YUDA 1:9 - Embimbiliya - Bíblia Sagrada em Umbundu

⁹ Puãi, ndaño ungelo unene, Mingeli, eci a liyaka leliapu omo va lipatãlela etimba lia Mose, ka lukutile oku u pisa londaka yesepu, puãi wa popia hati, Ñala a ku lemele eye.

YUDA 1:9 Iomraidhean Croise

I ASAPULO 12:17

Oco Daviti wa tunda ha ñualẽhẽla lavo, yu wa popia lavo, hati, Nda weyi lombembua kokuange, ha vu ñuatisa, oco utima wange u linala lene. Puãi nda weyilili oku makula kovanyali vange, ndaño sia lingile cĩvĩ, oco Suku yolosekulu vietu a ci mole kuenda a ci lemele!

ETUNDILO 22:28

Ka ci tava oku tondala Suku ndaño oku siñala ombiali yofeka yove.

DANIELE 10:13

Puãi ombiali yusoma wa Persia wa tamãlãla lame oloneke akũi avali lamosi, kuenje ota, Mingeli, haeye umue pokati kolombiali vinene, weya ha ñuatisa, oco nda kalako lolosoma via Persia.

DANIELE 10:21

Puãi hu sapuila eci ca sonẽhĩwa vocisonẽhũa cocili, kuenje ka kuli umue o ñaila poku liyaka lavandeti, te Mingeli ombiali yene.

DANIELE 12:1

Koloneke viaco ku katuka Mingeli, ombiali yinene haeye ombindikiyi yomãla vepata liene. Oco ku kala otembo yohali, okuti ya linga ndoyo ka ya leya tunde kefetikilo liolofeka toke opo. Koloneke viaco, epata liene li popelua, okuti u wosi onduko yaye yi sangiwa okuti ya sonẽhĩwa velivulu.

SAKARIYA 3:2

Yehova wa popia la Satana hati, Yehova a ku lemẽle, a Satana! Yehova, u wa nola Yerusalãi, a ku lemẽle! Heyeko ocitonga copiwa vondalu?

MARKO 15:29

Ava va vinjukako vo popia etonãi, oku lipuka ovitue viavo, va popia vati, Ove, okuaku nyõla onembele, kuenje o yi tunga vali koloneke vitatu.

ESINUMUĨLO 34:6

Kuenje wo kenda vocimbota covofeka ya Moavi, ca imba ovaso ko Bete Peore. Puãi toke etaili lomue wa kulĩha apa pa kasi eyambo liaye.

I VA TESALONIKE 4:16

Momo Ñala, eye muẽle, o tunda kilu levilikiyo, londaka yungelo unene, kuenda lolumbeta lua Suku. Kuenje ava va fa vu Kristu va pinduka tete.

I PETULU 3:9

Ko ka fetuluinyi evĩho levĩho, pamue etuka letuka, cene oku likutilila loku kuatisa, omo oco wa kovongiwili okuti vu piñala esumũlũho.

II PETULU 2:11

Osimbu ovangelo, ndaño va piãla kunene lokolohõlo, ka va va pisa lesepu kovaso a Ñala.

ESITULUILO 12:7

Kuenje kilu kueya ovita. Mingeli lovangelo vaye va liyaka locinyõha. Ocinyoha lovangelo vaco va tamalala,