२ टीमोठी 1:12 - पुर्वीय मगर

¹² होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 1:12 Iomraidhean Croise

मत्ती 12:21

अनी होच्‍यो न म्‍यार्‌मीनाङ जाटी-जाटीकै लहो आशा डाले।”

मत्ती 24:36

“टर परमेश्‍वर बोइकी बाहेक होसे डीन र घडी सेन राल्‍हे डेयार सुकीर थाहा माले। न ट स्‍वर्गुङ स्‍वर्गदूतकोलाक, न ट मीजाकी।

मत्ती 7:22

न्‍यायौ डीनाङ ङाकी वास्‍टै जनै डेले, ‘प्रभु, ए प्रभु, ही कानै नाकुङ म्‍यार्‌मीनाङ अगमवाणी माङाका र? नाकुङ म्‍यार्‌मीनाङ भूतको माखेट्‍डीया र? कानै नाकुङ म्‍यार्‌मीनाङ वास्‍टै अचम्‍मौ कामको माजाटा र?’

लुका 10:12

ङा नाखुरीककी डेले, न्‍यायौ डीनाङ होसे सहरौ भर्मीकुङ हालट डेनाङ च पापै न्‍हेप्‍च सदोम सहरुङ भर्मीकुङ हालट सहडीकी य्‍होक्‍च छान्‍ले।

लुका 23:46

होटै बाड्‍को सोरै च्‍याकार येशूये डेया, “ए बोइ, ङा ङौ आत्‍मा नाकुङ मीहुटाङ याल्‍हे।” इडीक डेयार होसकै लहो प्राण डासा।

युहन्‍ना 17:15

नाकै होखुरीककी इसे संसारीङ आल्‍न्‍ही डेयार ङा प्रार्थना माजाट्‍ले, टर नाकै होखुरीककी शैतानलकीङ जोगडीनी डेयार ङा प्रार्थना जाट्‍ले।

युहन्‍ना 6:44

ङाकी बीर्‌न्‍हकाच परमेश्‍वर बोये ङा लेठाङ राछ मीमन माय्‍हा डेनाङ सुर ङा लेठाङ राखी माय्‍होक्‍ले, ङा लेठाङ राछको जटीकी ङा अन्‍टीम डीनाङ सीच लकीङ जीवाटाक्‍ले।

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 13:50

टर पावल र बारनाबासौ विरोधाङ यहूदीकै भक्‍ति जाट्‍च र भर्मीकै मान जाट्‍च मास्‍टो भर्मीको र सहरुङ मुख्‍य-मुख्‍य भर्मीकोलाक सोटा। होखुरीककी सटडीयार मेखुरीकुङ क्षेत्र लकीङ छ्‍युकार खेट्‍डीम का।

प्रेरित 21:13

टर पावलै डेया, “नाखुरीक इटजाट्‍न रापार ङौ मीमनकी हीजै खीन्‍न पार्‌च? ङा च यरूशलेमाङ छ्‍याखी मट्‍टै होइन, टर प्रभु येशूओ लागी सीकी र टयार ले।”

प्रेरित 7:59

इटजाट्‍न होखुरीकै स्‍तिफनसकी ल्‍हुङ ङाप्‍चै हीर्‌कडीम न लेया, अनी होचे प्रार्थना जाटा, “ए प्रभु येशू, ङौ आत्‍माकी ग्रहण जाट्‍न यान्‍ही।”

प्रेरित 9:16

र ङौ म्‍यार्‌मीनौ लागी होचे कुडीक कष्‍ट भोग्‍डीकी पर्‌ले, डेम ङा होसकी टान्‍हाक्‍ले।”

१ ठेसलोनीकी 2:16

होखुरीकै कानकी मुक्‍तियो सेछ समाचार अन्‍यजातिकोलाक सेटाक्‍की माय्‍हा। इटजाट्‍न होखुरीकै पापौ ठुप्‍रो खास्‍चै नुङा। अन्‍टीमाङ परमेश्‍वरौ मीरीस होखुरीक मीटाक पर्‌या।

१ ठेसलोनीकी 5:4

टर ङौ डाजेभाइको र डै बहीनीको, नाखुरीक छुम्‍ठाङ माले। होटबाटै प्रभु राछ डीनाङ खुस मोसोमायाङ रान्‍हाङ लेखा न रान्‍हाङ नाखुरीकै चहीँ अचम्‍म मन्‍डीकी मापर्‌ले।

१ टीमोठी 6:20

ए तिमोथी, परमेश्‍वरै नाकोकी कुसे कुरा जीम्‍मा याम्‍हने, होसकी सेम्‍ह जोगडीम डाकी। कुडीक जना भर्मीकै संसारुङ मुर्‌ख कुराकी ज्ञान डेयार मन्‍डीच झुटो कुरा लकीङ र जोगडीस्‍नी।

२ टीमोठी 1:14

नाकुङ जीम्‍माङ याछ सेछ कुराकोलाक काल्‍हा भीत्री बास ङुच पवित्र आत्‍मौ शक्‍तिये जोगडीम डाकी।

२ टीमोठी 1:16

ओनेसीफरसौ परीवाराङ प्रभुये दया अट जाटै, हीजैडेनाङ होचे ङाकी वास्‍टै खेप हौसला याहा। अनी ङा झ्‍यालखानाङ लेनाङ र होसे ङाकी डुप्‍की राखी माकारा।

२ टीमोठी 1:18

मुक्‍ति याछ ख्रीष्‍ट राछ डीनाङ प्रभुलकीङ होचे कृपा डुप्‍की अट य्‍होकै। नाकोकी ठाहा न ले, एफीससाङ लेनाङ र होचे ङाकी वास्‍टै कुराङ सघडीमन्‍या।

२ टीमोठी 1:8

होटबाटै कानुङ प्रभुओ साक्षी याखी माकाराकी र ङा ख्रीष्‍टौ लागी झ्‍यालखानाङ पर्‌चबाटै र माकाराकी बरु नाङ र परमेश्‍वरौ शक्‍तियाङ सेछ समाचार सेटाक्‍की डुख सोटो।

२ टीमोठी 2:9

होसे न सेछ समाचार सेटाक्‍च बाटै ङै डुख भोक्‍डीमन ले। होडीक मट्‍टै होइन, अपराढीकी लेखा न साङ्‍लीये छ्‍याकार ठुन्‍नने। टर परमेश्‍वरौ बचनकी च सेन्‍र साङ्‍लीये छ्‍याकार डाकी माय्‍होक्‍ले।

२ टीमोठी 4:8

अब ङौ लागी धार्मिकतौ मुकुट डामने, होसे चहीँ धार्मिकतौ ठीकखाटा न्‍याय जाट्‍च प्रभुये न होसको राछ नीक ङाकी याल्‍हे। ङाकी मट्‍टै होइन, होसको फेरी राछ लाम ङोस्‍च पट्‌टकोलाक न याल्‍हे।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

१ पट्‍रुस 1:5

विश्‍वास जाट्‍च बाटै नाखुरीककी परमेश्‍वरौ शक्‍तिये जब सम्‍म मुक्‍ति माडुप्‍ले होडीक बेला सम्‍म जोगडीम डाले। होसे मुक्‍ति नाखुरीकुङ लागी टयार जाट्‍नने र समयौ अन्‍टीमाङ होसे डाङ्‍ले।

१ पट्‍रुस 4:16

टर पनी ख्रीष्‍टकी विश्‍वास जाट्‍च बाटै डुख भोग्‍डीकी पर्‌नाङ माकाराख्‍यौ। टर ख्रीष्‍टौ म्‍यार्‌मीन लाकी डीन्‍न्‍हने डेयार परमेश्‍वरकी धन्‍यवाद याख्‍यौ।

१ पट्‍रुस 4:19

होटबाटै परमेश्‍वरौ इच्‍छा अनुसार डुख भोग्‍डीचकै सेछ काम जाट्‍की माडास्‍न होखुरीकै लाहाकी सृष्‍टि जाट्‍च परमेश्‍वर मीटाक भरोसा डाकी पर्‌ले। होसकै लहो प्रतिज्ञा सधैँ पुरा जाट्‍ले।

यहुडा 1:24

अब परमेश्‍वर बोइ मेखोलै न नाखुरीककी पापाङ पर्‌की लकीङ जीवाटाक्‍की य्‍होक्‍ले, र पाप न मालेच नीस्‍कलङ्‍क खासार अनी बाड्‍को आनन्‍द खाटा लहौ महीमौ अघी आल्‍खी य्‍होक्‍ले,