१ टीमोठी 3:2 - पुर्वीय मगर

² होटबाटै अगुवा छान्‍च भर्मी चहीँ सुयेर दोष लैडीकी माय्‍होक्‍च, काट मट्‍टै मास्‍टो ब्‍याहा जाट्‍च छान्‍की पर्‌ले। लहे लाहाकी स्‍थिर जाट्‍की य्‍होक्‍च, लहे लाहाकी न अढीनाङ डाकी य्‍होक्‍च, होसे अरुलकीङ सम्‍मान डुप्‍च, पाहुनाकी मान जाट्‍च र सेम्‍ह शिक्षा पाहाक्‍की य्‍होक्‍च छान्‍की पर्‌ले।

१ टीमोठी 3:2 Iomraidhean Croise

लुका 1:6

होखुरीक नीस न परमेश्‍वरौ म्‍याहासाङ सेम्‍ह जीवाम्‍या। होखुरीकै परमप्रभुओ पट्‍ट आज्ञा र धार्मिक नीयमको मन्डीम्‍या।

लुका 2:36

होसे मन्‍दिराङ हन्‍ना डेच काट बुढी अगमवादिनी लेया। होसे आसेर कुलुङ फनुएलौ मास्‍टो मीजा लेया। ब्याहा छान्च साट वर्ष छान्‍नाङ न बीढुवा छानन्या।

१ टीमोठी 3:12

मन्‍डीलीयाङ सेवा जाट्‍च डीकनौ र काट मट्‍टै मास्‍टो छान्‍की पर्‌ले। होचे लहो मीजाको र इमुङ व्‍यवहार सेम्‍ह खाटाकार क्‍योट्‍की य्‍होक्‍च छान्‍की पर्‌ले।

१ टीमोठी 3:8

होटजाट्‍न न मण्‍डलीयाङ सेवा जाट्‍च डीकनको र आदर जाट्‍की योग्‍यौ छान्‍की पर्‌ले, अनी सत्‍य कुरा ङाक्‍च, धेरै हान रक्‍सी मागाच र दुष्‍ट टरीकै पैसा कमडीच लोभी छान्‍की माछान्‍ने।

१ टीमोठी 4:3

होखुरीकै ब्‍याहा जाट्‍की माछान्‍ले र कुडीक ज्‍याच कुराको र ज्‍याकी माछान्‍ले डेयार पाहाक्‍ले। टर विश्‍वास जाट्‍चको र सत्‍यकी चीन्‍डीचकै धन्‍यवाद याहार होसे ज्‍याच कुराको ज्‍याख्‍यौ डेम न परमेश्‍वरै होसे ज्‍याच कुराको खास्‍च हो।

१ टीमोठी 5:10

होखुरीकै सेछ काम जाटार म्‍यार्‌मीन क्‍योस्‍च छान्‍की पर्‌ले। लहो मीजाकोलाक सेम्‍ह होरोक्‍च, र पाहुनाकोलाक मान जाट्‍च, परमेश्‍वरौ पवित्र भर्मीकुङ मीकु हुरार सेवा जाट्‍च, डुखवाङ पर्‌चकोलाक सहायटा जाट्‍च र सेछ कामाङ लहो मीमन लैडीच छान्‍की पर्‌ले।

१ टीमोठी 5:22

मण्डलीयो काम जीम्‍मा याखीयो लागी सुर मीटाक मीहुट डाकी हटार माजाट्‍नी। अरु भर्मीकुङ पापाङ भाग मालानी र लहो जीवन सधैँ शुद्ध डानी।

१ टीमोठी 5:9

साठी बर्‌स ओल्‍छ बीढुवाकुङ म्‍यार्‌मीन मट्‍टै बीढुवा खाटाङ रीक्‍की। होखुरीकुङ काट जना लेन्‍जाखाटा मट्‍टै ब्‍याहा छान्‍नन्‍या।

२ टीमोठी 2:24

प्रभुओ सेवा जाट्चकै झगडा जाट्‍की माछान्‍ले। होसे पट्‍ट खाटा खाट्‍च छान्‍की पर्‌ले अनी सेम्‍ह पाहाक्‍की य्‍होक्‍च र पट्‍ट न कुरा सहडीकी य्‍होक्‍च छान्‍की पर्‌ले।

टीटस 2:2

बुढा भर्मीकोलाक इट डेयार पाहाक्‍नी, लहे लाहाकी न अढीनाङ डाकी, आदर डुप्‍की ज्‍योस्‍च सेछ व्‍यवहार जाट्‍की, इमान्‍दार छान्‍की, विश्‍वासकी बलीयो खास्‍की, अरुकी माया जाट्‍की र स्‍थिर छानार ङुकी।

१ पट्‍रुस 4:7

पट्‍ट न कुराकुङ अन्‍ट्‍य खेरेप राम्‍हने। होटबाटै नाखुरीकै प्रार्थना जाट्‍की य्‍होक्‍ले अनी लहे लहाकी अधिनाङ डार होसीयार छान्‍की पर्‌ले।

१ पट्‍रुस 4:9

काटै काट्‍की लहौ इमाङ गन-गन माजाट्‍न सेछ मीमनै आर्‌घानी।

१ पट्‍रुस 5:8

सचेट र चनाखो छानार ङुनी। नाखुरीकुङ शत्रु शैतान गर्‌जडीस्‍च राँघु लेखा न सुकी डुपीङ र ज्‍याकी क्‍योटीङ डेम पाम व्‍हाले।