YOELI 3:4 - Embimbiliya - Bíblia Sagrada em Umbundu

⁴ A Turo, a Sidono, avaimbo osi a va Filisiti, Nye vu yongola kokuange? Vu kasi loku fetuluinyila cimue ale? Nda oco vu kasi loku ndinga limbuki okuti efetuluinyo liaco ndu li fetuluinyi lonjanga.

YOELI 3:4 Iomraidhean Croise

II ASAPULO 21:16

Yehova yu wa wenguila Yehorama onyeño ya va Filisiti la va Arabia, vana va lisungue la va Etiopia.

ISAYA 14:29

Ene vosi, vu va Filisiti ko ka yoleli, omo ombueti yo veteli ya teka; momo kolumbombo luonyõha ku tundila ekuiva, kuenje epako lialio ondala.

ISAYA 34:8

Momo Yehova o kasi leteke liefetuluinyo, kuenda unyamo woku fetuluinyila ũvi wa lingiwila Siono.

ISAYA 59:18

O va fetuluinya ndovilinga viavo, onyeño kuava vo tamãlãila, efetuluinyo kovanyalĩ vaye; o fetuluinya olofeka viokokalunga efetuluinyo.

YEREMIYA 47:1

Ondaka ya Yehova yeya ku Yeremiya, kuenje ya imbila va Filisiti owanji osimbu Fareo ka kuatele handi Gasa.

YEREMIYA 47:4

Momo kuiya eteke lioku nyõla va Filisiti vosi, loku takisa oñuatisi yosi ya siala vo Turo la Sidono. Momo Yehova o nyõla va Filisiti ava va supa kuenda va kasi vocifuka ca Kurete.

YEREMIYA 51:6

Tili vo Bavulono! Omunu omunu a popele omuenyo waye! Ko ka fi kotembo yeyambulo liaye. Momo eyi oyo otembo yefetuluinyo Ha Yehova, haiyo yonima a kasi oku u muisa.

YOELI 2:10

Kovaso yavo ongongo yi luluma, lilu li lisenga. Ekumbi losãi vi tekãva, kuenda olombungululu vi liweka oku tua.

YOELI 2:2

Eteke liaco eteke liowelema kuenda esumuo, hailio eteke lialende lowelema walua. Kuiya omanu va pama haivo vakahandangala. Va molẽha kolomunda ndolohuma. Tunde kosimbu ka kua la kala omanu ndovo, ndaño kovaso yanyamo ka ku kala, ndaño kovitumbulukila viya ka ku kala.

MATEO 11:21

hati, A Horaseni! Ngongo yove! A Betesaita! Ngongo yove! Momo ovilimbu via lingiwa kokuene nda via lingiwilile vo Turo lo vo Sidono, nda va likekembele osimbu, loku wala ovikeleyi kuenda oku tumala vetiko.

MATEO 11:22

Puãi mopia lene siti, Keteke liekanga eyambulo lia Turo la Sidono li sule, liene li velapo.

LUKA 10:13

A Horasene, ngongo yove. A Betesaita, ngongo yove, momo ovonene a lingilua vokati kene nda a lingiwilile vo Turo lo vo Sidono, nda va likekembela akandu avo osimbu, loku wala ikẽleyi kuenda oku tumala vetiko.

LUKA 10:14

Kekanga, Turo la Sidono hise lene.

LUKA 18:7

Suku hẽ, ka tetuluila lesunga vaye va noliwa, ava vo vilikaiya utanya luteke? O tutuvala ño-o oku va tetuluila lesunga?

OVILINGA 9:4

Oco wa kupukila posi, kuenje wa yeva ondaka ya popia laye yiti, A Saulu, A Saulu, nye o ñangisila?

ESINUMUĨLO 32:35

Cange oku fetuluinya ndaño oku eca onima. Naiyilili ale eteke olomãi viavo vi sielũha. Momo eteke liokukunduiwa kuavo li kasi ocipepi. Okunyõlẽha kuavo kuiya lonjanga.

II VA TESALONIKE 1:6

Momo, ku Suku, esunga oku fetuluinya lohali ava vo talisi ohali,

LIOLONGANJI 11:12

Yefita wa tuma olomunga kosoma ya va Amoni, hati, Nye o likuetele lame okuti weya kokuange oku yaka lofeka yange?