२ पट्‍रुस 1:3 - पुर्वीय मगर

³ सेछ जीवन जीवाकी चहडीस्‍च पट्‍ट न कुरा परमेश्‍वरौ शक्‍तिये डुप्‍मने हीजैडेनाङ लहो महीमा र भलाइ लकीङ आर्‌घाच परमेश्‍वरकी कानै चीन्‍डीमने।

२ पट्‍रुस 1:3 Iomraidhean Croise

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

१ ठेसलोनीकी 2:12

नाखुरीकुङ चालचलन परमेश्‍वरकी जाक्‍ङ सेच छान्‍ख्‍यौ डेयार कानै उत्‍साह याल्‍हे र अर्ती याल्‍हे र पाहाक्‍ले। हीजैडेनाङ नाखुरीककी होसकुङ लहौ राज्‍य र महीमाङ आर्‌घाले।

१ ठेसलोनीकी 4:7

हीजैडेनाङ परमेश्‍वरै कानकी अपवित्र जीवन जीवाकी आर्‌घाच होइन, टर पवित्र जीवन जीवाकी डेम आर्‌घाच हो।

२ ठेसलोनीकी 2:14

इच्यौ न लागी कानै सेटाक्‍च सेछ समाचारलकीङ कानुङ प्रभु येशू ख्रीष्‍टौ महीमा डुप्‍की डेयार होसकै नाखुरीककी आर्‌घाच हो।

१ टीमोठी 4:8

हीजैडेनाङ शरीरौ टालीमाङ लक्‍डीसा डेनाङ च ठोरै कुराङ मट्‍टै फाइडा छान्‍ले। टर आत्‍मौ टालीम जाटा डेनाङ चहीँ वास्‍टै कुराङ फाइडा छान्‍ले, होला चहुँङ र न्‍हुइङ राछ जीवन नीसौ न फाइडौ लागी प्रतिज्ञा ले।

२ टीमोठी 1:9

परमेश्‍वरै न कानकी जीवाका र लहो न भर्मी छान्‍की कानकी आर्‌घा। काल्‍है जाट्‍च कामौ आधाराङ होइन, टर मेखोल्‍हौ न इच्‍छा र अनुग्रहौ आधाराङ याङ्‍च जाट्‍च हो। इसे चहीँ सृष्‍टि छान्‍की डेनाङ अघीलकीङ न काल्‍हाकी ख्रीष्‍ट येशूये याछ अनुग्रह हो।

१ पट्‍रुस 1:15

नाखुरीककी आर्‌घाच परमेश्‍वर पवित्र ले। होटबाटै नाखुरीक र नाखुरीकै जाट्‍च पट्‍ट न कामकुराङ पवित्र छान्‍नी।

१ पट्‍रुस 1:5

विश्‍वास जाट्‍च बाटै नाखुरीककी परमेश्‍वरौ शक्‍तिये जब सम्‍म मुक्‍ति माडुप्‍ले होडीक बेला सम्‍म जोगडीम डाले। होसे मुक्‍ति नाखुरीकुङ लागी टयार जाट्‍नने र समयौ अन्‍टीमाङ होसे डाङ्‍ले।

१ पट्‍रुस 2:21

इच्यौ लागी न परमेश्‍वरै नाखुरीककी आर्‌घाच हो। हीजैडेनाङ ख्रीष्‍टै र नाखुरीकुङ लागी डुख भोग्‍डीया, अनी नाखुरीकुङ लागी काट उदाहरण छान्‍न याहा। होट छान्‍चबाटै नाखुरीक र होसको व्‍हाच लामाङ व्‍हाकी पर्‌ले।

१ पट्‍रुस 2:9

टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।

१ पट्‍रुस 3:9

सुयेर मासेछ जाटाडेनाङ होसकी नाखुरीकै बडला मालानी, सरापडीया डेनाङ र मासरापडीनी। टर होच्‍यौ सट्‍टा आसीस यान्‍ही हीजैडेनाङ इच्यौ लागी न नाखुरीककी परमेश्‍वरै आर्‌घाच हो, की नाखुरीकै आसीस डुप्‍की य्‍होक्‍नी।

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

२ पट्‍रुस 1:10

होटबाटै विश्‍वासी डाजेभाइको र डै बहीनीको, परमेश्‍वरै नाखुरीककी आर्‌घाच र चुन्‍डीच कुराकी नीस्‍चीट जाट्‍कीयो लागी झन जोसीलो छान्‍नी। हीजैडेनाङ इसे कुराको जाटा डेनाङ, नाखुरीक सेन्‍र परमेश्‍वर लकीङ लोस माछान्‍ले।

२ पट्‍रुस 1:2

परमेश्‍वर र काल्‍हौ प्रभु येशूकी चीन्‍डीचबाटै नाखुरीककी अनुग्रह र शान्‍ति प्रशस्‍त खाटा छान्‍चै नुख्‍यौ।

२ पट्‍रुस 1:5

इटबाटै य्‍होक्‍ठर नाखुरीकुङ विश्‍वासाङ भलाइ फाट्‍नी र भलाइयाङ ज्ञान फाट्‍नी,

२ पट्‍रुस 1:6

ज्ञानाङ सहडीकी य्‍होक्‍च शक्‍ति, सहडीकी य्‍होक्‍च शक्‍तियाङ धैर्य, धैर्याङ भक्‍टी,

२ पट्‍रुस 1:8

नाखुरीककी चहडीस्‍च कुराको इसे न हो, अनी इसे कुराको प्रशस्‍त ले डेनाङ नाखुरीकै कानुङ प्रभु येशू ख्रीष्‍टौ ज्ञानाङ वास्‍टै मीस्‍या स्‍याटाक्‍च छान्‍ले।

२ पट्‍रुस 2:20

टर इडीक होखुरीकै कानुङ प्रभु र मुक्‍ति याछ येशू ख्रीष्‍टकी चीन्‍डीयार संसारुङ नास जाट्‍च दुष्‍ट कुराको लकीङ छुटकारा डुप्‍म र फेरी होसे न पापाङ फँसडीसार होच्‍यौ अधिनाङ पर्‌ले डेनाङ, होखुरीकुङ हालट अगाडीयुङ डेनाङ न्‍हुइङ झन मासेम्‍ह छान्‍ले।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!