छान्‍ने।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 3:15

नाकै च मार्‌जा लेनाङ लकीङ न पवित्र धर्मशास्‍त्रौ कुराको सेम्‍हजा वार्‌न्‍हने। इसे न कुराको लकीङ ख्रीष्‍ट येशूवाङ विश्‍वास जाट्‍नाङ डुप्‍च मुक्‍तियो बारेयाङ बुझडीस्‍की ग्‍यान डुप्‍ले।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।