१ टीमोठी 3:8 - पुर्वीय मगर

⁸ होटजाट्‍न न मण्‍डलीयाङ सेवा जाट्‍च डीकनको र आदर जाट्‍की योग्‍यौ छान्‍की पर्‌ले, अनी सत्‍य कुरा ङाक्‍च, धेरै हान रक्‍सी मागाच र दुष्‍ट टरीकै पैसा कमडीच लोभी छान्‍की माछान्‍ने।

१ टीमोठी 3:8 Iomraidhean Croise

१ टीमोठी 3:12

मन्‍डीलीयाङ सेवा जाट्‍च डीकनौ र काट मट्‍टै मास्‍टो छान्‍की पर्‌ले। होचे लहो मीजाको र इमुङ व्‍यवहार सेम्‍ह खाटाकार क्‍योट्‍की य्‍होक्‍च छान्‍की पर्‌ले।

१ टीमोठी 3:2

होटबाटै अगुवा छान्‍च भर्मी चहीँ सुयेर दोष लैडीकी माय्‍होक्‍च, काट मट्‍टै मास्‍टो ब्‍याहा जाट्‍च छान्‍की पर्‌ले। लहे लाहाकी स्‍थिर जाट्‍की य्‍होक्‍च, लहे लाहाकी न अढीनाङ डाकी य्‍होक्‍च, होसे अरुलकीङ सम्‍मान डुप्‍च, पाहुनाकी मान जाट्‍च र सेम्‍ह शिक्षा पाहाक्‍की य्‍होक्‍च छान्‍की पर्‌ले।

१ टीमोठी 3:3

हान रक्‍सी गार म्‍होर्‌च र झगडीया छान्‍की माछान्‍ले। टर होसे सहडीकी य्‍होक्‍च र नम्र, वाद विवाद माजाट्‍च, पैसौ लोभ माजाट्‍च छान्‍की पर्‌ले।

१ टीमोठी 5:23

घरी घरी नाकुङ मीटुक बीक्‍चबाटै डी मट्‍टै होइन, टर मीटुक बीक्‍नाङ उसौ लागी चे-चेस्‍जा अङ्‍गुरौ मड्‍य र गाच जाट्‍नी।

टीटस 1:7

हीजैडेनाङ परमेश्‍वरौ काम जाट्‍की पर्‌चबाटै मण्डलीयुङ अगुवा चहीँ हीर दोष मालेच छान्‍की पर्‌ले, घमण्ड माजाट्‍च, छीटो मीरीस माख्‍योछ, माम्‍होर्‌च, सु खाटा र मापुन्‍छ, र खराब काम जाटार धन सम्‍पत्ती कमडीच छान्‍की माछान्‍ले।

टीटस 2:3

होटजाट्‍न न बुढी भर्मीकोलाक सेछ चालचलन पाहाक्‍नी होसे कुरै परमेश्‍वरकी आदर छान्‍ले, फोकोकी होटन डोस मालैडीकी र हान रक्‍सी गार माम्‍होर्‌की। कुसे कुरा सेछ ले, होसे कुराको मट्‍टै होखुरीकै पाहाक्‍ख्‍यो।

याकुब 3:10

इटजाट्‍न काट न मेङेरीङ प्रंशसा र सराप र ख्‍योल्‍हे। ए ङौ विश्‍वासी डाजेभाइको र डै बहीनीको, याङ्‍च च माछान्‍की पर्च हो!

१ पट्‍रुस 5:2

कुटजाट्‍न गोठालाकै भेडौ बगाल सेम्‍ह ङोस्‍ले होटजाट्‍न न परमेश्‍वरै नाखुरीकुङ जीम्‍माङ याछ भर्मीकोलाक सेम्‍ह ङोस्‍नी। नाखुरीक कराङ पर्‍यार होइन, टर परमेश्‍वरौ इच्‍छा अनुसार खुसीखाटा जाट्‍नी, पैसौ लागी होइन, टर सेवा जाट्‍च मीमन लार इसे काम जाट्‍नी।