YUDA 1:19 - Embimbiliya - Bíblia Sagrada em Umbundu

¹⁹ Ava, ovo va koka olonepele, haivo va kuama ño-o oloñeyi vietimba ndovinyama, ka va kuete Espiritu.

YUDA 1:19 Iomraidhean Croise

OLOSAPO 18:1

U wa liamuha lavakuavo o lisandaila ovina viaye muẽle, ha funguila cosi ca sunguluka.

ISAYA 65:5

Va popia vati, Likaila, ku ka name ocipepi, momo ame ndi kola ca lua, ove o sule. Ava va linga ndowisi vanyũlu ange, ndondalu yi taima ño-o eteke liosi.

ESEKIELE 14:7

Momo omunu wosi ukuepata lia Isareli, pamue umue wa vakualofeka va tunga vo Isareli, nda o tepa kokuange, hã ha kapi oviteka viaye vutima waye, loku kapa ocilondokua cevĩho liaye kovaso ocipala caye, kuenje iya kuprofeto oku pula, ame ndi Yehova ame muẽle ndu tambulula.

HOSEA 4:14

Si yambula omãla vene vakãi eci va linga ovipuepue, ndaño olondombua viene eci vi limba kukahonga. Momo alume lavovo va pambuka ha va kala lovipuepue, va lumbaila kumosi lolombaisi viefendelo liavo. Omanu ka va kuete olondunge va nyõlẽha.

HOSEA 9:10

Isareli ndo sangele ndayuva ovekalasoko, nda muĩle va isiene ndapako onendela ukuyu kefetikilo liuvo waco. Puãi va enda ko Baalepeore kuenje va litumbika ku Baale, yu va livihisa ha va lisoki levi va sola.

VA ROMA 8:9

Ene puãi, ka vu kasi vetimba, te ve Espiritu, nda Espiritu lia Suku li tunga ocili vovitima viene. U ka kuete Espiritu lia Kristu ka tiamela ku Kristu.

I VA KORINDO 2:14

Ukuetimba ka tambula oviali viEspiritu lia Suku, momo kokuaye vi linga nduveke, kuenje eye ka tẽla oku vi limbuka momo vi limbukiwa lika lolondunge vi'Espiritu.

I VA KORINDO 6:19

Ka wa kũlĩhili hẽ okuti etimba liene onembele ye Espiritu Sandu, u o kasi volonũlo viene, haeye wa tambuli ku Suku? Ka wa lifukili ene muẽle,

VA HEVERU 10:25

Ka tu ka liweki oku ongoloka ndomo vamue va lingainga, puãi tu likuatisi pokati lalungulo, ca piãla vali omo vu lete okuti eteke liaco li kasi ocipepi.

TIAGO 3:15

Olondunge evi havioko vi tunda tunda kilu, puãi vioposi, haivio violoñeyi vĩvi leliapu.