१ पट्‍रुस 4:3 - पुर्वीय मगर

³ हीजैडेनाङ अगाडीयुङ समयाङ नाखुरीक परमेश्‍वरकी माचीन्‍डीच भर्मीकै जाट्‍च ल्‍याक्‍च न चालचलनाङ व्‍हामन्‍या। नाखुरीक मास्‍च इच्‍छा जाट्‍च, शरीरौ अभीलासा जाट्‍च, हान रक्‍सी गाच, भोजाङ वास्‍टै हान रक्‍सी गार म्‍होर्‌च र झीर्‌न सेच मूर्तिको पुजा जाट्‍नन्‍या।

१ पट्‍रुस 4:3 Iomraidhean Croise

मर्कूस 7:22

लोभ जाट्‍च, दुष्‍टता, छल जाट्च, छाडापन, मीरीस जाट्‍च, निन्‍दा जाट्‍च, घमन्‍ड र मुर्‌खटा।

प्रेरित 17:30

पहीला माव्‍हार्‌न न जाट्‍च कामकी परमेश्‍वरै माङोस्‍ले। टर अब पट्‍ट न ठावाङ पट्‍ट भर्मीकोलाक पश्‍चात्ताप जाट्‍की आज्ञा याम्‍हने।

१ ठेसलोनीकी 4:5

नाखुरीक पट्‍टये परमेश्‍वरकी माचीन्‍डीच अरु भर्मीकै लेखा व्‍यभिचार जाट्‍च मास्‍च बीचार लाकी माछान्‍ले टर पवित्र छानार लहौ मास्‍टो खाटा जीवन बीटडीकी वार्‌खी पर्‌ले।

टीटस 3:3

हीजैडेनाङ कान र पहीला होङ्‍च न मुर्‌ख, डेच मागन्‍डीच र बरालीस्‍च लेया। मासेछ बीचारकै र पट्‍ट खालुङ मोज मज्‍जाकै कानकी कमारा खास्‍नन्‍या। कानकी र फोको भर्मीकै झीर्‌नन्‍या र कान र होखुरीककी झीर्‌च जाट्‍नन्‍या।

१ पट्‍रुस 1:14

हीजैडेनाङ नाखुरीक परमेश्‍वरौ आज्ञाकारी बालखको हो होटबाटै पहीला हीर माव्‍हार्‌छ बेलाङ जाट्‍नाङ लेखा अब नाखुरीकै मासेछ कामको माजाट्‍की।

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।