१ टीमोठी 1:9 - पुर्वीय मगर

⁹ होटबाटै कानकी ठाहा ले, व्‍यवस्‍था सेछ भर्मीयो लागी खास्‍च होइन। टर व्‍यवस्‍था उलङ्‍घन जाट्‍च, अपराधि, परमेश्‍वरकी मामन्‍डीच, पापी, अपवित्र र दुष्‍ट भर्मीको, मोइ-बोइकी साट्‍च अठबा भर्मी साट्‍चकुङ लागी,

१ टीमोठी 1:9 Iomraidhean Croise

मत्ती 10:21

“भाये लहो न डाजेकी साट्‍कीयो लागी घोवाक्‍ले, बोये मीजाकोलाक र मीजाकै मोइ-बोयो विरुद्धाङ सोवार होखुरीककी साट्‍की लैडीले।

२ ठेसलोनीकी 2:8

होटै होसे व्‍यवस्‍था भङ्‍ग जाट्‍च भर्मी डाङ्‍ले। प्रभु येशू रान्‍हाङ होसकुङ ज्‍योटीयो शक्‍तिये होसकुङ मेङ्‍गेरुङ सासै होसकी नास जाट्‍ले।

१ टीमोठी 4:7

परमेश्‍वरकी मामन्‍डीच र अर्थ मालेच दन्‍त्‍य कठाको लकीङ जोगोडीस्‍नी। टर परमेश्‍वरकी सेवा जाट्‍च जीवन जीवाकी लाहाकी टालीम यान्‍ही।

१ टीमोठी 6:20

ए तिमोथी, परमेश्‍वरै नाकोकी कुसे कुरा जीम्‍मा याम्‍हने, होसकी सेम्‍ह जोगडीम डाकी। कुडीक जना भर्मीकै संसारुङ मुर्‌ख कुराकी ज्ञान डेयार मन्‍डीच झुटो कुरा लकीङ र जोगडीस्‍नी।

२ टीमोठी 2:16

संसारुङ मुर्‌ख बोलीकोलकीङ लोस ङुनी। इचे च भर्मीकोलाक परमेश्‍वरलकीङ झन लोस आल्‍हे।

२ टीमोठी 3:2

होडीक बेलुङ भर्मीको लाहाकी मट्‍टै माया जाट्‍च, पैसौ लोभ जाट्‍च, लाहा मट्‍टै बाड्‍को हो डेम आर्‌मीट्‍च, घमण्‍डी, अरुओ बडनाम जाट्‍चको छान्‍ले। होखुरीक लहो मोइ बोयो आज्ञा मामन्‍डीच, बैगुनी र अपवित्र छान्‍ले।

टीटस 1:10

हीजैडेनाङ वास्‍टै भर्मीको अरुकुङ अढीनाङ माङुच, व्‍यार्थौ कुरा जाट्‍च, ढाट्‍डीचको छान्‍ले। होखुरीक मढ्‍याङ, कुडीक जनै चहीँ ँ इट डेले, की मुक्‍ति डुप्‍की खतना जाट्‍की पर्‌ले।

टीटस 1:16

होखुरीकै परमेश्‍वरकी चीन्‍डीले डेम डाबी च जाट्‍ले, टर होखुरीकुङ कामलकीङ चहीँ परमेश्‍वरकी इन्‍कार जाट्‍च टान्‍हाक्‍ले। होखुरीक झीर्‌न सेच, अटेरीको ले र कुसेर असल काम जाट्‍की ज्‍योस्‍च माले।

टीटस 1:6

होसे अगुवा छान्‍च भर्मी चहीँ सुयेर डोस लैडीकी माय्‍होक्‍च र काट मट्‍टै मास्‍टो लेच छान्‍की पर्‌ले। मीजाको र परमेश्‍वरकी विश्‍वास जाट्‍च र डेच मन्‍डीच र खराब बानी बेहोरा मालेच छान्‍की पर्‌ले।

टीटस 3:3

हीजैडेनाङ कान र पहीला होङ्‍च न मुर्‌ख, डेच मागन्‍डीच र बरालीस्‍च लेया। मासेछ बीचारकै र पट्‍ट खालुङ मोज मज्‍जाकै कानकी कमारा खास्‍नन्‍या। कानकी र फोको भर्मीकै झीर्‌नन्‍या र कान र होखुरीककी झीर्‌च जाट्‍नन्‍या।

१ पट्‍रुस 2:7

होटबाटै नाखुरीक विश्‍वास जाट्‍चकुङ लागी इसे ल्‍हुङ बहुमुल्‍य ले। विश्‍वास माजाट्‍चकुङ लागी च इसे ल्‍हुङ याङ्‍च हो, “इम खास्‍च कर्‌मीकै काम मालग्‍डीस्‍ले डेच ल्‍हुङ सुर ल्‍हुङ छाना।”

१ पट्‍रुस 3:20

इसे भर्मीकुङ आत्‍माको चहीँ नुहै बाड्‍को जहाज खास्‍च बेलाङ पाप लकीङ ल्‍हेस्‍लेकी डेयार परमेश्‍वरै लेन्‍च आत्‍माको लेया। टर होखुरीकै परमेश्‍वरौ आज्ञा मामन्‍डीया। जहाज भीत्री लेच ठोरै भर्मीको जम्‍मा आठ जना मट्‍टै डी लकीङ जीवाम्‍या।

१ पट्‍रुस 4:18

धर्मशास्‍त्राङ डेमने, “इडीक धर्मी भर्मीकोलाक जीवाटाक्‍की च मुस्‍कील छान्‍ले डेनाङ परमेश्‍वरकी न विश्‍वास माजाट्‍च पापी भर्मीकुङ हालट च झन ही छान्‍ले औँला?”

यहुडा 1:15

होसकै पट्‍ट न भर्मीकुङ न्‍याय जाट्‍ले र पापीकोलाक होखुरीकै जाट्‍च पट्‍ट न खालुङ मास्‍च कामकुङ लागी र होसकुङ विरुधाङ ङाक्‍च पट्‍ट न मास्‍च कुराकुङ लागी होसकै दण्‍ड याल्‍हे।”