YUDA 1:7 - Embimbiliya - Bíblia Sagrada em Umbundu

⁷ Kuenda vali, ovaimbo a Sodomo la Gomora, lovaimbo akuavo a lisungue lao, omo a lieca kukahonga loku kuama ovilinga viumbondo lupuepue, ndeci omanu vaco va kasi loku linga, cilo a linga elungulo, momo a kasi loku yambuiwa londalu ka yi pui.

YUDA 1:7 Iomraidhean Croise

EFETIKILO 13:13

Va Sodoma va kala olondingaĩvi. Va lingaila Yehova akandu a lua.

EFETIKILO 18:20

Yehova yu wa linga hati, Omo eyuala lia Sodoma la Gomora lia lua, lakandu avo akahandangala,

EFETIKILO 19:5

Va vilikiya Lote vati, Alume veya kokuove oñolosi yilo va kasi pi? Va nena kokuetu oco tu va kũlihe.

I OLOSOMA 22:46

Vakuokahonga walume lalume, vana va supilepo koloneke via isiaye Asa, wa va kundula vofeka.

ISAYA 1:9

Nda Yehova Ukualohoka ka tu sililepo okacisupe katitotito, nda tua linga nda Sodoma kuenda nda tua lisoka la Gomora.

ISAYA 13:19

Kuenje Bavulono olio imbo lia piãla kulamba pokati kovoviali hailio eposo kuenda esanju lia va Kaldea, li linga nda Sodomo la Gomora eci Suku a a nyõla.

ISAYA 33:14

Vakuakandu vo Siono va kasi lusumba, lava ka va tavele ku Suku va luluma. Helie pokati ketu o tẽla oku kala londalu yelisi? Helie pokati ketu o tẽla oku tumãla lokupia ka ku pui?

YEREMIYA 20:16

Omunu waco a linge ndovaimbo a Yuda ana Yehova a nyõla kuenje ka kuatelele ohenda: a yeve okulila omẽle kuenda evilikiyo liocilunga kutanya.

YEREMIYA 50:40

Ndeci ca kaile, eci Suku a nyõla Sodoma kuenda Gomora lovaimbo a lisungue lao, haico ci kala la Bavulono. Lomue o tungamo, lomue omunu o kalamo.

ASIÕSUILO 4:6

Eyambulo liomanu vange lia piãla, eli lia Sitomo li sule, imbo lina lia kupuiwa ocipikipiki, halovaka omanuko.

HOSEA 11:8

A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

AMOSI 4:11

Nda kundula amue ovaimbo ene ndeci Suku a kundula Sodoma la Gomora. Kuenje ene wa soki locitonga ca popelua vondalu. Haimo ka wa tiukili kokuange. Oco ca popia Yehova.

MATEO 10:15

Mopia lene siti, Ocili, keteke liekanga eyambulo liofeka ya Sodomo la Gomora li sule, eyambulo limbo liaco li lua vali enene.

MATEO 11:24

Mopia love siti, Keteke liekanga eyambulo lia Sodomo li sule, liove li velapo.

MATEO 25:41

Oco o popia lava va kasi kepĩli, hati, Nundi, ene wa siñaliwi. Wili vondalu ka yi pui ya angiliyilua eliapu lovangelo vaye.

LUKA 17:29

Puãi keteke Lote a tunda vo Sodomo, kilu kua loka ondalu yofuofuo ndombela, yu ya va nyõla vosi.

I VA KORINDO 6:9

Ka wa kũlĩhili okuti olondingaĩvi ka vi piñala usoma wa Suku? Ko ka kembiwi. Ndaño vakuokahonga, ndaño vakuaviteka, ndaño vava va lala lakãi vamãle, lalume va lisokisa lakãi, lalume vakuakulala lalume,

ESINUMUĨLO 29:23

leci va mõla ndomo ofeka yosi ya linga ofeka yofuofuo lomongua, haiyo ya linga epile ka li kũlĩwa, ka mu tundi cimue, ndaño oku yunda owangu ka mu yundi, okuti enyolẽho liayo li soka lenyõleho lia Sodoma la Gomora, kuenda Adima la Cevoyi, ovaimbo ana Yehova a nyõla lonyeño yaye lokutema kuaye,

II VA TESALONIKE 1:7

loku eca kokuene vu kasi loku talisua ohali, epuyuko kumue letu, eci Ñala Yesu a ka tukuluka tunde kilu lovangelo vaye va pama vondalu yulienge,

II VA TESALONIKE 1:8

kuenje o fetuluinya ava ka va kũlĩhile Suku, lava ka va tava kondaka yiwa ya Ñala yetu Yesu.

II PETULU 2:2

Kuenda vali, va lua va ka kuama ovilinga viavo viupuepue, kuenje, mekonda liavo, onjila yocili yi sepuiwa.

II PETULU 2:6

nda ovaimbo a Sitomo la Gomora, poku a lingisa etiko, wa a pisa, okuti wa a tukuila oku nyõleha pe kuenje wa a lekisa ku vakuakutomba Suku ndongangu,—

II PETULU 3:7

Puãi londaka yaco haiyo, ilu li kasi ndeti longongo ya angiliyiwila ondalu, yi tãilili eteke liekanga hailio liokunyõleha kuomanu va tomba Suku.