१ टीमोठी 1:16 - पुर्वीय मगर

¹⁶ टर येशू ख्रीष्‍टै ङा मीटाक सेन्‍र माभ्‍याच कृपा टान्‍हाकार ङा ल्‍याक्‍च पट्‍ट डेनाङ पापीकी लोहो धैर्य टान्‍हाक्‍की होसकै ङाकी काट नमुना खासा। अनी इसे नमुना चहीँ ङा डेनाङ न्‍हुइङ ख्रीष्‍टकी विश्‍वास जाट्‍च र सेन्‍र मासीच जीवन डुप्‍च भर्मीकुङ लागी हो।

१ टीमोठी 1:16 Iomraidhean Croise

लुका 15:10

ङा नाखुरीककी डेले, इटजाट्‍न लहो पापको डासार परमेश्‍वर पट्‌टी ल्‍हेस्‍च काट पापी भर्मीयो लागी परमेश्‍वरौ स्‍वर्गदूतौ म्‍याहासाङ आनन्‍द छान्‍ले।”

लुका 23:43

होसकै डेया, “साँच्‍ची न ङा नाकोकी डेले, छीनी न नाको ङाखाटा स्‍वर्गाङ छान्‍ले।”

लुका 7:47

ङा नाकोकी डेले, इच्यो पाप वास्‍टै लेया टर क्षमा छान्‍नने। होटबाटै इसे मास्‍टोये ङाकी वास्‍टै माया टान्‍हाका। चेक्‍जा पाप क्षमा छान्‍च भर्मीये चहीँ चेक्‍जा न माया जाट्‍ले।”

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

युहन्‍ना 3:36

सु-सुये परमेश्‍वरौ मीजा मीटाक विश्‍वास जाट्‍ले होखुरीकै सेन्‍र मासीच जीवन डुप्‍ले। टर मीजौ आज्ञा मामन्‍डीचकै चहीँ होसे जीवन माडुप्‍ले, टर परमेश्‍वरौ मीरीस होखुरीक मीटाक ङुम न ङुले।

युहन्‍ना 5:24

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

युहन्‍ना 6:37

बोये ङाकी याछको पट्‍ट न ङा लेठाङ राल्‍हे, र ङा लेठाङ राछको चहीँ सुकीर ङा ल्‍हेट्‍न माकाले।

युहन्‍ना 6:40

हीजैडेनाङ ङौ बोयो इच्‍छा इसे न हो, मीजाकी ङोस्‍च र होसे मीटाक विश्‍वास जाट्‍च पट्‍टकै सेन्‍र मासीच जीवन डुप्‍ख्‍यौ, र ङा होखुरीककी अन्‍टीम डीनाङ सीच लकीङ जीवाटाक्‍ले।”

युहन्‍ना 6:54

टर सुये ङौ डेह ज्‍याले र ङौ य्‍हु गाले होसेखाटा चहीँ सेन्‍र मासीच जीवन छान्‍ने, अनी अन्‍टीम डीनाङ ङा होसकी सीच लकीङ जीवाटाक्‍ले।

प्रेरित 13:39

नाखुरीक विश्‍वास जाट्‍चको पट्‍टकै होसको लकीङ न पट्‍ट न पापलकीङ छुटकारा डुप्‍नने। होसे छुटकारा मोशौ व्‍यवस्‍थालकीङ नाखुरीकुङ लागी सम्‍भव मालेया।

२ ठेसलोनीकी 1:10

इसे कुरा प्रभु येशू फेरी राछ डीनाङ छान्‍ले। होसनीक प्रभु येशूये लहौ पवित्र भर्मीको लकीङ आदर र पट्‍ट न विश्‍वासीको लकीङ महीमा डुप्‍ले। नाखुरीक र होखुरीक खाटा काठोहाङ छान्‍ले, हीजैडेनाङ नाखुरीकै कानुङ साक्षीकी विश्‍वास जाटा।

१ टीमोठी 1:13

छान्‍कीयो लागी च ङै पहीला होसकुङ निन्‍दा जाटा, होसकोकी विश्‍वास जाट्‍च भर्मीकोलाक खेडो जाटा र अपमान जाटा। टर होडीक बेला ङौ विश्‍वास मालेया, र इसे कुराको ङै माव्‍हार्‌न न जाट्‍च बाटै ङाकी ख्रीष्‍टै कृपा जाटा।

१ पट्‍रुस 3:20

इसे भर्मीकुङ आत्‍माको चहीँ नुहै बाड्‍को जहाज खास्‍च बेलाङ पाप लकीङ ल्‍हेस्‍लेकी डेयार परमेश्‍वरै लेन्‍च आत्‍माको लेया। टर होखुरीकै परमेश्‍वरौ आज्ञा मामन्‍डीया। जहाज भीत्री लेच ठोरै भर्मीको जम्‍मा आठ जना मट्‍टै डी लकीङ जीवाम्‍या।

२ पट्‍रुस 3:15

इसे कुरा नाखुरीकै माम्‍य्‍हाक्‍नी प्रभु धैर्य जाट्‍की य्‍होक्‍च ले हीजैडेनाङ भर्मीको जीवाख्‍यो डेच होसकुङ मीमन ले। कानुङ प्‍यारो भाइ पावलै र परमेश्‍वरखाटा डुप्‍च ज्ञान लकीङ इसे न कुरा नाखुरीककी रीक्‍ङन्‍या।

२ पट्‍रुस 3:9

कुडीक जना भर्मीकै बीचार जाट्‍च लेखा प्रभु लहो प्रतिज्ञा पुरा जाट्‍की ढीलो माजाट्‍ले। टर होसकै नाखुरीककी लेन्‍न ङुमने। हीजैडेनाङ परमेश्‍वरौ इच्‍छा इसे हो की नाखुरीक मढ्‍याङ सुर नास माछान्‍ख्‍यो, टर पट्‍ट न भर्मीकै लहो पापको डासार परमेश्‍वर पट्‍टी ल्‍हेस्‍ख्‍यो।