१ टीमोठी 5:3 - पुर्वीय मगर

³ लहो सुर मालेच साँच्‍ची न बीढवाकुङ खाँचोकोवाङ सेम्‍ह सहायता जाट्‍नी।

१ टीमोठी 5:3 Iomraidhean Croise

मत्ती 15:6

होचे लहो मोइ-बोइकी सेवा जाट्‍की मापर्‌ले। इटजाट्‍न नाखुरीकै लहो रीटीठीटीयो खाटीर परमेश्‍वरौ वचनकी काम मालक्‍डीस्‍च खास्‍ले।

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

लुका 2:37

आसको चौरासी वर्ष टाम्‍हन्‍या। होसकै सेन्‍र परमेश्‍वरौ मन्‍दिर माडास्‍नन्या र नाबीक नाम्‍सीन उपवास र प्रार्थना जाट्‍चै आराधना जाट्‍नन्‍या।

लुका 7:12

येशू सहरौ गालाम खेरेप टाखी पानाङ काट सीच भर्मीकी बुवार मलामीको नुङ्‍ङ न लेया। होसे सीच भर्मी चहीँ काट बीढुवौ काट्जा लेन्‍जा मीजा लेया। होसे बीढुवा खाटा मलामी नुङ्‍चको सहरुङ वास्‍टै भर्मीको र लेया।

युहन्‍ना 1:47

येशूये नथानेलकी लाहा पट्‍टी राछै जाट्‍च डाङार होच्‍यौ बारेयाङ डेया, “काट जना पक्‍का इस्राएलीकी ङोस्‍नी, होसेखाटा हीर छलकपट माले।”

प्रेरित 6:1

अनी होसे डीनाङ विश्‍वासीकुङ सङ्‍ख्‍या बट्‍डीस्‍चै राम्‍हन्‍या। होटै हिब्रु ङाक्‍च विश्‍वासीकुङ विरोधाङ ग्रीक ङाक्‍च विश्‍वासीकै गन-गन जाट्‌की ठाला। हीजैडेनाङ डीन-डीनै ज्‍याच-गाच ठोकको पुङ्‍ङ यान्‍हाङ होखुरीकुङ बीढुवाकै सेम्‍ह माडुप्‍मन्‍या।

प्रेरित 9:39

टब पत्रुस सोवार होखुरीक खाटा नुङा र टाछ बीट्‍टीकै पत्रुसकी होखुरीकै ढेम्‍च टलौ कोठाङ आल्‍हा। बीढुवाको पट्‍ट न पत्रुस छीनी टोङ्‍हार राप्‍चै डोरकास होखुरीक खाटा लेनाङ होचे खास्‍न डाच बढीनको टान्‍हाका।

प्रेरित 9:41

पत्रुसै होसकी मीहुटाङ घोवार सोटा अनी प्रभुओ पवित्र भर्मीको र बीढुवाकोलाक आर्‌घाम सीचकी जीवाटाकार टान्‍हाका।

१ ठेसलोनीकी 2:6

कानै नाखुरीक लकीङ अठबा अरु सुर भर्मी लकीङ प्रशंसा मापा। कान ख्रीष्‍टौ प्रेरित छान्‍च हैसीयटै नाखुरीक मीटाक अधिकार जाट्‍की य्‍होक्‍च लेया।

१ टीमोठी 5:2

होटजाट्‍न न बुढी भर्मीकोलाक र लहो मोइकी लेखा न, अनी लाहा डेनाङ मार्‌जा मास्‍टो जजाकोखाटा लहो न बहीनीको लेखा न चोखो मीमनै व्‍यवहार जाट्‍की।

याकुब 1:27

परमेश्‍वर बोइकी जाक्‍ङ सेच शुद्ध र पवित्र धर्म चहीँ डुखाङ पर्च टुहुरा-टुहुरीकोलाक र बीढुवाकोलाक सहायता जाट्‍की, र लाहाकी संसारुङ मासेछ कुराकोलकीङ जोगडीयार शुद्ध डाकी हो।

१ पट्‍रुस 2:17

पट्‍ट न भर्मीकोलाक आदर जाट्‍नी। विश्‍वासी डाजेभाइको र डै बहीनीकोलाक माया जाट्‍नी। परमेश्‍वरखाटा बीर्‍हीनी, र राजाकी मान जाट्‍नी।

१ पट्‍रुस 3:7

लेन्‍जाको, होटजाट्‍न न नाखुरीकै र लहौ मास्‍टोकोलाक आदर जाट्‍की पर्‌ले। नाखुरीकै इसे कुरा माम्‍य्‍हाक्‍की, की नाखुरीकुङ मास्‍टोको नाखुरीक डेनाङ कमजोर ले, टर होखुरीक खाटा सेछ ब्‍यबहार जाट्‍नी, हीजैडेनाङ होखुरीकै र नाखुरीक खाट-खाट न सेन्‍र मासीच जीवनौ उपहार डुप्‍ले। याङ्‍च जाट्‍नी होटबाटै नाखुरीकुङ प्रार्थनाङ बाढा माराल्‍हे।