१ टीमोठी 3:16 - पुर्वीय मगर

¹⁶ कान इसे कुरा स्‍वीकार जाट्‍ले, कानुङ विश्‍वासौ रहस्‍य कुडीक बाड्‍को ले: ख्रीष्‍ट भर्मीयो शरीरङ राहा, पवित्र आत्‍मै होसकोकी धर्मी टान्‍हाका, होसकोकी स्‍वर्गदूतकै डाङा, जात जातियुङ भर्मीकुङ मीघ्‍याङ होसकुङ सेछ-समचार फैलडीसा, संसारुङ वास्‍टै भर्मीकै होसकोकी विश्‍वास जाटा, होसको स्‍वर्गाङ गाराङ्‍ङ आल्‍हा।

१ टीमोठी 3:16 Iomraidhean Croise

मत्ती 1:23

“ङोस्‍नी, कन्‍या मास्‍टो जजा गर्भवती छान्‍ले र होचे काट लेन्‍जा मीजा जन्‍मडीले। होटै भर्मीकै होसकोकी इम्‍मानुएल डेले।” इम्‍मानुएलौ अर्थ चहीँ “परमेश्‍वर कानकोखाटा ले।”

मत्ती 13:11

होसकै होखुरीककी जवाफ याहा, “नाखुरीककी च स्‍वर्गौ राज्‍यौ रहस्‍यको वार्‌छ ग्‍यान याम्‍हने, टर होखुरीककी च माय्‍हामने।

मत्ती 28:2

होडीक बेला मोसोमायाङ बाड्‍को भुइँचालो नुङा, हीजैडेनाङ स्‍वर्ग लकीङ प्रभु परमेश्‍वरौ काट दूत म्‍हाका झाल्‍न राहार चीहानुङ ल्‍हुङ्‍की सारीया र होसे मीटाक ङुवा।

मत्ती 3:16

येशू बप्‍तिस्‍मा लार तुरुन्‍तै डीलकीङ ख्‍योहा, होडीक न बेला स्‍वर्ग फोसा र होसकै परमेश्‍वरौ आत्‍मा ढुकुरौ रुपाङ म्‍हाका राहार लाहा मीटाक बाछ डाङा।

मत्ती 4:11

टब शैतानै होसकोकी डासार व्‍हा अनी स्‍वर्गदूतको राहार होसकुङ सेवा जाटा।

मर्कूस 1:13

होला शैतानै होसकोकी चालीस याक सम्‍म परिक्षा जाटा र पापाङ पार्‌कीपा। अनी येशू जङ्‍गलुङ जनावरको खाटा ङुवा, होटै स्‍वर्गदूतकै होसकुङ सेवा जाटा।

मर्कूस 16:19

टब प्रभु येशू चेलाकोखाटा ङाक्‍ङ भ्‍यारखीङ होसको स्‍वर्गाङ गाराङ्‍ङ आल्‍हा, अनी परमेश्‍वरौ डोर मीहुट पट्‍टी ङुवा।

मर्कूस 16:5

अनी होखुरीकै चीहान भीत्री पर्‌यार ङोस्‍नाङ होला काट जना बोच बढीन बील्‍छ रेन्‍जा भर्मी चीहानौ डोर पट्‍टी ङुच डाङा। अनी होखुरीक बीर्‍हीया।

लुका 2:32

अन्‍यजाति भर्मीकोलाक प्रकाशौ लागी ज्‍योति र नाकुङ जाति इस्राएलीकोलाक महीमौ ज्‍योति।”

लुका 20:44

“इटजाट्‍न दाउद मेखोल्‍है न ख्रीष्‍टकी प्रभु डेमने डेनाङ, कुटजाट्‍न होसको दाउदौ मीजा छान्‍ले?”

लुका 22:43

होटै स्‍वर्गीङ काट स्‍वर्गदूत राहार होसकोकी बल याहा।

लुका 24:4

होटै होखुरीक इसे कुराङ अलमल्‍ल छान्‍न ङुमन्या। मसोमायाङ होला चहकीलो बढीन बील्‍छ नीस जना भर्मी होखुरीकुङ छेवाङ टोङ्‍छ डाङा।

लुका 24:51

आसीस यान्‍हाङ-यान्‍हाङ न होसको होखुरीक लकीङ भा होटै स्‍वर्गाङ गाराङ्‍ङ आल्‍हा।

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 13:3

बोये लाहाकी पट्‍ट ठोकौ अधिकार याम्‍हने डेच कुरा येशूकी थाहा लेया, र परमेश्‍वरलकीङ राछ हो र परमेश्‍वर लेठाङ न ल्‍हेस्‍न न ले डेच कुरा र होसकोकी थाहा लेया।

युहन्‍ना 15:26

“अब ङा बोइलकीङ सत्‍यौ आत्‍मा नाखुरीककी सल्‍लाह याखी बीर्‌न्‍हकाले। होसकै न ङौ बारेयाङ साक्षी याल्‍हे।

युहन्‍ना 16:28

ङा परमेश्‍वर बोइलकीङ न संसाराङ राछ हो, अब ङा संसारकी डासार परमेश्‍वर बोइ लेठाङ न ल्‍हेस्‍न नुङ्‍ङन ले।”

युहन्‍ना 17:5

ए बोइ, संसार सृष्‍टि छान्‍की डेनाङ अघी नाकोखाटा लेनाङ ङौ कुसे महीमा लेया, अब होसे न महीमा नाकुङ म्‍याहासाङ डार ङाकी यान्‍ही।

युहन्‍ना 20:12

होला बोच बढीन बील्‍छ नीस जना स्‍वर्गदूतकोलाक येशूओ लास डाच ठावाङ काट मीटालु लेच पट्‍टी र अर्‌को मीकु लेच पट्‍टी ङुमङुच डाङा।

युहन्‍ना 6:62

होट डेनाङ भर्मीयो मीजाकी पहीला कुला लेया, होला न स्‍वर्गवाङ ल्‍हेस्‍चै जाट्‍च डाङा डेनाङ ही आर्‌मीट्‍ले?

प्रेरित 1:19

इसे कुरा यरूशलेमुङ बासीन्‍डाकोलाक पट्‍टकी थाहा छाना। होटै होसे बारीयो म्‍यार्‌मीन होखुरीकै लहो भासाङ “आखेल्‍दामा” डा, होच्‍यौ अर्थ हो य्‍हुओ बारी।

प्रेरित 10:34

होटै पत्रुस ङाक्‍की ठाला, “साँच्‍ची न चाहाँ ङै डाङ्‍ने, परमेश्‍वरै सुकीर पक्‍छ्‍यपाट माजाट्‍ले।

प्रेरित 14:27

जब होखुरीक एन्‍टीओखीयाङ टाराहा, टब मण्‍डलीयुङ विश्‍वासीकोलाक भेला जाटा, होटै न्‍हुइङ पावल र बारनाबासै परमेश्‍वरै होखुरीकुङ साठाङ जाट्‍च पट्‍ट न कामौ बयान जाटा र कुटजाट्‍न अन्‍यजातिकुङ लागी विश्‍वासौ लाम खोलीम याहा डेम सेटाका।

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

२ ठेसलोनीकी 1:10

इसे कुरा प्रभु येशू फेरी राछ डीनाङ छान्‍ले। होसनीक प्रभु येशूये लहौ पवित्र भर्मीको लकीङ आदर र पट्‍ट न विश्‍वासीको लकीङ महीमा डुप्‍ले। नाखुरीक र होखुरीक खाटा काठोहाङ छान्‍ले, हीजैडेनाङ नाखुरीकै कानुङ साक्षीकी विश्‍वास जाटा।

२ ठेसलोनीकी 2:7

होसे व्‍यवस्‍था भङ्‍ग जाट्‍च भर्मीयो शक्‍तिये अघीलकीङ न काम जाट्‍न न ले। टर होसकी रोकडीम डाच शक्‍ति माहटडीस्‍ठर होच्‍यौ दुष्‍ट काम बाहीर माडाङ्‍ले।

१ टीमोठी 3:9

होखुरीकै परमेश्‍वरलकीङ डुप्‍च लहो विश्‍वासकी चोखो बीबेकै जोगडीम डाकी य्‍होक्‍च छान्‍की पर्‌ले।

१ पट्‍रुस 1:12

होसे समयाङ परमेश्‍वरै अगमवक्‍ताकोलाक टान्‍हाक्‍च र होखुरीकै जाट्‍च होसे सेवा होखुरीकुङ फाइडौ लागी मालेया टर नाखुरीकुङ फाइडौ लागी लेया। अगमवक्‍ताकै प्रचार जाट्‍च सेछ समाचार स्‍वर्ग लकीङ बीर्‌न्‍हकाच पवित्र आत्‍मौ शक्‍तिलकीङ जाट्‍नन्‍या। स्‍वर्गदूतको र इसे कुरा डाङ्‍की खुब मीमन जाट्‍नने।

१ पट्‍रुस 1:20

परमेश्‍वरै होसकोकी संसार सृष्‍टि छान्‍की डेनाङ अघीलकीङ न चुन्‍डीमन्‍या, टर नाखुरीकुङ लागी इसे अन्‍टीम डीनकोवाङ होसको डाङा।

१ पट्‍रुस 1:21

होसको लकीङ न नाखुरीकै परमेश्‍वर मीटाक विश्‍वास जाटा, सुये ख्रीष्‍टकी सीच लकीङ जीवाटाकार होसकोकी महीमीत पार्‌या। होटबाटै नाखुरीकुङ आशा र भरोसा परमेश्‍वर मीटाक ले।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ पट्‍रुस 3:22

होसको सीच लकीङ जीवाचपछी स्‍वर्गाङ नुङा र चाहाँ परमेश्‍वरौ डोरपट्‍टी ङुमने अनी पट्‍ट न स्‍वर्गदूत र स्‍वर्गाङ लेच अधिकार र शक्‍तिको होसकुङ अधिनाङ ले।

१ युहन्‍ना 1:2

जब होसे जीवन प्रकट छाना, टब कानै डाङा र कान गबाही याल्‍हे अनी नाखुरीककी र डेले, इसे सेन्‍र मासीच जीवन परमेश्‍वर बोइ खाटा लेया, र कान लेठाङ डाङा।

१ युहन्‍ना 3:5

नाखुरीककी थाहा ले की कानुङ पाप मेट्‍डीकीयो लागी न ख्रीष्‍ट संसाराङ राहा। होसको खाटा पाप न माले।

१ युहन्‍ना 3:8

पाप जाट्‍न ङुच चहीँ शैतानौ भर्मी हो। शैतानै सुरुलकीङ न पाप जाट्‍न राम्‍हने। होटबाटै शैतानौ कामकी नास जाट्‍की डेम परमेश्‍वरौ मीजा संसाराङ राछ हो।