१ टीमोठी 4:8 - पुर्वीय मगर

⁸ हीजैडेनाङ शरीरौ टालीमाङ लक्‍डीसा डेनाङ च ठोरै कुराङ मट्‍टै फाइडा छान्‍ले। टर आत्‍मौ टालीम जाटा डेनाङ चहीँ वास्‍टै कुराङ फाइडा छान्‍ले, होला चहुँङ र न्‍हुइङ राछ जीवन नीसौ न फाइडौ लागी प्रतिज्ञा ले।

१ टीमोठी 4:8 Iomraidhean Croise

मत्ती 12:32

सुयेर भर्मीयो मीजौ विरुद्धाङ हीर डेया डेनाङ होसकी क्षमा छान्‍ले, टर सुयेर पवित्र आत्‍मौ विरुधाङ ङाका डेनाङ होसकी इसे युगाङ र राछ युगाङ र क्षमा माछान्‍ले।

मत्ती 19:29

ङौ म्‍यार्‌मीनौ खाटीर सु-सुये लहो इम, डाजेभाइको, डै-बहीनीको, मोइ-बोइ, मीजाको, जग्‍गाको डास्‍ले, होचे इसे डेनाङ सय गुना वास्‍टै डुप्‍ले र सेन्‍र मासीच जीवन र डुप्‍ले।

मत्ती 6:33

टर पहीले परमेश्‍वरौ राज्‍य र होसकुङ धार्मिकताकी पानी, अनी इसे पट्‍ट न ठोक नाखुरीकुङ लागी याल्‍हे।

मर्कूस 10:30

होखुरीकै इसे न समयाङ सय गुना बढी इम, मोइ बोइ, डाजेभाइ, डै बहीनी, मीजाको र जग्‍गा जमीन डुप्‍ले होटै सतावट र राल्‍हे टर राछ युगाङ सेन्‍र मासीच जीवन डुप्‍ले।

लुका 5:38

नयाँ डाखमड्‌य चहीँ नयाँ छालौ मसकाङ न डाकी पर्‌ले।

१ टीमोठी 4:7

परमेश्‍वरकी मामन्‍डीच र अर्थ मालेच दन्‍त्‍य कठाको लकीङ जोगोडीस्‍नी। टर परमेश्‍वरकी सेवा जाट्‍च जीवन जीवाकी लाहाकी टालीम यान्‍ही।

१ टीमोठी 6:3

सुये बेग्‍लै शिक्षाको पाहाक्‍ले, र कानुङ प्रभु येशू ख्रीष्‍टौ सत्‍य शिक्षा र कानै जाट्‍की पर्च भक्‍तियो शिक्षा मामन्‍डीले डेनाङ,

१ टीमोठी 6:5

याङ्‍च भर्मीकै च एकोहोरो खाटा गन गन जाट्‍न ङुले। होखुरीकुङ बुद्धि बीगारीस्‍च छान्‍ले। होखुरीकै सत्‍य न गुमडीच छान्‍ले। अनी होखुरीकै परमेश्‍वरकी भक्‍ति जाट्‍की चहीँ धनि छान्‍च टरीका डेम आर्‌मीट्‍ले।

१ टीमोठी 6:6

टर सन्‍टोकखाटा परमेश्‍वरकी जाट्‍च भक्‍ति न बाड्‍को लाभ हो।

२ टीमोठी 3:5

होखुरीक धर्मी च छान्‍च ल्‍हेस्‍ले टर साँचो शक्‍तिकी चहीँ इन्‍कार जाट्‍ले। याङ्‍च भर्मीकोलकीङ र नाको लोस ङुकी।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।