१ टीमोठी 4:10 - पुर्वीय मगर

¹⁰ होटबाटै कान सधैँ कडा मीहीनेट जाटार काम जाट्‍ले, हीजैडेनाङ कानुङ आशा जीउँडो परमेश्‍वराङ डामने, होसकै पट्‍ट न भर्मीकोलाक मुक्‍ति याखी य्‍होक्‍ले टर खास जाट्‍न होसको मीटाक विश्‍वास जाट्‍चकोलाक चहीँ हो।

१ टीमोठी 4:10 Iomraidhean Croise

मत्ती 16:16

सीमोन पत्रुसै डेया, “नाको जीवाच परमेश्‍वरौ मीजा मुक्‍ति याछ ख्रीष्‍ट हो।”

मत्ती 27:43

इचे परमेश्‍वरकी विश्‍वास जाट्‍ले। परमेश्‍वरै मीमन जाटा डेनाङ होसकै इसकी चाहाँ न जीवाक्‍ख्‍यो, हीजैडेनाङ इचे ‘ङा परमेश्‍वरौ मीजा हो’ डेमन्‍या।”

युहन्‍ना 1:29

पीउर्‍हाक लेखो युहन्‍नै येशूकी लाहा पट्‍टी राछै जाट्‍च डाङार डेया, “ङोस्‍नी, संसारुङ भर्मीकोलाक पापलकीङ छुटकारा याछ परमेश्‍वरौ थुमा!

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

युहन्‍ना 5:24

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

१ टीमोठी 2:3

इटजाट्‍न प्रार्थना जाट्‍नाङ चहीँ कानकी मुक्‍ति याछ कानुङ परमेश्‍वरकी जाक्‍ङ सेले।

१ टीमोठी 2:4

पट्‍ट न भर्मीको जीवाख्‍यौ र सत्‍यकी चीन्‍डीख्‍यौ डेच होसकुङ इच्‍छा हो।

१ टीमोठी 2:6

पट्‍ट न भर्मीकुङ लागी छुटकारा याछ डामौ रुपाङ होसकै लाहाकी बली याहा। पट्‍ट न भर्मीको जीवाख्‍यौ डेच परमेश्‍वरौ मीमन हो, र इसे कुरौ प्रमाण ठीक समयाङ याहा।

१ टीमोठी 3:15

इडीक ङा नाकोलेठाङ राखी ढीलो छाना डेनाङ र परमेश्‍वरौ परीवाराङ भर्मीकै कुङ्‍च व्‍यवहार जाट्‍की पर्च हो, होसे कुराको इसे चीठी लकीङ न वार्‌न्‍ह डानी। परमेश्‍वरौ परीवार चहीँ जीउँडो परमेश्‍वरौ मण्डली हो। इसे परमेश्‍वरौ मण्‍डली, सत्‍यौ जग र बलीयो खाँबा हो।

१ टीमोठी 6:17

चाहाँ इसे संसाराङ धनि छान्‍च भर्मीकोलाक घमन्‍ड माजाट्‍की डेनी। हीजैडेनाङ होसे धन सम्‍पत्ति सधैँभरी माङुले, टर कानुङ सुखौ लागी प्रशस्‍त खाटा पट्‍ट ठोक याछ परमेश्‍वर मीटाक न भरोसा डाकी डेनी।

१ पट्‍रुस 1:21

होसको लकीङ न नाखुरीकै परमेश्‍वर मीटाक विश्‍वास जाटा, सुये ख्रीष्‍टकी सीच लकीङ जीवाटाकार होसकोकी महीमीत पार्‌या। होटबाटै नाखुरीकुङ आशा र भरोसा परमेश्‍वर मीटाक ले।

१ युहन्‍ना 2:2

होसको कानुङ पाप मेट्‍डीकी डेम बलीडान छाना। कानुङ लागी मट्‍टै होइन, टर संसारुङ पट्‍ट न भर्मीकुङ पापौ लागी र हो।

१ युहन्‍ना 4:14

परमेश्‍वर बोये लहो मीजाकी संसाराङ मुक्‍ति याखी बीर्‌न्‍हकाच कानै डाङा, र होच्‍यो न कान साक्षी याल्‍हे।