१ टीमोठी 2:8 - पुर्वीय मगर

⁸ होटबाटै पट्‍ट न ठावाङ लेन्‍जा भर्मीकै मीरीस माख्‍योम्‍ह र वाद विवाद माजाट्‍न निर्दोष मीहुट सोटार प्रार्थना जाट्‍ख्‍यौ डेच ङौ मीमन ले।

१ टीमोठी 2:8 Iomraidhean Croise

मत्ती 21:21

अनी येशूये होखुरीककी जवाफ याहा, “ङा नाखुरीककी साँच्‍ची न डेले, नाखुरीक खाटा विश्‍वास ले र सेन्‍र सङ्‍खा माजाटा डेनाङ, ङै इसे अन्‍जीरौ म्‍यार्‌टुङकी ही जाटा होडीक मट्‍टै होइन, टर नाखुरीकै इसे डाँडाकी ‘इटै नुङार समुन्‍द्राङ झालो’ डेया डेनाङ होसे छान्‍ले।

मत्ती 5:44

टर ङा नाखुरीककी डेले, लहो शत्रुकोलाक माया जाट्‍नी, र नाखुरीककी खेडो जाट्‍चकुङ लागी प्रार्थना जाट्‍नी।

मत्ती 6:12

कानै जाट्‍च पापको क्षमा जाट्‍न यान्‍ही, कुटजाट्‍न कानै र कानुङ विरुधाङ पाप जाट्‍चकोलाक क्षमा याम्‍हने।

लुका 23:34

होस बेला येशूये डेया, “ए बोइ, इखुरीककी क्षमा यान्‍ही हीजैडेनाङ इखुरीकै ही जाट्‍न न ले, होसे इखुरीककी हीर थाहा माले।” होटै होखुरीकै होसकुङ बढीन चीठ्‍ठा कार पुङा।

लुका 24:50

होटै येशूये चेलाकोलाक बेथानिया सम्‍म आल्‍हार लहो मीहुट सोटार होखुरीककी आसीस याहा।

युहन्‍ना 4:21

येशूये होसे मास्‍टो भर्मीकी डेया, “ङै डेच कुराङ विश्‍वास जाट्‍नी, होसे बेला राम्‍हन ले, जब नाखुरीक परमेश्‍वर बोइकी आराधना जाट्‍की न इसे डाँडाङ न यरूशलेमाङ नुङ्‍ले।

प्रेरित 10:2

होसे परमेश्‍वराङ भक्‍टी जाट्‍च भर्मी लेया अनी होसे र होच्‍यौ पट्‍ट न जाहानको परमेश्‍वर खाटा बीर्‍हीमन्‍या। होचे गरीबकोलाक भीत्री मीमनीङ सहायटा जाट्‍चै र सधैँ परमेश्‍वर खाटा प्रार्थना जाट्‍नन्‍या।

प्रेरित 10:31

र डेया, ‘ए कर्नेलियस, परमेश्‍वरै नुओ प्रार्थना सेमने र नीये गरीबकोलाक याछ दानौ बारेयाङ होसकै आर्‌मीट्‍न ने।

प्रेरित 10:4

अनी कर्नेलियस बीर्‍हीयार स्‍वर्गदूतकी सेम्‍हजा ङोसार डेया, “हजुर, प्रभु?” स्‍वर्गदूतै होसकी डेया, “नुओ प्रार्थना र नीये गरीबकोलाक जाट्‍च सहायटाकुङ पट्‍ट न कुरा परमेश्‍वर लेठाङ टाम्‍हने र होसे पट्‍ट न होसकै आर्‌मीट्‍न डामने।

प्रेरित 21:5

होटै कानुङ नुङ्‍च बेला छान्‍रखीङ होखुरीक खाटा बिदा छानार कान खेव्‍हा। होलुङ विश्‍वासीको लहो पट्‍ट न जाको समेट जहान-जहान न होखुरीक कानकी सहर बाहीर सम्‍म साखी राहा, र कानै समुन्‍द्रओ छेवाङ घुँडा टुसार प्रार्थना जाटा।

प्रेरित 7:60

अनी होचे घुँडा टुसार बाड्‍को सोरै च्‍याकार डेया, “ए प्रभु, इसे पापौ दोष इखुरीककी मालक्‍डीसख्‍यौ।” इट डेयार होचे प्राण डासा।

१ ठेसलोनीकी 1:8

नाखुरीकै प्रभुओ बचन माकेडोनीया र अखैयाङ मट्‍टै सेटाक्‍च होइन, टर परमेश्‍वर मीटाक नाखुरीकै जाट्‍च विश्‍वास पट्‍टलाक न फैलडीसा। इसे बारेयाङ कानै हीर डेम ङुकी मापर्‌ले।

१ टीमोठी 5:14

होटबाटै ङा आर्‌नाम बीढुवाकोलाक चहीँ फेरी ब्‍याहा अट जाटै डेच सल्‍लाह याल्‍हे। अनी होखुरीकै मीजाको डीन्‍ख्‍यो अनी इमुङ व्‍यवहारको सय्‍हारीख्‍यौ। होटजाटा डेनाङ कानकी शैतानै कानुङ बडनाम जाट्‍च मौका माडुप्‍ले।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

याकुब 4:8

नाखुरीक परमेश्‍वरौ खेरेप रान्‍ही, अनी होसको र नाखुरीक खेरेप राल्‍हे। नाखुरीक पापीको, पाप जाट्‍की डास्‍नी! डोढार्‌या मीमन लेच भर्मीको, नाखुरीक लहौ मीमनकी चोखो खास्‍नी।

१ पट्‍रुस 3:7

लेन्‍जाको, होटजाट्‍न न नाखुरीकै र लहौ मास्‍टोकोलाक आदर जाट्‍की पर्‌ले। नाखुरीकै इसे कुरा माम्‍य्‍हाक्‍की, की नाखुरीकुङ मास्‍टोको नाखुरीक डेनाङ कमजोर ले, टर होखुरीक खाटा सेछ ब्‍यबहार जाट्‍नी, हीजैडेनाङ होखुरीकै र नाखुरीक खाट-खाट न सेन्‍र मासीच जीवनौ उपहार डुप्‍ले। याङ्‍च जाट्‍नी होटबाटै नाखुरीकुङ प्रार्थनाङ बाढा माराल्‍हे।