१ टीमोठी 1:10 - पुर्वीय मगर

¹⁰ व्‍यभिचारीको, समलीङ्‌गी सम्‍बन्‍ध डाचको, दास खास्‍की भर्मीकी अपहरन जाट्‍चको, झुटो ङाक्‍च, झुटो गबाही याछको र सत्‍य शिक्षौ विरुधाङ काम जाट्‍चकुङ लागी खास्‍च हो।

१ टीमोठी 1:10 Iomraidhean Croise

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।

१ टीमोठी 4:6

इडीक नाकै इसे कुराको भाइ बहीनीकोलाक बुझडीम याहा डेनाङ, नाको विश्‍वास र सत्‍य बचनाङ होर्‌च र ठीक शिक्षा डुट्‍च ख्रीष्‍ट येशूओ सेछ सेवा जाट्‍च छान्‍ने।

१ टीमोठी 6:3

सुये बेग्‍लै शिक्षाको पाहाक्‍ले, र कानुङ प्रभु येशू ख्रीष्‍टौ सत्‍य शिक्षा र कानै जाट्‍की पर्च भक्‍तियो शिक्षा मामन्‍डीले डेनाङ,

२ टीमोठी 1:13

ङै नाकोकी पाहाक्‍च सत्‍य शिक्षौ नमुनाकुङ पालना जाट्‍की, ख्रीष्‍ट येशूवाङ लेच विश्‍वास र प्रेमाङ डाम डाकी।

२ टीमोठी 4:3

हीजैडेनाङ याङ्‍च समय राम्‍हन ले, भर्मीकै साँचो शिक्षाकी सहडीकी माय्‍होक्‍ले। टर होखुरीक लहे जाक्‍ङ सेच कुराको मट्‍टै सेकी इच्‍छा जाट्‍ले होटबाटै लाहाकी मज्‍जा सेच कुराको सेटाक्‍च शिक्षकको भेला जाट्‍ले।

टीटस 1:13

इसे गबाही सत्‍य हो। होटबाटै होखुरीककी साप्‍फी हप्‍कडीनी अनी होखुरीक विश्‍वासाङ बलीयो छान्‍की य्‍होक्‍ख्‍यौ।

टीटस 1:9

लहे पाछ सत्‍य बचनाङ बलीयो छान्‍की पर्‌ले। अरुकी उत्‍साह याखी य्‍होक्‍च छान्‍की पर्‌ले। इटजाट्‍न होचे सत्‍य बचनौ शिक्षा लकीङ अरु भर्मीकोलाक उत्‍साह याखी य्‍होक्‍ख्‍यो र विरोधीकुङ गल्‍टी टान्‍हाक्‍की य्‍होक्‍च छान्‍ख्‍यो।

यहुडा 1:7

होटजाट्‍न न सदोम र गमोरा अनी होसे खेरेपुङ सहरकुङ भर्मीकै झीर्‌न सेच व्‍यभिचारौ काम जाटार पाप जाट्‍नन्‍या, होटबाटै होखुरीक सधैँभरी ढाम ङुच म्‍हेओ दण्‍डवाङ पर्च उदाहरण छाना।