१ टीमोठी 3:1 - पुर्वीय मगर

¹ इसे कुरा सत्‍य ले, इडीक सुयेर मण्डलीयुङ अगुवा छानार काम जाट्‍च मीमन जाट्‍ले डेनाङ होचे सेछ कामौ इच्‍छा जाट्‍ले।

१ टीमोठी 3:1 Iomraidhean Croise

लुका 15:10

ङा नाखुरीककी डेले, इटजाट्‍न लहो पापको डासार परमेश्‍वर पट्‌टी ल्‍हेस्‍च काट पापी भर्मीयो लागी परमेश्‍वरौ स्‍वर्गदूतौ म्‍याहासाङ आनन्‍द छान्‍ले।”

प्रेरित 1:20

अनी पत्रुसै डेया, “हीजैडेनाङ भजनसंग्रहौ कीताबाङ याङ्‍च रीक्‍ने, ‘होच्‍यौ इम उजाडीस्‍ख्‍यौ, होला बास ङुच सुर माछान्‍ख्‍यौ।’ “होला याङ्‍च र रीक्‍ने, ‘र होचे जाट्‍च कामौ जीम्‍मा अरुकै न लाख्‍यौ।’

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

१ ठेसलोनीकी 5:14

डाजेभाइको र डै बहीनीको, कान नाखुरीककी बिन्‍ती जाट्‍ले अल्‍छीकोलाक काम जाट्‍की डेयार चेटावनी यान्‍ही। बीर्‍हीचकोलाक उत्‍साह यान्‍ही। कमजोरकोलाक सहायता जाट्‍नी र पट्‍टको खाटा सहनसील छानार ङुनी।

१ टीमोठी 1:15

ख्रीष्‍ट येशू पापीकोलाक जीवाक्‍की संसाराङ राछ हो, इसे कुरा पट्‍टये मन्‍डीकी पर्च सत्‍य कुरा हो। अनी पापीको मढ्‍याङ ङा चहीँ पट्‍ट डेनाङ पापी हो।

१ टीमोठी 4:9

इसे विश्‍वास जाटार मन्‍डीकी पर्च सत्‍य कुरा हो।

२ टीमोठी 2:11

इसे भनाइ सत्‍य हो, “इडीक काल्‍हा होसकोखाटा सीमे डेनाङ, काल्‍हा र होसको खाटा न जीवाले,

टीटस 1:7

हीजैडेनाङ परमेश्‍वरौ काम जाट्‍की पर्‌चबाटै मण्डलीयुङ अगुवा चहीँ हीर दोष मालेच छान्‍की पर्‌ले, घमण्ड माजाट्‍च, छीटो मीरीस माख्‍योछ, माम्‍होर्‌च, सु खाटा र मापुन्‍छ, र खराब काम जाटार धन सम्‍पत्ती कमडीच छान्‍की माछान्‍ले।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

१ पट्‍रुस 2:25

नाखुरीक बरालीस्‍न व्‍हाच भेडाको ल्‍याक्‍च न लेया, टर अब नाखुरीकुङ आत्‍मौ गोठ्‍ला र सुरक्षा जाट्‍च लेठाङ ल्‍हेस्‍न राम्‍हने।

१ पट्‍रुस 4:15

टर नाखुरीक मढ्‍याङ सुयेर डुख डीन्‍हा डेनाङ भर्मी साट्‍च, खुस, अपराधी वा फोकुङ कामाङ मीहुट काचये लेखा चहीँ डुख माडीन्‍ख्‍यौ।

१ पट्‍रुस 5:2

कुटजाट्‍न गोठालाकै भेडौ बगाल सेम्‍ह ङोस्‍ले होटजाट्‍न न परमेश्‍वरै नाखुरीकुङ जीम्‍माङ याछ भर्मीकोलाक सेम्‍ह ङोस्‍नी। नाखुरीक कराङ पर्‍यार होइन, टर परमेश्‍वरौ इच्‍छा अनुसार खुसीखाटा जाट्‍नी, पैसौ लागी होइन, टर सेवा जाट्‍च मीमन लार इसे काम जाट्‍नी।