२ टीमोठी 1:3 - पुर्वीय मगर

³ ङौ शुद्ध बीबेकखाटा ङा ङौ बोइ बाज्‍युकै जाट्‍नाङ लेखा न परमेश्‍वरौ सेवा जाट्‍ले। नाबीक नाम्‍सीन ङौ प्रार्थनाङ ङा नाकोकी आर्‌मीट्‍ले। ङौ प्रार्थनाङ ङा नाकुङ लागी परमेश्‍वरकी धन्‍यवाद याल्‍हे।

२ टीमोठी 1:3 Iomraidhean Croise

लुका 2:37

आसको चौरासी वर्ष टाम्‍हन्‍या। होसकै सेन्‍र परमेश्‍वरौ मन्‍दिर माडास्‍नन्या र नाबीक नाम्‍सीन उपवास र प्रार्थना जाट्‍चै आराधना जाट्‍नन्‍या।

प्रेरित 22:3

“ङा कीलीकीयुङ टार्सस सहराङ डीन्‍छ काट यहूदी हो। टर ङा इसे यरूशलेम सहराङ गमलीएलौ शिक्षाङ होर्‌च हो। कानुङ बोइ बाज्‍युकै मन्‍डीम राछ मोशौ व्‍यवस्‍था धर्मशास्‍त्रओ शिक्षा अनुसार ङै सेम्‍ह खाटा पाम्‍हने। छीनी नाखुरीक परमेश्‍वराङ कुडीक जोसीलो ले, होडीक न जोसीलो ङा र लेया।

प्रेरित 23:1

पावलै महासभा पट्‍टी मीमीक चीम माजाट्‍न ङोसार डेया, “ए डाजे-भाइको, छीनी सम्‍म परमेश्‍वरौ मीमीकाङ ङै शुद्ध बीबेकै जीवन बीटडीमने।”

प्रेरित 24:14

टर ङा इसे कुरा नाकुङ न म्‍याहासाङ मन्‍डीले। प्रभुओ लाम अनुसार मोशौ व्‍यवस्‍थाङ लेच कुरा अनी अगमवक्‍ताकुङ कीताबाङ रीक्‍च पट्‍ट न कुरा विश्‍वास जाटार ङौ बोइ-बाजुकुङ परमेश्‍वरौ ङा आराधना जाट्‍ले, कानुङ इसे दलकी होखुरीकै काट झुटो डल हो डेले।

प्रेरित 24:16

होटबाटै परमेश्‍वर र भर्मी पट्‍टी ङा सधैँ शुद्ध बीबेक डाच कोसीस जाट्‍ले।

प्रेरित 26:4

“ङा लहो देश र यरूशलेम सहराङ यहूदी जातिको मीघ्‍याङ होरा। होटबाटै पट्‍ट न यहूदीकोलाक ङौ जजालकीयुङ बानी बेहोरा थाहा ले।

प्रेरित 27:23

हीजैडेनाङ ङा परमेश्‍वरौ भर्मी हो, र होसकुङ न ङा आराधना जाट्‍ले, छीनीङ नाबीक होसकुङ काट स्‍वर्गदूत ङा छीनी टोङ्‍हार

१ ठेसलोनीकी 3:10

नाखुरीककी फेरी डुप्‍की डेयार कान नाबीक नाम्‍सीन परमेश्‍वरखाटा प्रार्थना जाट्‍न ङुमने। डुपार नाखुरीकुङ विश्‍वासाङ ही-ही कुरा कमी ले, होसे पुरा जाट्‍न याखी य्‍होक्‍च लेया।

१ टीमोठी 1:19

नाकै लहो विश्‍वास र सेछ बीबेककी माडास्‍की। हीजैडेनाङ बीबेकै डेच कुरा मागन्‍डीनाङ कुडीक जनौ विश्‍वास न नस्‍ट छानार नुङा।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 5:5

लहो सुर मालेच बीढुवाकै चहीँ लहो भरोसा परमेश्‍वराङ मट्‍टै डाले। अनी नाबीक-नाम्‍सीन होखुरीकै परमेश्‍वर खाटा सहायता ङेछै प्रार्थना जाट्‍न ङुले।

२ टीमोठी 1:5

ङाकी नाको खाटा लेच होसे सोझो विश्‍वासौ सम्‍झना ले। नाकुङ बज्‍ये लोइस र मोइ युनीसमा खाटा र होसे सोझो विश्‍वास लेया। अझै र नाको खाटा होङ्‍च न विश्‍वास ले डेच ङौ विश्‍वास ले।

२ टीमोठी 3:15

नाकै च मार्‌जा लेनाङ लकीङ न पवित्र धर्मशास्‍त्रौ कुराको सेम्‍हजा वार्‌न्‍हने। इसे न कुराको लकीङ ख्रीष्‍ट येशूवाङ विश्‍वास जाट्‍नाङ डुप्‍च मुक्‍तियो बारेयाङ बुझडीस्‍की ग्‍यान डुप्‍ले।