YOELI 3:5 - Embimbiliya - Bíblia Sagrada em Umbundu

⁵ Momo wambati opalata yange lulu wange, kuenda evi viange via posoka ndi vi sole wa vi kapi volonembele viene.

YOELI 3:5 Iomraidhean Croise

II OLOSOMA 12:18

Yehoasi Soma ya Yuda wa nyañula ovina viosi vi kola vina via tumbikile olosekulu viaye olosoma vio ko Yuda, Yehosafata la Yehorama kuenda Ahasiya, levi eye muẽle a tumbikile, lulu wosi una wa kala vovokuasi onjo ya Yehova lovonjo ya Soma. Cosi wa ci tuma ku Hasaele Soma ya Suria, leye wa liwekapo oku katukila Yerusalãi.

II OLOSOMA 16:8

Ahasi wopa opalata lulu una wa kala vonjo ya Yehova lovukuasi wonjo ya Soma, kuenje wo tuma ndombanjaile ku Soma ya Asuria.

II OLOSOMA 24:13

Wambata ovokuasi osi onjo ya Yehova, lovokuasi onjo ya Soma. Wa tetola ovikuata viosi viulu vina Salomone Soma ya Isareli a pangelele onjo ya Yehova, ndeci Yehova a ci popele.

ISAYA 11:11

Keteke liaco Ñala imba vali eka liaye oku yovola ocisupe comanu vaye ava va supa ka Asuria lo ke Egito, kuenda ko Patirosi, lo ko Kusi, kuenda ke Elami, lo ko Sinare, kuenda ko Hamati, lo kovifuka viokalunga.

YEREMIYA 23:7

Yehova hati, Tala, oloneke viya okuti ka va popi vali vati, Ndeci Yehova a kasi lomuenyo, u wopa omãla va Isareli ve Egito,

YEREMIYA 50:28

Yeveleli! Va kasi loku tila ale. Va kasi loku puluka kofeka ya Bavulono ha va sapuila vo Siono ndeci Yehova Suku yetu a fetuluinyila onembele yaye.

YEREMIYA 51:11

Kaluli ovisongo! Yeluli oviyepelo! Yehova wa tokotisa ovitima violosoma via va Media, momo ocipango caye ca wengukila Bavulono oku yi nyõla. Momo olio efetuluinyo lia Yehova hailio efetuluinyo lioku fetuluinyila onembele yaye.

ESEKIELE 37:12

Oco imba owanji. Popia lavo huti, Ca popia Ñala Yehova ceci, hati, Tala, njulula ayambo ene. Ndu tundisi vayambo ene, amanu vange. Ndu neni vofeka ya Isareli.

DANIELE 11:38

Komangu yaco puãi, o sumbila osuku yolombonge via pama; oco, osuku yimue vaisiaye ka va yi kulĩhĩle oyo a yi sumbila lulu lopalata lovawe a tĩla lovikuata via posoka.

OVADIYA 1:17

Puãi komunda ya Siono ku kala vamue va puluka, kuenje ku kola. Epata lia Yakoba li kala vali lovikuata vialio muẽle.