YUDA 1:16 - Embimbiliya - Bíblia Sagrada em Umbundu

¹⁶ Omanu vaco vakuakuñuñula, haivo vakuakulisiõsiõla. Va kuama kuama oloñeyi viavo. Ovimẽla viavo vi popia popia oku lipanda. Va sumbilila omanu okuti va likokela oku kuatisiwa locame.

YUDA 1:16 Iomraidhean Croise

YOVI 32:21

Si kuatela omunu umue ocame. Si sivaya umue lombambe.

YOVI 34:19

Ove hẽ o pisa Suku omo ka kuetele omanu vanene ocame? U pisa omo ka velisapo olohuasi loku kapa kutito olosuke omo vosi yavo upange wovaka aye?

OLOSAMO 106:25

Va lisiõsuĩla volombalaka viavo, kuenje ka va yevele kondaka ya Yehova.

OLOSAMO 15:4

O pembula ondingaĩvi, puãi o sumbila ava va sumba Yehova. O likuminya eci cu valula, haimo lumue ka tiukamo.

OLOSAMO 17:10

Va sitika ovitima viavo okuti ohenda ka yi sangimo omangu. Kovimela viavo ku tunda oku lituna.

OLOSAMO 73:8

Va tukayãla, va vangola lupombo. Va lituna kuenje va lipañela oku kangisa.

OLOSAPO 28:21

Oku amela omunu hakuwako puãi ũvi waco vamue vo lingila oku tambula okacimalañanya kombolo.

ISAYA 29:24

Ava va kamba esunga liovutima, ci va lomboloka, kuenda vakualonamalala va tava oku longisiwa esunga.

OVISILA 19:15

Ko ka tetuluili oku pengisa; ko ka sumbili ocipala cosuke, ku ka kemainye ocipala cekope; puãi tetuluila ukuẽle lesunga.

ATENDELO 14:36

Ovalume vana Mose a tumĩle oku lavulula ofeka, haivo va tiuka kuenje va wengula owiñi wosi oku lisiosiola omo va tukuila ofeka yaco oluhimo luvĩ,

ATENDELO 16:11

Oco ove lowiñi wove wosi eci wongoloki ndeti wongolokeli oku lisiõsuĩla Yehova. Arone hẽ wa linga nye okuti eye vu lisiõsuĩla?

ATENDELO 16:41

Puãi hẽla liaco va Isareli vosi va lisiõsuĩla Mose la Arone vati, Ene wa ipali omanu va Yehova.

LUKA 15:2

Va Fariseo la vakuavisonehua va ci ñuñuila, vati, Omunu u o linala lolondingakandu, kuenda o lia kumue lavo.

LUKA 19:7

Kuenje eci omanu va ci mola, vosi va ñuñula vati, Wa ka singa kondingakandu.

LUKA 5:30

Kuenje va Fariseo la vakuavisonehua vavo va mumuila olondonge viaye vati, Nye vu lila loku nyuila kumue la vakuakutambula elisimu lolondingakandu?

YOANO 6:41

Oco va Yudea vo mumuila omo a linga hati, Ame ndimbolo ya tunda kilu.

YOANO 6:61

Puãi Yesu, omo a limbuka vutima waye okuti olondonge viaye via yi mumuila, oco wa va pula, hati, Ondaka eyi hẽ, yo tatami?

I VA KORINDO 10:10

Ka tu ka lisiõsiõli ndeci vamue pokati kavo va linga, yu unyõli wa va nyõla.

VA GALATIA 5:16

Puãi ondaka yange yeyi, Endaendi le Espiritu oco ko lingi ocipango cetimba.

VA GALATIA 5:24

Puãi, ava va tiamela ku Kristu Yesu, etimba va li valela kekulusu, kumue lovipango loloñeyi vialio.

ESINUMUĨLO 1:27

Wa lisiõsuĩli volombalaka viene, hoti, Momo Yehova a tu nyale, oco a tu upila kofeka ye Egito oku tu eca peka lia va Amori oku tu nyõla.

VA FILIPOI 2:14

Cosi vu linga ci lingi loku yuvula oku lisiõsiõla kuenda olonatoma,

I VA TESALONIKE 4:5

ha lowuya wukahokoloko nda vakualofeka ka va kũlĩhile Suku.

I TIMOTEO 6:5

kuenda olonjuela pokati komanu vakuavitima via vĩha, haivo ka va kasi locili, haivo va soka vati, Kokutuwa nda Suku oko ku tunda onganyu ya lua.

II TIMOTEO 4:3

Momo kuiya oloneke okuti omanu ka va tava kokulongisa kuocili, puãi, omo va kasi lovatui a yua, oco va liongoluila alongisi ndovipango viavo,

I PETULU 1:14

Kali ndomãla va pokola okuti, ka vu pangisui loloñeyi vĩvi ndeci wa kaili koloneke vionumbi yene.

I PETULU 2:11

A vakuacisola, ndu vetiyi ndakombe kuenda ndovingendeleyi, siti, Yuvuli oloñeyi vietimba, vina vi yaka lutima.

I PETULU 4:2

Wa a sila okuti otuneke tuo sialelapo oku kala vetimba ka endaenda vali loloñeyi vietimba te locipango ca Suku.

II PETULU 2:10

ca piãla vava va kuama kuama oloñeyi vietimba lumbondo, kuenje va sepula olombiali. Omanu ndovo vakuasiata haivo vakuacipango, kuenje, ndaño oku tomba ovangelo vakuolamba, kokuavo hacimueko.

II PETULU 2:18

Momo, oku lipanda lolondaka violonambelo, va yonja lovipango vietimba lumbondo ava ndopo va litepa la vakuakandu.

II PETULU 3:3

Tete limbuki okuti, koloneke via sulako, kuiya vakuetombo loku tomba, va enda loloñeyi viavo vietimba,

YUDA 1:15

Weyilila oku tetuluila vosi, loku pisa vosi va tomba Suku. Wa va pisila ovilinga viosi vietombo va lingila oku tomba Suku. Wa va pisilavo ovina viosi vĩvi via popia vakuakandu va tomba tomba Suku.

YUDA 1:18

Va popia lene vati, Kotembo yesulilo ku kala vakuesepu va kuama oloñeyi viavo vĩvi, haivio vi tombisa Suku.