१ ठेसलोनीकी 1:3 - पुर्वीय मगर

³ कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ ठेसलोनीकी 1:3 Iomraidhean Croise

युहन्‍ना 14:15

“इडीक नाखुरीकै ङाकी माया जाट्‍ले डेनाङ ङै याछ आज्ञाको मन्‍डीले।

युहन्‍ना 15:10

ङा ङौ बोयो आज्ञाको मन्‍डीयार बोयो मायाङ ङुले। होटजाट्‍न न इडीक नाखुरीकै ङौ आज्ञाको मन्‍डीया डेनाङ नाखुरीक र ङौ मायाङ ङुले।

प्रेरित 10:31

र डेया, ‘ए कर्नेलियस, परमेश्‍वरै नुओ प्रार्थना सेमने र नीये गरीबकोलाक याछ दानौ बारेयाङ होसकै आर्‌मीट्‍न ने।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

१ ठेसलोनीकी 3:6

टर तिमोथी चाम-चाम नाखुरीककी डुपार कान लेठाङ टार्‍हा र नाखुरीकुङ विश्‍वास र मायौ सेछ समाचार कानकी सेटाका। नाखुरीकै कानकी डुप्‍की साप्‍फी इच्‍छा जाटार सधैँ माया खाटा कानकी आर्‌मीट्‍ले डेच होचे खबर सेटाका। कानै र नाखुरीककी डुप्‍च होडीक न इच्‍छा जाट्‍नने।

२ ठेसलोनीकी 1:11

होटबाटै परमेश्‍वरै कुसे जीवनौ लागी नाखुरीककी आर्‌घामे, होच्‍यौ योग्‍य खास्‍की र होसकुङ शक्‍तिये सेछ जाट्‍च इच्‍छा र विश्‍वासौ काम पुरा जाट्‍की साहायटा जाट्‍ख्‍यौ डेयार कान नाखुरीकुङ लागी सधैँ प्रार्थना जाट्‍ले।

२ ठेसलोनीकी 1:3

डाजेभाइको र डै बहीनीको, नाखुरीकुङ विश्‍वास वास्‍टै ल्‍होङ्‍ङ न ले। नाखुरीकै जाट्‍की पर्च माया र नाखुरीकुङ मीघ्‍याङ झन-झन ल्‍होङ्‍ने। कानै परमेश्‍वरकी नाखुरीकुङ बारेयाङ सधैँ धन्‍यवाद याखी न पर्‌ले।

१ टीमोठी 1:14

अनी कानुङ प्रभु येशूओ अनुग्रह ङा मीटाक प्रशस्‍तखाटा राहा, र ख्रीष्‍ट येशूवाङ डुप्‍च विश्‍वास र प्रेम ङौ जीवनाङ परमेश्‍वरै न ङाकी याहा।

१ टीमोठी 2:3

इटजाट्‍न प्रार्थना जाट्‍नाङ चहीँ कानकी मुक्‍ति याछ कानुङ परमेश्‍वरकी जाक्‍ङ सेले।

१ पट्‍रुस 3:4

टर नाखुरीकुङ भीत्री मीमन सेछ छान्‍की पर्‌ले, होसे सेन्‍र नास छानार मानुङ्‍च नम्‍र र सान्‍ट आत्‍मा चहीँ सेछ छान्‍की पर्‌ले र इसे चहीँ परमेश्‍वरौ म्‍याहासाङ महङ्‍गो ले।

१ युहन्‍ना 3:18

बालखको, कानै मेङेर अठबा कुरै मट्‍टै प्रेम माजाटीङ, टर काम लकीङ अनी सत्‍यताङ प्रेम जाटीङ।

१ युहन्‍ना 3:21

ङौ जाक्‍च लाफाको, इडीक कानुङ मीमनै काल्‍हाकी डोस मालैडीया डेनाङ च काल्‍हाकी परमेश्‍वरौ अघी नुङ्‍की आट राल्‍हे।

१ युहन्‍ना 3:3

अनी ख्रीष्‍ट मीटाक इसे आशा डाच काट-काट जना भर्मीये कुटजाट्‍न होसको पवित्र ले, होटजाट्‍न न लाहाकी पवित्र खास्‍ले।

१ युहन्‍ना 5:3

हीजैडेनाङ परमेश्‍वरौ आज्ञाको मन्‍डीकी न परमेश्‍वरकी प्रेम जाट्‍की हो। अनी होसकुङ आज्ञाको गार्‍हो माले।