२ टीमोठी 1:10 - पुर्वीय मगर

¹⁰ अनी होसे अनुग्रह चाहा कानकी मुक्‍ति याछ ख्रीष्‍ट येशू राहार टान्‍हाक्‍ङने। होसकै मृत्‍युओ शक्‍तिकी नास जाटा र सेछ समाचार लकीङ सेन्‍र मासीच जीवन टान्‍हाका।

२ टीमोठी 1:10 Iomraidhean Croise

लुका 11:36

इडीक नाकुङ जीउ ज्‍योतिये न्‍हेप्‍मने र छुम्‍छ माले डेनाङ, बट्‍टीये नाकोकी ट्‍याङ्‍छ यान्‍हाङ लेखा न नाकुङ जीओ पट्‍ट न भाकाङ ट्‍याङ्‍ल्‍हे।”

लुका 13:7

होटै होसे भर्मीये य्‍हाङ काम जाट्‍च नोकरकी डेया, ‘ङोस्‍नी, सोम वर्ष अगाडी लकीङ इसे अन्‍जीरै मीस्‍या स्‍याटाक्‍ले की डेम ङै लेन्‍न राहा, टर काट र मास्‍याटाका। होटबाटै इसकी फुस्‍न यान्‍ही। इसकी हीजै य्‍हा ओकडीकी याखी?’

लुका 2:11

छीनी दाउदौ सहराङ नाखुरीकुङ नीम्‍टी काट मुक्‍तिदातौ जन्‍म छान्‍नने होसको न मुक्‍ति याछ ख्रीष्‍ट प्रभु हो।

युहन्‍ना 1:9

पट्‍ट न भर्मीकोलाक ज्‍योति याछ होसे साँचो ज्‍योति संसाराङ राम्‍ह न लेया।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

युहन्‍ना 5:40

टर सेन्‍र मासीच जीवन डुप्‍की नाखुरीक ङा लेठाङ राखी मामन्‍डीले।

प्रेरित 13:23

इसे भर्मीयो सन्‍टान लकीङ न लहे जाट्‍च प्रतिज्ञा अनुसार परमेश्‍वरै इस्राएलीकुङ लागी काट मुक्‍तिदाता येशूकी बीर्‌न्‍हका।

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

२ ठेसलोनीकी 2:8

होटै होसे व्‍यवस्‍था भङ्‍ग जाट्‍च भर्मी डाङ्‍ले। प्रभु येशू रान्‍हाङ होसकुङ ज्‍योटीयो शक्‍तिये होसकुङ मेङ्‍गेरुङ सासै होसकी नास जाट्‍ले।

२ टीमोठी 1:1

परमेश्‍वरौ इच्‍छै ख्रीष्‍ट येशूवाङ लेच जीवनौ प्रतिज्ञा सेटाक्‍की ङा पावल येशू ख्रीष्‍टौ प्रेरित छान्‍च हो।

२ टीमोठी 1:8

होटबाटै कानुङ प्रभुओ साक्षी याखी माकाराकी र ङा ख्रीष्‍टौ लागी झ्‍यालखानाङ पर्‌चबाटै र माकाराकी बरु नाङ र परमेश्‍वरौ शक्‍तियाङ सेछ समाचार सेटाक्‍की डुख सोटो।

२ टीमोठी 4:1

परमेश्‍वरौ म्‍याहासाङ र जीउँडो र सीचकुङ न्‍याय जाट्‍की राछ ख्रीष्‍ट येशूओ म्‍याहासाङ, अनी होसको राहार राज्‍य जाट्‍ले डेच कुराकी जोड याहार ङा नाकोकी कडा आज्ञा याल्‍हे,

२ टीमोठी 4:8

अब ङौ लागी धार्मिकतौ मुकुट डामने, होसे चहीँ धार्मिकतौ ठीकखाटा न्‍याय जाट्‍च प्रभुये न होसको राछ नीक ङाकी याल्‍हे। ङाकी मट्‍टै होइन, होसको फेरी राछ लाम ङोस्‍च पट्‌टकोलाक न याल्‍हे।

टीटस 2:11

हीजैडेनाङ पट्‍ट न भर्मीकै मुक्‍ति डुप्‍ख्‍यौ डेयार परमेश्‍वरौ अनुग्रह टान्‍हाक्‍ङने।

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

टीटस 3:4

टर जब कानुङ मुक्‍ति याछ परमेश्‍वरौ दया र माया कानै डाङा,

२ पट्‍रुस 1:1

येशू ख्रीष्‍टौ सेबक र प्रेरित ङा सीमोन पत्रुस लकीङ काल्‍हौ परमेश्‍वर र येशू ख्रीष्‍टौ धार्मिकतालकीङ काल्‍हा खाटा लेच ल्‍याक्‍च न बहुमुल्‍य विश्‍वास डुप्‍चकोलाक:

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।

२ पट्‍रुस 1:3

सेछ जीवन जीवाकी चहडीस्‍च पट्‍ट न कुरा परमेश्‍वरौ शक्‍तिये डुप्‍मने हीजैडेनाङ लहो महीमा र भलाइ लकीङ आर्‌घाच परमेश्‍वरकी कानै चीन्‍डीमने।

२ पट्‍रुस 2:20

टर इडीक होखुरीकै कानुङ प्रभु र मुक्‍ति याछ येशू ख्रीष्‍टकी चीन्‍डीयार संसारुङ नास जाट्‍च दुष्‍ट कुराको लकीङ छुटकारा डुप्‍म र फेरी होसे न पापाङ फँसडीसार होच्‍यौ अधिनाङ पर्‌ले डेनाङ, होखुरीकुङ हालट अगाडीयुङ डेनाङ न्‍हुइङ झन मासेम्‍ह छान्‍ले।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!

२ पट्‍रुस 3:2

वास्‍टै वर्ष अगाडी पवित्र अगमवक्‍ताकै ङाक्‍च कुरा र प्रेरितकै डेच कानुङ प्रभुओ आज्ञा र होसकै मुक्‍ति याछ कुराकी आर्‌मीट्‍न ङुनी डेच मीमन जाट्‍ले।

१ युहन्‍ना 1:2

जब होसे जीवन प्रकट छाना, टब कानै डाङा र कान गबाही याल्‍हे अनी नाखुरीककी र डेले, इसे सेन्‍र मासीच जीवन परमेश्‍वर बोइ खाटा लेया, र कान लेठाङ डाङा।

१ युहन्‍ना 4:14

परमेश्‍वर बोये लहो मीजाकी संसाराङ मुक्‍ति याखी बीर्‌न्‍हकाच कानै डाङा, र होच्‍यो न कान साक्षी याल्‍हे।