YOELI 3:7 - Embimbiliya - Bíblia Sagrada em Umbundu

⁷ Cilo puãi ndi vopa kuna wa va landisili kuenje elinga liaco liene ndu li fetuluinyi lonjanga.

YOELI 3:7 Iomraidhean Croise

ESTER 7:10

Kuenje Soma wa popia hati, U nyengelekiko eye muẽle. Oco va nyengeleka Hamana kocalẽla Hamana a angiliyilile Mordekai. Oco onyeño ya Soma ya imuha.

ISAYA 11:12

Ikila olofeka epandela ha konguisa va Isareli va tundisilue, loku ongolola va Yuda va sandokalaile kolonẽle vikuãla violuali.

ISAYA 49:12

Va tunda kupãla, yu veya, vamue va tunda ko Norte, vamue kutakelo wekumbi, vamue kofeka ya Sini.

ISAYA 66:6

Yevelela onjuela yi tunda vimbo, ondaka ya tunda vonembele, ondaka ya Yehova yi fetahainya ovanyãli vaye.

YEREMIYA 23:8

puãi va linga vati, Ndeci Yehova a kasi lomuenyo, u wopa omãla va Isareli vofeka yoko Norte lovolofeka viosi oko a va sanduilile, haeye wa va songuila. Yu va tunga vofeka yavo muẽle.

YEREMIYA 30:10

Yehova wa popia hati, A Yakoba, okuenje wange, ku ka kale lusumba. A Isareli, ku ka yokoke. Momo tala, ndaño o kasi kupãla haimo hu popela. Mopela ombuto yove kofeka yumandekua wavo. Yakoba o tiuka kuenje o kala ciwa, o tula utima. Lomue u lingisa usumba,

YEREMIYA 30:16

Oco vosi va ku lia va liwa. Ovanyali vove vosi, vosi muẽle, va enda umandekua. Ava va ku punda va pundiwa. Vosi va ku kuata ndi va eca koku kuatiwa.

YEREMIYA 31:8

Tala, ndi vopa kofeka yoko Norte, kuenje ndi vongolola tunde kasukiyo okilu lieve. Pokati kavo pa kala olomeke lovilema. Akãi olomisi kuenda ava va kasi loku cita veyilila kumuamue. Va tiuka owiñi wa lua.

YEREMIYA 32:37

Tala, ndi vongolola kolofeka viosi oko nda va sanduilile eci nda temele loku va kuatela onyeño locikumbiti ca lua. Ndi va nena vali kocitumãlo cilo, ndi va tungisa ciwa kuenje va koka.

ESEKIELE 36:24

Kuenje ndu wupi pokati kapata. Ndu wongololi kolofeka viosi. Ndu neni vofeka yene muẽle.

ESEKIELE 38:8

Kovaso yoloneke via lua vu kongiwi. Kefulilo lialima vu tundila ofeka yina ya popeliwile kovita, haiyo ofeka yolomunda via Isareli vina via kaile ekalasoko, cilo puãi via tungilua lomanu va tunda kolofeka viñi viñi. Omanu vaco vopiwa kolofeka, cilo va kasi ciwa, va koka.

YOELI 3:4

A Turo, a Sidono, avaimbo osi a va Filisiti, Nye vu yongola kokuange? Vu kasi loku fetuluinyila cimue ale? Nda oco vu kasi loku ndinga limbuki okuti efetuluinyo liaco ndu li fetuluinyi lonjanga.

SAKARIYA 9:13

Momo nda peteka Yuda ha lingi ohonji yange. Nda lingisa Efarimi usongo wayo. A Siono, omãla vove valume ndi va katuila omala valume va Helasi! Hu sokisa ndosipata yukuakuyaka.

MATEO 7:2

Momo evelo vu vela lalio hailio vo veli lalio. Oseteko vu setaeka layo haiyo vo setekelivo.

II VA TESALONIKE 1:6

Momo, ku Suku, esunga oku fetuluinya lohali ava vo talisi ohali,

TIAGO 2:13

Momo, u ka kala kala lohenda ka tetuluiwa lohenda, haimo lumue ohenda yi yula vekanga.

ESITULUILO 13:10

U wa tukuiwila umandekua, enda kumandekua. Lu o ponda ponda losipata o pondiwa losipata. Pokati kolohali ndovio opo pa molehela epandi lekolelo liolosandu.

ESITULUILO 16:6

Momo omanu va pesela osonde yolosandu lovaprofeto, love wa nyuisa omanu vaco osonde. Ca va sesamela.

ESITULUILO 19:2

momo olonimbu o tetulula viocili lesunga. Wa pisa ocipuepue cinene ca konyuisa ilu lieve lupuepue waco, haeye wa ci fetuluinyila osonde yovakuenje vaye.

LIOLONGANJI 1:7

Adoni Beseke hati, Akuĩ epanduvali kolosoma, nda a tetele ovimuine viomumba kovaka lokolomai, kuenje via nolaile ovimalañanya via loka loka komesa yange. Ndeci nda linga, haico Suku a fetuluinya. Oco vo nena ko Yerusalãi kuenje haiko a fila.

I SAMUELE 15:33

Samuele hati, Ndeci osipata yove ya pumbisa akãi omãla vavo haico nyoho o pumba omõla pokati kakãi. Samuele yu wa sasela Agage kovaso a Yehova vo Giligali.