YUDA 1:20 - Embimbiliya - Bíblia Sagrada em Umbundu

²⁰ Ene puãi, a vakuacisola, lipamisi lekolelo liene li kola. Likutilili ve Espiritu Sandu.

YUDA 1:20 Iomraidhean Croise

SAKARIYA 12:10

Ngeca kepata lia Daviti kuenda kolonungi via Yerusalãi utima wohenda kuenda utima woku likutilila, okuti eci va vanja u vo toma vo lilila ndu o lilila omõlaye ongunga. Vo lilila muẽle calua ndu o lilila nuñulu yaye.

OVILINGA 15:9

Eye ka pañuile pokati ketu lavo, puãi wa yelisa ovitima viavo lekolelo.

OVILINGA 26:18

oku patulula ovaso avo. O va patulula okuti va tunda kowelema ha va sangi utanya, loku tunda kuviali wa Satana ha va tiama ku Suku. Veya ku Suku okuti va mola ongecelo yakandu kuenda ocipiñalo pokati kava va yelisua omo va ñolela.

OVILINGA 6:7

Ondaka ya Suku ya sandoka, loloñame via luila ca lua vo Yerusalãi. Kuenje owiñi wa lua wovitunda wa tava ketavo liaco.

OVILINGA 9:31

Ekongelo lioko Yudea yosi, lo ko Galilea, kuenda ko Samária, lia linala lombembua kuenje liamamako. Lia endela vonjila yoku sumbila Ñala loku kolisua le Espiritu Sandu, kuenje lia vokiyiwa.

VA ROMA 15:2

Etu vosi omunu omunu a sokoluile ukuavo eci ciwa coku u kolisa.

VA ROMA 8:15

Momo ka wa tambuili espiritu liupika okuti vu kala vali lusumba, puãi wa tambuli espiritu liomangu yomõla, lina tu vilikiya lalio tuti, Aba, A Tate,

I VA KORINDO 1:8

Eye o wihi ongusu toke kesukiyo, okuti vu pua atondelo keteke lia Ñala yetu Yesu Kristu.

I VA KORINDO 10:23

Ci tava oku linga ovina viosi, haviosiko puãi vi kuatisa. Ci tava oku linga ovina viosi, haviosiko puãi vi kolisa.

I VA KORINDO 14:15

Oco hẽ, ndinga nye? Ndi likutilila lutima, ndi likutililavo lolondunge. Njimba lutima, njimbavo lolondunge.

I VA KORINDO 14:26

Oco a vamanji, wu linga hẽ nye? Eci wongoloki, vosi va kuatise, ci kale locisungo, ci kale loku longisa, ci kale locitumasuku, ci kale loku popia velimi limue liñi, ci kale oku lombolola. Cosi ci lingiwile oku kolisa ekongelo.

VA GALATIA 4:6

Kuenje, omo vumãla, oco Suku wa tuma Espiritu li'Omõlaye vovitima vietu, ha li vilikiya liti, Aba, a Tate.

VA EFESO 4:12

Wa ci lingila oku kolisa olosandu viaye ha vi lingi upange woku longisa loku tunga etimba lia Kristu,

VA EFESO 4:16

Eci etimba liosi li tokekisua loku sokekisua lasokoluilo alio, leci ovimatamata vialio vi lingila pamosi ovopange avio locisola, oco kokuaye ku tunda eci ci kulisa etimba loku li amisako locisola.

VA EFESO 4:29

Vovimela viene ka mu ka tunde ombangulo yĩvi, mu tunde puãi olondaka vi kuatisa, haivio via soka lotembo yaco, kuenje vi sumũluisa ava va vi yeva.

VA EFESO 6:18

Likutilili ve Espiritu olonjanja viosi. Sapuli ku Suku apingilo ene loku a felevela. Pandikisi locituwa caco loku likutililila olosandu viosi.

VA KOLOSAI 2:7

Olombombo viene vi tuamele vokuaye. Amamiko oku kula vokuaye loku pamisua vekolelo ndeci wa longisiwi. Olopandu viene vi lue.

I VA TESALONIKE 5:11

Oco, likolisi pokati loku likuatisa ndeci vu kasi ale loku lingainga.

I TIMOTEO 1:4

pamue oku sakalala lolosapo loku sinumula ovikoti viapata ka vi kuete esulilo. Momo ovina ndevi vi koka lika olonamalala, ka vi koki okupindisua ku kola ku kasi vekolelo.

II TIMOTEO 1:5

Njivaluka ekolelo halioku luvikiyako o kasi lalio. Tete lia kala vu nyokulu Loisi, kuenda vu nyoho Eunike, kuenje cilo nda kolela okuti ove o kasivo lalio.

TITO 1:1

Ame ndi Paulu ndukuenje wa Suku, haime ndupostolo wa Yesu Kristu. Nda noliwila upange waco okuti ñamisa ekolelo liava va noliwa la Suku, loku amisavo ukũlĩhiso wavo woku kũlĩha Ocili, haico ca lomboloka omuenyo woku sumbila Suku.

TIAGO 2:22

Siti, ekolelo liaye lia talavaya pamosi lovilinga viaye, kuenda ovilinga via suisapo ekolelo.

II PETULU 1:1

Ame ndi Simono Petulu ndukuenje wa Yesu Kristu, haime ndupostolo waye, Ndi sonehela ava va tambula ekolelo li kola lia lisoka lekolelo lietu vesunga lia Suku yetu lupopeli wetu Yesu Kristu.

I YOANO 5:4

Cosi ca citiwa la Suku ci yula oluali. Eyulo li yula oluali haili, ekolelo lietu.

YUDA 1:3

A vakuacisola, nda kaile lutima woku vu sonehela oku vangula lene ondaka yeyovo lietu, puãi nda vetiwa onjanga yoku vu sonehela loku vu peya okuti vu yakela ekolelo lina lia eciwa olumue ku vakuetavo.

ESITULUILO 13:10

U wa tukuiwila umandekua, enda kumandekua. Lu o ponda ponda losipata o pondiwa losipata. Pokati kolohali ndovio opo pa molehela epandi lekolelo liolosandu.