१ टीमोठी 4:12 - पुर्वीय मगर

¹² रेन्‍जा ले डेनाङ न नाकोकी सुयेर टुच्‍छ माआर्‌मीट्‍ख्‍यो। विश्‍वासीकुङ म्‍याहासाङ नाकुङ बोली बचन, बानी बेहोरा, प्रेम, विश्‍वास र शुद्धता चहीँ नाको काट नमुना छान्‍की य्‍होक्‍नी।

१ टीमोठी 4:12 Iomraidhean Croise

मत्ती 18:10

“होसीयार छान्‍नी, नाखुरीकै इसे मार्‌जाको मध्‍याङ काट जनाकीर हेला माजाट्‍नी। ङा नाखुरीककी डेले, स्‍वर्गाङ लेच होखुरीकुङ डुटको सढैँ स्‍वर्गुङ ङौ बोयो म्‍याहासाङ ङुम ङुले।

१ ठेसलोनीकी 1:6

नाखुरीक कानकी र प्रभुकी डुट्‍च उदाहरण छाना हीजैडेनाङ नाखुरीकै पट्‍ट न खालुङ कष्‍ट आइपर्‌न रान्‍हाङ र पवित्र आत्‍मै याछ सेछ समाचारकी आनन्‍द खाटा ला।

१ ठेसलोनीकी 2:10

नाखुरीक विश्‍वासी खाटा कान ङुनाङ पवित्र, ठीक र निर्दोष छानार ङुवा। इच्यो साक्षी परमेश्‍वर र नाखुरीक ले।

१ टीमोठी 1:14

अनी कानुङ प्रभु येशूओ अनुग्रह ङा मीटाक प्रशस्‍तखाटा राहा, र ख्रीष्‍ट येशूवाङ डुप्‍च विश्‍वास र प्रेम ङौ जीवनाङ परमेश्‍वरै न ङाकी याहा।

२ टीमोठी 2:15

काराम सेकी मापर्‌च र सत्‍य बचनकी ठीकखाटा पाहाक्‍च कामदार लेखा न लहे लाहाकी परमेश्‍वरौ म्‍याहासाङ ग्रहणयोग्‍य खास्‍की कोसीस जाट्‍नी।

२ टीमोठी 2:22

होटबाटै रेन्‍जा-आर्‌नामौ बेलाङ राछ मासेछ इच्‍छाकोलाक डासार शुद्ध मीमनै प्रभुओ म्‍यार्‌मीन लाच भर्मीकोखाटा धार्मिकता, विश्‍वास, प्रेम र शान्‍तियाङ व्‍हाकी।

२ टीमोठी 2:7

ङै डेच इसे कुराको बीचार जाट्‍नी हीजैडेनाङ प्रभुये न नाकोकी इसे पट्‍ट न कुराको बुझडीस्‍की शक्‍ति याल्‍हे।

टीटस 2:15

नाकै पाहाक्‍नाङ पुरा अधिकारखाटा विश्‍वासीकोलाक उत्‍साह याखी र च्‍याक्‍च जाट्‍की। सुयेर नाकोकी हेला जाट्‍च मौका माडुप्‍ख्‍यौ।

टीटस 2:7

नाकै न पट्‍ट ठोकाङ सेछ काम जाटार होखुरीककी नमुना छानार टान्‍हाक्‍नी। अनी नाखुरीकै पाहाक्‍नाङ इमान्‍दारी खाटा गम्‍भीर छानार,

याकुब 3:13

नाखुरीकुङ मीघ्‍याङ सुर बुझकी र ग्‍यानी भर्मी ले डेनाङ होचे लहो सेछ चालचलन लकीङ बुद्धियो नम्रताङ काम जाटार टान्‍हाक्‍की पर्‌ले।

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

१ पट्‍रुस 5:3

नाखुरीकुङ जीम्‍माङ लेचको मीटाक अधिकार जमडीयार होइन, टर होखुरीकुङ लागी सेछ नमुना छान्‍नी।