१ टीमोठी 3:3 - पुर्वीय मगर

³ हान रक्‍सी गार म्‍होर्‌च र झगडीया छान्‍की माछान्‍ले। टर होसे सहडीकी य्‍होक्‍च र नम्र, वाद विवाद माजाट्‍च, पैसौ लोभ माजाट्‍च छान्‍की पर्‌ले।

१ टीमोठी 3:3 Iomraidhean Croise

मत्ती 21:13

होसकै होखुरीककी डेया, “धर्मशास्‍त्राङ याङ्‍च रीक्‍ङने, ‘ङौ इम प्रार्थनौ इम छान्‍की पर्‌ले।’ टर नाखुरीकै च इसकी खुसकुङ ओडार टी खास्‍नने।”

प्रेरित 20:33

ङै कुसे भर्मीयो र सुन, चाँडी र बढीनौ लोभ माजाटा।

१ ठेसलोनीकी 5:14

डाजेभाइको र डै बहीनीको, कान नाखुरीककी बिन्‍ती जाट्‍ले अल्‍छीकोलाक काम जाट्‍की डेयार चेटावनी यान्‍ही। बीर्‍हीचकोलाक उत्‍साह यान्‍ही। कमजोरकोलाक सहायता जाट्‍नी र पट्‍टको खाटा सहनसील छानार ङुनी।

१ टीमोठी 3:8

होटजाट्‍न न मण्‍डलीयाङ सेवा जाट्‍च डीकनको र आदर जाट्‍की योग्‍यौ छान्‍की पर्‌ले, अनी सत्‍य कुरा ङाक्‍च, धेरै हान रक्‍सी मागाच र दुष्‍ट टरीकै पैसा कमडीच लोभी छान्‍की माछान्‍ने।

२ टीमोठी 3:2

होडीक बेलुङ भर्मीको लाहाकी मट्‍टै माया जाट्‍च, पैसौ लोभ जाट्‍च, लाहा मट्‍टै बाड्‍को हो डेम आर्‌मीट्‍च, घमण्‍डी, अरुओ बडनाम जाट्‍चको छान्‍ले। होखुरीक लहो मोइ बोयो आज्ञा मामन्‍डीच, बैगुनी र अपवित्र छान्‍ले।

टीटस 1:11

होखुरीकुङ मेङेर ठुन्‍न याखी पर्‌ले, हीजैडेनाङ होखुरीकै पाहाक्‍की न माछान्‍च कुराको पाहाकार पट्‍ट न परीवारकोलाक न माखाटाक्‍ङ याम्‍हने। होखुरीकै पैसा कमडीकीयो लागी मट्‍टै इट जाट्‍च हो।

टीटस 1:7

हीजैडेनाङ परमेश्‍वरौ काम जाट्‍की पर्‌चबाटै मण्डलीयुङ अगुवा चहीँ हीर दोष मालेच छान्‍की पर्‌ले, घमण्ड माजाट्‍च, छीटो मीरीस माख्‍योछ, माम्‍होर्‌च, सु खाटा र मापुन्‍छ, र खराब काम जाटार धन सम्‍पत्ती कमडीच छान्‍की माछान्‍ले।

टीटस 2:3

होटजाट्‍न न बुढी भर्मीकोलाक सेछ चालचलन पाहाक्‍नी होसे कुरै परमेश्‍वरकी आदर छान्‍ले, फोकोकी होटन डोस मालैडीकी र हान रक्‍सी गार माम्‍होर्‌की। कुसे कुरा सेछ ले, होसे कुराको मट्‍टै होखुरीकै पाहाक्‍ख्‍यो।

टीटस 3:2

होखुरीकै सुओ बारेयाङ र दुष्‍ट कुरा माङाक्‍ख्‍यौ र योन्‍की-पुन्‍खी र मापाख्‍यौ। पट्‍ट न भर्मीकोखाटा खाट्‍न ङुख्‍यौ र सेछ बानी बेहोरा मट्‍टै टान्‍हाक्‍ख्‍यौ।

याकुब 4:1

नाखुरीकुङ मीघ्‍याङ लडाइँ र झगडाको कुटै राल्‍हे? ही मोज मज्‍जा जाट्‍च खराब इच्‍छै होइन र? होसे च नाखुरीकुङ मीमन भीत्री लडाइँ जाट्‍न ङुच छान्‍ले।

१ पट्‍रुस 5:2

कुटजाट्‍न गोठालाकै भेडौ बगाल सेम्‍ह ङोस्‍ले होटजाट्‍न न परमेश्‍वरै नाखुरीकुङ जीम्‍माङ याछ भर्मीकोलाक सेम्‍ह ङोस्‍नी। नाखुरीक कराङ पर्‍यार होइन, टर परमेश्‍वरौ इच्‍छा अनुसार खुसीखाटा जाट्‍नी, पैसौ लागी होइन, टर सेवा जाट्‍च मीमन लार इसे काम जाट्‍नी।

२ पट्‍रुस 2:3

लोभाङ पर्‌यार होसे झुटो शिक्षकै कुरा खासार नाखुरीक लकीङ फाइडा लाले। पहीला न होखुरीकुङ न्‍याय छान्‍न भ्‍यामने र होखुरीक साच्‍चीँ न नास छान्‍की न पर्‌ले।

यहुडा 1:11

होखुरीककी धिक्‍कार ले! हीजैडेनाङ होखुरीक कयीनौ लामाङ व्‍हा। पैसौ लागी बालामै जाट्‍च मास्‍च कामौ लामकी डुटा। अनी कोरहै लेखा न होखुरीकै विरोध जाटा र होखुरीक होसे लेखा न नास छान्‍ने।