१ टीमोठी 6:4 - पुर्वीय मगर

⁴ होसे भर्मी हीर माव्‍हार्‌न होटन घमण्‍डये सोक्‍ले। होचे व्‍यार्थौ वाद विवाद जाट्‍ले, काट काट कुराङ झगडा जाट्‍न ङुले। इसे कुराकै डाहा, झगडा, बडनाम र मासेछ सङ्‍खाको मट्‍टै राक्‍ले।

१ टीमोठी 6:4 Iomraidhean Croise

प्रेरित 15:2

टब पावल र बारनाबासौ होखुरीक खाटा बीचारको माखाटा र वाद-विवाद छान्‍रखीङ होलुङ भाइकै पावल, बारनाबास र अरु कुडीक जनाकी इसे परस्‍नओ फैसलौ लागी प्रेरितको र अगुवाको लेठाङ यरूशलेम नुङ्‍की डेम भाका।

प्रेरित 18:15

टर इसे शब्‍दको, म्‍यार्‌मीनको र नाखुरीकुङ लहो व्‍यवस्‍थौ बारेयाङ लेचबाटै नाखुरीक न बीचार जाट्‍नी। ङा चहीँ याङ्‍च कुराकुङ न्‍याय माजाट्‍ले।”

प्रेरित 8:9

सीमोन म्‍यर्‌मीनुङ काट जना भर्मी होसे सहराङ लेया। होचे अघीलकीङ न होसे सहराङ जाडु जाटार सामरीयुङ भर्मीकोलाक अचम्‍म पार्‌नन्‍या र लाहा खुब बाड्‍को ल्‍हेस्‍नन्‍या।

२ ठेसलोनीकी 2:4

होचे लाहाकी न बाड्‍को खासार भर्मीकै परमेश्‍वर डेम आरमीट्‍च पट्‍ट न कुराकोलाक र पुजा जाट्‍च पट्‍ट न ठोकौ विरोध जाट्‍ले। होचे याङ्‍च सम्‍म जाट्‍ले की परमेश्‍वरौ मन्‍दिराङ पर्‍यार लहे लाहाकी न परमेश्‍वर डेले।

१ टीमोठी 1:4

नाकै होखुरीककी दन्‍त्‍य कठाको र माटुङ्‍गडीस्‍च बङ्‍सवलीको पट्‍टी अल्‍मडीस्‍की माय्‍हानी, हीजैडेनाङ इसे कुराकै च व्‍यार्थौ वाद विवाद छ्‍युक्‍ले र विश्‍वासलकीङ छान्‍च परमेश्‍वरौ कामाङ सङ्‍खा मट्‍टै बड्‍डीले।

१ टीमोठी 1:7

होखुरीक व्‍यवस्‍था पाहाक्‍च गुरु हो डेम चीन्‍डीयाक्‍च मीमन च जाट्‍ले, टर लहे ङाक्‍च कुरा अठबा लहे टोक्‍डीयार डेच कुरा लेनाङ र होसे होखुरीक लहे न माबुझडीस्‍ले।

१ टीमोठी 3:6

होसे चाम-चाम विश्‍वास जाट्‍च नयाँ भर्मी र छान्‍की माछान्‍ले, नभा च होसे घमन्‍डै सोक्‍ले र शैतानै डुप्‍च दण्‍ड होचे र डुप्‍ले।

२ टीमोठी 2:14

मण्डलीयुङ पट्‍ट न भर्मीकोलाक इसे कुरा सम्‍झडीम यान्‍ही, र परमेश्‍वरौ म्‍याहासाङ कडा आज्ञा यान्‍ही। होखुरीकै शब्‍दकुङ बारेयाङ वाद विवाद माजाट्‍ख्‍यौ, होचे हीर फाइडा माजाट्‍ले। सेचकोलाक हानी मट्‍टै जाट्‍ले।

२ टीमोठी 2:23

टर वार्‌र्‍ह मावार्‌छ मुर्‌ख वाद विवाद लकीङ लोस ङुकी। नाकोकी ठाहा न ले, इखुरीक लकीङ च झगडा मट्‍टै छान्‍ले।

२ टीमोठी 3:4

होखुरीकै अरुकी ढोका याहार, मनपरी जाट्‍चै, घमण्‍ड जाटार व्‍हाले अनी परमेश्‍वरकी डेनाङ मोज मज्‍जाकी न जाक्‍ले।

टीटस 3:9

टर मुर्‌ख वाद विवाद, पुर्‌खाकुङ बङ्‍सवलीको र मोशौ व्‍यवस्‍थौ बारेयाङ छान्‍च झैझगडा लकीङ नाखुरीक लोस ङुनी। हीजैडेनाङ होसे पट्‍ट न व्‍यार्थौ काम मालग्‍डीस्‍च कुराको हो।

याकुब 1:19

ङौ विश्‍वासी डाजेभाइको र डै बहीनीको, इसे कुरा नाखुरीकै वार्‌न्‍ह डानी। नाखुरीक पट्‍टको सेकीयाङ छीट्‍टो, ङाक्‍कीयाङ होसीयार र ठोरै मीरीस ख्‍योछ जाट्‍नी।

२ पट्‍रुस 2:12

टर इसे भर्मीको मास्‍च स्‍वभावै काम जाट्‍ले। होखुरीक घोवार साट्‍की पर्च जङ्‍गलुङ पसुको ल्‍याक्‍च न ले। होखुरीकै लहे माबुझडीस्‍च कुराकुङ निन्‍दा जाट्‍ले। होटबाटै होखुरीककी र जङ्‍गलुङ जनावर कोलाक लेखा न नास जाट्‍ले।

२ पट्‍रुस 2:18

होखुरीकै घमन्‍डी र मुर्‌ख कुराको जाट्‍ले अनी व्‍यभिचारौ काम जाट्‍की छान्‍ने डेयार चाम-चाम मास्‍च काम लकीङ ल्‍हेस्‍च कोलाक फँसडीले।

यहुडा 1:10

टर इसे भर्मीको च लहे माबुझडीस्‍च कुराकुङ डोस लैडीयार विरोध जाट्‍ले, अनी होखुरीकुङ बुझडीस्‍च शक्‍ति चहीँ बुद्धि मालेच पसुको लेखा न र होखुरीक होचे न नास छान्‍ने।

यहुडा 1:16

इसे भर्मीको सेन्‍र सन्‍टोस माछान्‍च, सढैँ अरुकुङ डोस पार छ्‍युक्‍च र लहो न मास्‍च इच्‍छाङ व्‍हाच, लहो बारेयाङ घमन्‍डी कुरा ङाक्‍चको अनी लहो फाइडौ लागी अरुकोलाक सीडी मोल्‍छको छान्‍ने।