१ टीमोठी 4:1 - पुर्वीय मगर

¹ पवित्र आत्‍मै बुझडीस्‍च जाट्‍न डेमने, पीहीन राछ समयाङ वास्‍टै भर्मीकै विश्‍वासकी ट्‍याक्‍डीले। अनी होखुरीक बहकडीच आत्‍माको र भूतकुङ झुटो शिक्षा पट्‍टी नुङ्‍ले।

१ टीमोठी 4:1 Iomraidhean Croise

मत्ती 18:7

भर्मीकोलाक पाप जाट्‍की लैडीच कुराकुङ लागी इसे संसारकी धिक्‍कार! याङ्‍च कुराको च राखी न पर्‌ले, टर धिक्‍कार होसे भर्मीकी सुलकीङ पाप जाट्‍की लैडीच कुराको राल्‍हे!

लुका 17:1

येशूये लहो चेलाकोलाक डेया, “भर्मीकुङ पाप जाट्‍की लैडीच परीक्षाको च पक्‍का न राल्‍हे। अरुकी पापाङ फसडीच होसे भर्मीकी ढीक्‍कार ले।

युहन्‍ना 16:13

जब सत्‍यौ आत्‍मा राल्‍हे टब होसकै न सत्‍य ही हो होसे कुरा नाखुरीककी बुझडीम याल्‍हे। होसकै लहो टर्‌फलकीङ माङाक्‍ले। होसकै ही सेले, होसे न नाखुरीककी डेले, अनी पीहीन छान्‍न राछ कुराको र डेम याल्‍हे।

प्रेरित 13:2

होखुरीक प्रभुओ आराधना जाट्‍चै उपवास ङुच बेलाङ पवित्र आत्‍मै डेया, “ङौ लागी बारनाबास र साउलकी भाक्‍नी हीजैडेनाङ जुन कामौ लागी ङै होखुरीककी आर्‌घामने।”

प्रेरित 17:18

होटै इपीक्‍युरी र स्‍टोइकी डेच गुरुको मढ्‍याङ र कुडीक जनै पावल खाटा वाद-विवाद जाटा। होखुरीक कुडीकै डेया, “इसे बकबकेइ ही डेले?” अरुकै र डेया, “इचे च अरु न विदेशी देवताकुङ प्रचार जाट्‍नने।” होखुरीकै याङ्‍च डेया हीजैडेनाङ पावलै येशू र होसको सीच लकीङ जीवाम सोचओ बारेयाङ प्रचार जाट्‍नन्‍या।

प्रेरित 20:23

इडीक मट्‍टै वार्‌ल्‍हे, की सहर पीच्‍छी कैड र कष्‍ट ङामीटाक पर्न राल्‍हे डेच कुरा पवित्र आत्‍मै ङाकी डेमने।

प्रेरित 21:11

अनी होचे कानलेठाङ राहार पावलौ पटुका लार मेन मीहुट-मीखुट्‍या छ्‍याकार डेया, “पवित्र आत्‍मा इट डेले, ‘इसे पटुका कुसे भर्मीयो हो, होसकी यरूशलेमाङ यहूदीकै इटजाट्‍न न छ्‍याक्‍ले र अन्‍यजातिकुङ मीहुटाङ जीम्‍मा याल्‍हे।’”

प्रेरित 28:25

होखुरीक लाहा लहाङ न माखाटार भाकी पाच बेलाङ पावलै डेया, “नाखुरीकुङ बोइ बाज्‍युकोलाक यशैया अगमवक्‍तालकीङ पवित्र आत्‍मै डेच बचन ठीक न लेया। आसकै डेया,

२ टीमोठी 3:13

टर दुष्‍ट र ठगको चहीँ अरुकी ठक्‍डीकी पानाङ लाहा न ठग्‍डीसार होखुरीक झन्-झन् बीगारीस्‍चै नुङ्‍ले।

२ टीमोठी 4:4

होखुरीकै सत्‍य कुराको सेकी न मापाले टर दन्‍त्‍य कठाको चहीँ सेकी मीमन जाट्‍ले।

याकुब 3:15

याङ्‍च बुद्धि ढेनाम परमेश्‍वर लकीङ राछ होइन, इसे च संसार र शरीर लकीङ हो, अनी सैटान लकीङ राछ हो।

१ पट्‍रुस 1:20

परमेश्‍वरै होसकोकी संसार सृष्‍टि छान्‍की डेनाङ अघीलकीङ न चुन्‍डीमन्‍या, टर नाखुरीकुङ लागी इसे अन्‍टीम डीनकोवाङ होसको डाङा।

२ पट्‍रुस 2:1

कुटजाट्‍न खायाक इस्राएली भर्मीकुङ मीघ्‍याङ झुटो अगमवक्‍ताको ख्‍योहा, होटजाट्‍न न नाखुरीकुङ मीघ्‍याङ र झुटो शिक्षकको राल्‍हे। होखुरीकै नास जाट्‍च झुटो शिक्षाको पाहाक्‍ले र लाहाकी उद्धार जाट्‍च प्रभुकी न डास्‍ले। होटबाटै होखुरीकै लाहा मीटाक न छी‌टो बीनास राक्‍ले।

२ पट्‍रुस 3:3

पट्‍ट डेनाङ पहीला नाखुरीकै इसे वार्‌खी पर्‌ले, की अन्‍ट्‍यौ डीनकोवाङ लहो न छाडा चालाङ क्‍योस्‍च भर्मीको राल्‍हे। होखुरीकै नाखुरीककी गील्‍ला जाट्‍ले,

१ युहन्‍ना 2:18

ङौ मार्‌जा बालखको, इसे अन्‍टीम समय हो। ख्रीष्‍टौ विरोधी राम्‍हन ले डेच कुरा नाखुरीकै सेमने। ख्रीष्‍टौ धेरै विरोधीको च अघी न राम्‍हने। होटबाटै इटै न कान वार्‌ल्‍हे, की इसे अन्‍टीम समय हो।

१ युहन्‍ना 4:6

टर काल्‍हाको च परमेश्‍वरौ हो र सुये परमेश्‍वरकी चीन्‍डीमने, होचे कानुङ कुरा सेले। सु परमेश्‍वरौ भर्मी होइन, होचे कानुङ कुरा मासेले। इटै न कानै साँचो आत्‍मा र झुटो आत्‍मा भाक्‍की य्‍होक्‍ले।

यहुडा 1:18

होखुरीकै डेमन्‍या, “अन्‍टीमुङ डीनाङ ठट्‍टा जाट्‍चको छान्‍ले। होखुरीक परमेश्‍वरकी मामन्‍डीम लहो न इच्‍छाकोवाङ व्‍हाले।”

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।