YUDA 1:3 - Embimbiliya - Bíblia Sagrada em Umbundu

³ A vakuacisola, nda kaile lutima woku vu sonehela oku vangula lene ondaka yeyovo lietu, puãi nda vetiwa onjanga yoku vu sonehela loku vu peya okuti vu yakela ekolelo lina lia eciwa olumue ku vakuetavo.

YUDA 1:3 Iomraidhean Croise

NEHEMIYA 13:25

Oco nda litamalala lavo yu nda va siñala. Vamue nda va puma loku sunya ocifuko cavo. Kuenje nda va pangisa oku lisila la Suku okuti ka va kuelisa vali omãla vavo vakãi lomãla valume va vakualofeka, ndaño oku kuelisa omãla vavo valume lomãla vavo vakãi, ndaño ovo muẽle oku likuela la vakualofeka.

ISAYA 45:17

Puãi Isareli o popeliwa la Yehova, lepopelo liaco li enda ño-o hũ, ka li pui. Ku kutisua osõi, ku munĩhĩsua olotembo vi enda ño-o hũ.

ISAYA 45:22

Asukiyo oluali, njimbi ovaso ho popeliwa. Momo ame ndi Suku, ka ku li yikuavo.

YEREMIYA 9:3

Yehova hati, Va nãla alimi avo ndoku nãla olohonji. Uhembi wamamako vofeka, ocili hacoko. Momo va amako ño-o tunde kũvi toke kũvi, kuenje ka va ñulĩha.

OVILINGA 17:3

Wa lombolola, kuenda wa lekisa okuti Mesiya, co sokiyilua oku tala ohali loku pinduka ku vakuavilangu. Noke wa teta onimbu hati, Yesu u ñasi loku u vu lomboluila, eye Mesiya.

OVILINGA 18:28

momo wa tamalala la va Yudea kovaso omanu, kuenje wa lekisa lovisonehua viavo muẽle okuti Yesu eye Mesiya.

OVILINGA 20:27

Nda pua eko momo sia yuvuile oku vu sapuila ocipango cosi ca Suku.

OVILINGA 28:28

Oco limbuki okuti eyovo eli lia Suku lia tumiwa ku vakualofeka. Ovo va li yeva.

OVILINGA 4:12

Omo vemi lilu ka muli onduko yikuavo ya eciwa komanu okuti tu popeliwa layo, oco epopelo kumue wiñi ka kuli.

OVILINGA 6:7

Ondaka ya Suku ya sandoka, loloñame via luila ca lua vo Yerusalãi. Kuenje owiñi wa lua wovitunda wa tava ketavo liaco.

OVILINGA 9:13

Ananiya wa kumbulula hati, A Ñala, omunu waco, va lua va sapuila ndomo a kasi loku kangisa olosandu viove vo Yerusalãi.

OVILINGA 9:22

Saulu puãi wa amamako kongusu, kuenje wa tangelekisa va Yudea va tunga vo Damasko, momo wa toñomãla okuti Yesu eye Kristu.

I VA KORINDO 15:3

Catete nda linga haico cinene ceci okuti, ndo kundili ondaka nda tambulavo ame. Ondaka yaco yeyi, Kristu wa fila akandu etu ndeci ca tukula ovisonehua.

VA GALATIA 2:5

Puãi tua likala, ka tua tavele ndaño naito kondaka yavo. Cimosi lika tua livela cokuti, nda ocili condaka yiwa ci tumala vovitima viene.

VA GALATIA 3:28

Momo ka kuli u Yudea pamue u Helasi, ka kuli upika pamue omãmãle, ka kuli ulume pamue ukãi, momo ene vosi wamuamue vu Kristu Yesu.

VA GALATIA 6:11

Tali ovisonehua vinene ndu soneheli lavio leka liange muẽle.

VA EFESO 1:1

Ame ndi Paulu haime ndupostolo wa Kristu Yesu, momo oco ca panga Suku, Sonehela olosandu vi kasi ke Efeso, haivio vakuekolelo vocili vu Kristu Yesu.

ESINUMUĨLO 21:9

Oco, poku linga eci ca sunguluka ku Yehova o liyelisa keko lioku pesela osonde ye lipua.

ESINUMUĨLO 9:10

Oco Yehova wa nyĩha ovitale vivali viovawe via sonẽhĩwa lomuine wa Suku. Kovitale viaco kua sonẽhĩwa olondaka viosi Yehova a popia lene kuna komunda. Olondaka viaco via tunda vokati kondalu keteke liohongele.

VA FILIPOI 1:1

Ame ndi Paulu kuenda Timoteo, haetu tuakuenje va Kristu Yesu, Tu sonehela olosandu viosi vu Kristu Yesu vi kasi ko Filipoi, kumue lolosungu viaco kuenda oloñuatisi.

VA FILIPOI 1:27

Ndu kisiki ca lua okuti ovimuenyo viene vi soka londaka yiwa ya Kristu, okuti ndaño njiya kuenje ndu moli, ndaño siya, haimo njeva okuti wa kolipo v'Espiritu limuamue, kuenje njevavo okuti vu kuete utima umosi oku yakela ekolelo lioku kolela ondaka yiwa.

VA KOLOSAI 1:2

tu sonehela olosandu, haivo vamanji va kolelua vu Kristu va kasi ko Kolosai. Ocali lombembua yi tunda ku Suku Isietu yi kale lene.

I VA TESALONIKE 2:2

Ndaño eteke tua tala ohali, kuenda tua fũkĩlisua vo Filipoi, ndeci wa kũlĩhi, haimo tua kuata utõi vu Suku yetu oku u sapuili ondaka yiwa ya Suku pokati kuyaki wa lua.

I TIMOTEO 1:18

Amõlange, a Timoteo, hu kundika ocikundi ca soka ndovitumasuku via popia uprofeto vina via ku ilika, okuti, poku kolisiwa lolondaka viaco, o yaka uyaki uwa,

I TIMOTEO 6:12

Yaka uyaki uwa wekolelo. Kuatelela omuenyo ko pui una wa kovongiwila eci wa lekisa etavo liove kovaso olombangi via lua.

II TIMOTEO 1:13

Pokola kolondaka viocili wa yeva kokuange. Vi pokola vekolelo locisola vi kasi vu Kristu Yesu.

TITO 1:4

Ndi sonehela Tito omõlange wocili vekolelo lietu limuamue. Ocali lombembua yi tunda ku Suku Isietu kuenda ku Kristu Yesu Upopeli wetu yi kale love.

VA HEVERU 13:22

A vamanji, ndu pingi okuti vu kolisako londaka yange yelungulo, momo ndo soneheli olondaka ka via luile.

VA HEVERU 6:9

A vakuacisola, ndaño tu popia ndomo, haimo oku vu sokolola, tua kolela okuti ovina via velapo, vina vi tiama keyovo, ovio viya kokuene.

I PETULU 5:12

Okokanda kalo ñasi loku ka tuma kokuene peka lia manjange nda kolela ca lua, Siluano. Nda ka tuma oku vu lungula loku imba uvangi okuti ocali eci nda lombolola oco ocali cocili ca Suku. Kolipo laco.

II PETULU 1:1

Ame ndi Simono Petulu ndukuenje wa Yesu Kristu, haime ndupostolo waye, Ndi sonehela ava va tambula ekolelo li kola lia lisoka lekolelo lietu vesunga lia Suku yetu lupopeli wetu Yesu Kristu.

II PETULU 2:21

Momo ovo, hise nda ka va kũlĩhile onjila yesunga, oku konyoha ocihandeleko ci kola ca eciwa kokuavo, haico va ci kũlĩha ale, oco cĩvi enene.

YUDA 1:1

Ame ndi Yuda, ndukuenje wa Yesu Kristu, haime ndu manji a Tiago; Ñasi loku sonehela ava va kovongiwa, haivo va soliwa la Suku Isia, kuenda va laviwila Yesu Kristu.

YUDA 1:17

Ene puãi a vakuacisola, ivaluki olondaka via popiwa lovapostolo va Ñala yetu Yesu Kristu.

YUDA 1:20

Ene puãi, a vakuacisola, lipamisi lekolelo liene li kola. Likutilili ve Espiritu Sandu.

ESITULUILO 12:11

Vo yula losonde ya Kameme kuenda ondaka yuvangi wavo, momo ovimuenyo viavo ka va vi solele, ndaño kueya okufa.

ESITULUILO 2:10

Ku ka yokokele ohali o laika oku tala. Hu sapuila okuti eliapu limba vamue pokati kene vokayike okuti vu nyikiwa. Kuenje wu tala ohali ekui lioloneke. Pandikisa ño toke kokufa, kuenje hu iha ekolowa liemuenyo.